原來兩個人一齊唔係愛就可以

你都好，次次佢自己講分開都覺得係放開我，冇諗過自己要改變，至少你都會嗱嗱臨氹番佢，你仲會去佢屋企搵佢，打好多好多嘢，我嗰個走就真係走，我打咗幾篇千字文佢都可以覺得我氹得佢唔夠好覺得我唔着緊佢，因為我朝頭早趕住出門口講少嘅一兩句就發我脾氣，諗下我遲出門口係因為琴晚掛住打佢嗰幾篇千字文遲起身

差幾多歲

拍拖時候，有愛，努力，夾得埋就得
下一階段係結婚，結婚唔係兩個人既事，係兩個家族既事，佢唔鐘意你家人，你唔鐘意佢家人，呢d係好common, 但呢d已經唔係你兩個人之間咁小既問題。再深入d, 係家族價值觀問題，你全家人不嬲都係咁做野咁諗野，生活模式係咁，要了解同明白人地點解咁做係好難，好多時真係少見為妙，但大時大節有d野避唔到。
再下一階段係生小朋友。你上一階段可以少見為妙，但呢到開始家族問題為發大好多，點湊小朋友，飲食習慣，買禮物，教育，全部都可以有衝突，兩夫婦好多時都係比呢d野玩殘，有愛都無心力。
btw, 都已經無講經濟問題。

身同感受 可能係因為拍拖無耐就日日對埋
無咩時間感受戀愛既甜蜜就已經比大家隱藏既缺點
搞到無曬耐心
日日都嘈交 嘈到個人已經麻木
咬到條脷先知道 食嘢唔可以太急
愛過錯既人先知道 有啲嘢唔係執著不放棄 就一定會幸福

唔夾就唔夾 到大家磨蝕哂果份情感再分手唔仲衰

身同感受

我打算最後一次同返佢講對唔住 同多謝就算喇
如果仲返到轉頭嘅就唔會我去佢屋企樓下搵佢 佢都唔出現
佢行到呢一步 做到咁絕 佢俾我嘅感覺係 佢已經唔想再試 唔想再受傷 我做更多嘅嘢只會係煩擾到佢 俾壓迫感佢 令佢更加討厭我
好想氹返佢 但我已經諗唔到有咩方法可以感動到佢 有好多好多嘢想同佢講 但又怕煩到佢

所以話有時忍一時風平浪靜但我宜家果個好似唔係好明呢個道理 少少事就發脾氣。 我就黎忍唔住

熱戀嗰陣可以咩都唔在乎
只要你要 只要我有
因為我愛你 所以我願意
但只要感情平復咗 個心就會開始不斷計較
點解我付出比你多 點解我咩都可以比你
你就有所隱瞞 然後冷戰 嘈交 分手 和好 再冷戰
走得過咪執子之手囉 走唔過就只能緬懷當初

同埋有啲嘢講左收唔返 就算俾你同佢係返埋一齊 第日都會有條刺 與其係咁不如過多一排俾自己同對方一個冷靜期諗下係咪真係咁需要對方 對方係咪真係啱果個先再決定下一步行動 如果真係愛條刺會自然甩 但如果勉強一齊 只會更辛苦

我自己覺得會唔會係缺乏左溝通？溝通真係最緊要
不過就算你肯傾，都要佢肯傾，傾完要大家一齊磨合，有共識係想一齊，係想一齊行落去先可能可以長久

唔好自責

有時真係睇有幾着緊 着緊啲嗰個冇咁易放低邊可以走得咁灑脫
就算邊個唔啱邊個唔着又點 感情唔係所有嘢都有對錯 下下嗌到清清楚楚 嗌到贏 只係贏咗場交 輸咗感情 可惜我太遲先明白呢個道理
只要係feel到對方想走 你點都會選擇氹返佢先
不過可能人人唔同性格啦 再加上佢已經死心 我而家做嘅嘢對佢嚟講只係煩 佢應該寧願我唔做
巴打不如你諗下你女朋友有冇啲時候都對你好 有冇啲位都為你改變咗忍讓咗
如果冇嘅話 你就要諗下佢係咪一味想你付出 想你對佢好 自己唔付出
但如果有嘅話 咁你就嘗試同佢deal下啦 我驚你好似我咁嗌交又返唔到轉頭
無論係邊個都好 真係唔可以當對方嘅付出係應份 take it from granted 就算係小事例如係你刮到腳佢買膠布俾你都可以係付出 唔好覺得拍拖大家係男女朋友做呢啲嘢就一定係應份 原來唔係㗎

我同而家呢個差九年 但因為家庭背景既關係我比佢成熟 我拍過一次拖 佢拍過五次 但佢拍咗咁多次 我依然唔覺得佢喺相處之道上面有咩得益 依然係剩係識得要人遷就 滿足佢嗰啲無理要求 加上我完全唔覺得佢在乎我 完全感覺唔到 因為我係佢第六個 我覺得佢啲愛已經分曬喺頭幾個嗰度 到我呢度已經所剩無幾 所以就唔會咁重視

成日都係勸身邊d人
感覺係一時嘅，性格價值觀係一世嘅
好多人覺得岩feel就去馬，但其實feel只係長期關係入面嘅潤滑劑，真正重要嘅係兩個齒輪本身夾唔夾
完全唔夾嘅齒輪，你要磨到佢夾係好L痛好耐好辛苦

12歲
而且我係佢第七個 佢係我初戀 對於拍拖 大家嘅諗法太唔同
可能即使係差12歲 但如果我而家係一個喺社會做咗一段時間嘢 拍過拖嘅女仔 大家可以夾到
但當我係學生 佢係一個出咗嚟做嘢好耐 有好多閱歷 經歷過好多離離合合嘅人 我哋嘅價值觀同經驗嘅差距就自然出現問題可能呢啲差距唔係我肯改肯遷就就夾到

樓主 我都係初戀 男朋友拍過好多次拖
拍左大約年半 我都係好多芝麻綠豆野就會同佢嘈交
每次男朋友問其實係咪我地唔夾 我自己又會都好受傷
最近試緊放返個重心去自己到 唔理佢既野咁多 好似有好左少少

樓主 知你而家好難挨 想你睇下個舊post
https://lihkg.com/thread/839259/page/1
雖然好老土 但要愛自己 人地先會愛你

原來唔係有愛 死扯住段感情唔放就一定可以開花結果
大家都話愛一個成長一次 可能就係因為咁 佢拍過幾次拖明白執着落去唔會有好結果 不如決絕啲放棄 但我做唔到咁灑脫我仲想試 明知會受傷

睇下邊個著緊呢段感情多啲㗎姐 我嗰個都係拍過幾次拖 但我無覺得佢有成長啲咩 灑脫只係因為唔夠在乎

而家就係因為唔夾 一齊咗短時間就已經嘈咗三次 三次都係一嘈就搞到要分手
感情都未建立得穩固就已經磨蝕晒 所以佢先至失望到一定要分手
但係每個人都會喺感情中錯過然後學習成長
我希望我今次做錯咗 下次改返 我哋段關係會越嚟越好
但原來冇咁嘅機會 你嘅成長只可以用喺你下一段感情 已經唔可以放返喺同一段感情但我唔想咁樣 我仲愛佢

我同佢一齊三個月 幾乎日日都嘈 只係睇大同小 何況本身都無感情基礎 建立完未穩固就已經冧曬

我明啊，不過我分咗，唔通要一世咁鬧落去？
鬧到感情都淡埋。
以前拍咁多次拖都冇咁樣。

可能佢都有為我改但我唔知啦 應該有嘅
但次次嗌交之後佢想分手 我都好怕失去佢
會覺得所有嘢都係自己做錯 咁又的確我做錯好多嘢 所以想改想留住佢
有人都同我講有時大家都冇錯 冇錯點解要改 只係因為大家唔夾
你一味為佢改改得幾多 你為佢將自己嘅底線改咗幾多次 你咁樣改其實你改到冇咗自己 只係為咗迎合佢
但係而家嘅我因為愛佢 想佢留喺我身邊 我真係冇所謂 就算我改我都唔覺得辛苦同勉強我淨係想同佢一齊

當初就因為冇好好咁傾 有小不滿都唔講 以為自己忍到唔介意 但講真 如果真係完全唔介意就唔會放喺個心入面 嗌交嗰陣拎出嚟講啦
搞到次次都冇傾過 一嚟就係嗌交感情就係咁磨蝕咗 而家想救已經冇機會救返 如果當初識好好溝通 唔好咁衝動唔好咁好勝有幾好