DAY4
由於帶足咁多日路我覺得自己會人累心都累嘅關係,所以我選擇報返幾個一天遊,咁我同E小姐都可以舒舒服服
是日揀咗個去元乃隅稻成神社同角島大橋嘅一日遊,一早7點幾未到8點就要去集合出發,我冇諗過成團都係日本人得我哋兩條友係外國人,成程都係考驗日文聽力,導遊有時講吓笑話成車都喺到笑嘅時候包括我自己,E小姐就會問我導遊講緊咩,其實我都係明一半唔到
一開波就坐返大概兩個鐘頭車去別府弁天池先。
主要賣點係碧綠色嘅湖同埋係日本名水百選,可以帶個樽或者喺果到買黎裝走,我就咁試咗啖係唔錯嘅,不過我冇樽又費事買就冇裝返樽走啦
逗留咗20分鐘左右就上返車去食lunch
睇落唔錯但食落真係唔太掂,啲海膽好腥,腥到E小姐食咗啖就冇食到,而我係因為好肚餓就清曬嘅
可能喺香港食開嘅甜蝦刺身中間個身係冇殼,所以見到呢啲有殼覺得新奇,然而因為對上一次跟過另一個一日遊已經見過,但今次係個茶碗蒸有驚喜
我見到第一下以為係帶子,跟住舀落去睇,咦?點解係小丸子嚟
我即刻send俾我啲friend睇,有個話會唔會係廚房落錯
我就望下,唔會吖,個個都一樣喎係真係小丸子蒸蛋喎
食完飯過隔離行吓間賣店就上返車去元乃隅稻成神社啦。
DAY4 待續