自呢個考試以後，我出門口會囉囉攣，成日有便意，出門口前去次廁所，上到地鐵等車又開始黎料，死忍爛忍，忍到翻學校。
到上堂果陣痛，要去廁所，Miss又唔俾去，果下真係好想喊，卜係枱面忍，好委屈。
呢段時間有去驗血，驗大便，照胃鏡，乜事都無
後來心諗如果呢個情況到DSE就一定仆街，但好彩DSE果年反而好翻無事，正常去廁所，可能有時會急但忍到。
過左DSE後又開始痛，又開始日日痛，報左沙田IVE，係IVE呢個翻學過程真係日日都係挑戰。
由A出發去紅磡站，我已經肚痛係紅磡站去一次廁所，上到車都係隱隱作痛，九龍塘又落車去廁所，過程不停深呼吸，閉眼鼻吸口呼，最後去到火炭慢慢行返去，此情況日日如是！
好好彩係IVE有個同學知我咁樣介紹左個私家精神科醫生俾我，睇左以後話係有焦慮症同小小抑鬱，長期家庭環境壓力，因為父母不和成日嘈交，我覺得好煩。後來我係IVE申請特別考室，就係因為開考前15分鐘唔俾去廁所，我要求係可以隨時去廁所，都好彩社工明白有幫我處理，安然無恙考完個試。
屋企知我咁樣都開始有改下，但改善不大，朋友叫我出街我唔敢出，我怕要揾廁所，叫去玩我唔敢去，因為我怕肚痛，所有事都因為怕肚痛而乜都做唔到，之後就開始無人再揾你，無人再關心你，
我真係好唔開心，好想死，但死真係無用。
到依加再大d開始翻工，我一早翻工永遠坐的士，雖然都係貴，但有翻工都負擔得起，自己舒服d就算肚痛忍下就好快到。收工就慢慢行翻屋企，當做下運動又好儲錢又好，等自己郁下有運動下。
但係仲要捱到幾時？已經7年，要驗既驗晒，要照既照晒，精神科藥物無用，我都無再覆診，都有戒口，咖啡奶茶牛奶唔會飲，唔食辣，但點解仲係會痛？
我真係好辛苦。。。。。。好想解脫
多謝有睇緊既你
越諗越大壓力越唔開心 咁就越易肚痛？
講真有野分散注意力係好好多
