居屋2019收信揀樓集中討論

如有得揀
火2同長1邊個好?
將仲有冇2?

開放式應該有啲機會嘅
啲1房都揀晒應該會多咗人放棄唔買
尤其綠表

長1
十年後 樓換樓 甩手都易啲

綠表 3人家庭 揀唔到1 人

火炭有高層先好揀
工業區空氣唔方好
另外生活配套認真麻麻......

唉
有車唔上又係煩
但如果真係開放式真係好難搞....

星期三就揀樓 到時應該冇曬400呎單位
慳番唔洗諗

題外話： 今日同屋企人傾到好心寒 冇諗過屋企人都個個計到盡 聽到家姐嗰句 我當哩度租架咋 唔會付出啲咩
男人老狗聽到都差啲流馬尿

你家姐喎
你打算成家人一同供樓？
幾兄弟姊妹連父母？
你會唔會太天真

你家姐遲早都嫁啦
如果佢肯供，你先心寒添啊
好大機會佢結婚後拖埋老公、仔女一同住
落地生根

邊有家庭咁買樓㗎
多數都係講掂數，讓俾家中男丁㗎啦

綠定白表？

星期三起碼都有火炭兩房四百幾呎你揀啦

認同另一個巴打講
一家人唔好一齊買樓，一定後悔
仲要你家姐有份比錢租或供

讓比男丁，咁女既好應該一個仙都唔好比 有比一定要留證據，第日一定追討返

我屌鳩你老母呀

我媽比首期 年紀大唔會要佢供
我出嚟做第一年野 供唔到
點解佢一個仙都唔洗比？
理性討論

冇可能要佢供曬25年
預三四年後至嫁人 仲一齊住係唔係都唔應該要佢比？
前題佢做咗野四年 完全有能力同我share

佢係講得難聽少少啫，但無錯
層樓如果係你嘅，咁你有乜理由叫佢供，你話佢有份住，佢夠有份畀個名你抽，口同鼻拗，計清楚就最好

咁我都好直接咁同佢講 我自己唔會供得起
佢又想住好啲轉環境 邊有咁著數又想有好處又唔想付出
因為而家講咩都假 佢唔比就直頭行唔通 買唔起
會計清楚 但佢係計過條數 又唔想供25年綁住舊錢
但又想有新樓住 就提出一齊share兩年直到佢搬出去
除咗嗰兩年一仙都唔會出
咁咪都行唔通囉

你可以溝通下叫佢當交少少租，睇下你供唔供到，otherwise就算而家勉強應承你，最尾都係家嘈屋閉。

我明你點諗，你可能覺得大家一家人邊個有能力就邊個幫，但你家姐未必咁諗，佢可能諗屋企人係想留個單位畀細佬，但就搵佢供，屋又無佢名，供又供大份，話就話幾年後結婚走，幾年後你無能力咪又係佢供返

同埋你都識講佢可能過幾年都結婚，可能人哋本身都儲緊錢，講真未必有能力幫你

講返轉頭，其實你啱啱出嚟做嘢，證明好後生，咁急住供樓做乜

未買之前都傾唔掂
買左更加唔會傾得掂

睇你個組合都係3個大人
1房就一定唔夠住，只可以揀火炭2房
月供雜費都起碼16k以上
如果要你自己供哂，又冇另一半幫手的話，都要30k人工先叫輕鬆D

同埋你家姐算好啦
一早講明幫手供2年就算，唔會要層樓
依家係睇你買唔買 供唔供得起即

同埋你母親年紀大，遲下有冇機會排下長者隊？
到時你家姐搬左出去，你結婚加長者名去抽三房好過

不過今次你排咁前都唔揀，係可惜D即

老母已經俾埋首期 層樓名又係你
好心你就自己辛苦小小自己供啦
都係捱頭幾年 之後月入多左就好輕鬆

話你家姐計到盡 後生仔 計到盡個個係你
自己一手供晒 之後唔洗俾人口實

其實佢家姐算好，本身可能只係交緊公屋租，而家都肯share兩年

佢家姐已經超好，幫佢供兩年，仲要唔係借，如果係綠表就彩佢都傻