比師傅不停勸不如你轉自動波啦

目前為止學左3日共6堂 第1，2堂學基本操作 吊極力子 入波 轉波 打燈 望鏡 將架車駛向前 向後 第1堂係我咩都吾識既時候個師傅已經好無耐性 係甘小我 第3，4堂 已經開始叫我轉呔開出去兜圈 但第一次接觸呔盤吾太識控制 係甘比個師傅小 大約開左車半小時後 開始領悟到轉呔既竅門 但有時攞位都攞得吾係甘好 第5，6堂 一開始轉呔出去既時候同前車太近 但師傅一開始只係叫我打燈望鏡 踩極力子 入一波穩磨擦點 之後鬆手制轉呔出去 比油行 轉出去差d撞到前面架死車 不過我知吾夠位出即刻踩實極力子加小小迫力 佢就話你轉呔太慢了 所以先會甘 心諗其實一開始入後波將架車向反後小小大把位出啦 之後開始開出去 係讓車虛線點 我見到無車即時轉呔駛出去 發現有架貨車泊左係度 我即刻靠左線 佢又小我 話要貼住右邊石膊行先岩阿 之後開始話你不如學自動波啦 容易好多 之後再不停轉彎兜圈 第2個圈開始叫我轉2波行 我一次轉波吾係好識把握 轉波果下chok左野 佢又話我好難學阿甘樣 話望下人地已經學緊調頭泊位 我仲係未識轉波果d ⋯⋯之後臨走既時候 佢再同我講 叫我諗諗轉學自動波呢個問題，佢話去鏗鏘學校同個職員話轉自動波就得了（我依家學緊車果間野係鏗鏘學校，師傅叫廖師傅） 其實我係咪進度太慢 棍波車吾岩我呢 定係師傅既問題

係咪好老 細細粒果個？

唔明教車佬有咩資格咁惡
成人版保良局訓練營

唔明教車佬有咩資格咁惡
成人版保良局訓練營

咁巴閉唔好學囉，教車師傅驚你考撚到牌到時累街坊，想你放棄揸車，唔啱就唔啱㗎啦

相信係巴打問題，唔緊要，唔識咪花多啲時間學囉
利申( 當年考油塘用咗10堂一Take Pass，頭4堂學識晒基本野 第5堂開始直接由九龍塘揸去油塘記路線行

你班人個個都落井下石架 等我鼓勵下人先 我相信巴打你手車一定有水準過你中文寫作能力嘅 奸爸爹呀