[慢速更新][非自駕] 北九州福岡7天

呢排真係太多事發生，喺屋企都覺得好大壓力，然後見到好多巴絲都有分享九州遊記，所以就決定執返5個月前嘅相出黎分享下兼減下壓。

話說4月頭果陣，友人E小姐話要清假問我4月尾得唔得閒去個旅行，本來都有諗過台灣韓國，不過E小姐個底太花，我都係揀返啲交通方便而我又有信心帶路嘅地方，佢淨係去過一次日本，我又冇去過九州，所以最後決定去福岡，仲啱啱好趕得切平成最後

旅遊日期：24/4-30/4

DAY1 搭飛機
DAY2 糸島 (一蘭の森, #ジハングン, 桜井二見ヶ浦の夫婦岩)
DAY3 大野城心のふるさと館 太宰府 天神地下街
DAY4 [一天遊] 元乃隅稻成神社 角島大橋
DAY5 [一天遊] 阿蘇火山 草千里 熊本城
DAY6 [半天遊] 河內藤園 福岡タワー
DAY7 福岡城


DAY1 本來預計夜晚都有時間出去行下街，朝早去到機場冇耐就收到SMS話delay 3粒鐘，所以就喺香港機場hea咗3粒鐘，同E小姐順便去食吓嘢，本來諗住去睇場戲添，不過撞唔啱時間
去到hostel都差唔多11點，食少少嘢就沖涼瞓了。

【922攻略流出】
907加強版配合hkmap live
更「大局」交通測試，彩虹戰衣、影帝、機巴、塞鐵、嶄新突擊RB、私家車傾巢而出，裡應外合
+機場員工集體Call Sick
+雷達站/機場附近新搞作
+大量中港貨櫃司機加入物資支援！

更多攻略，陸續公布，敬請留意

留名

DAY2
話說DAY1飛機delay關係，本身訂咗地鐵券喺福岡機場拎，去到果陣個counter已經過咗營業時間，於是我就DAY2早上等友人E梳洗嘅時候自己出去拎返啲地鐵券，順便買埋過兩日去太宰府嘅pass。

買太宰府pass聽到個姨姨打開本passport話2個女仔，仲諗緊關性別咩事，原來有嘢送，係落妝濕紙巾，其實我哋都唔會用，都係拎返香港俾家姐用啦

然後早上出嚟未食嘢，就求其入7仔買咗個士多啤梨三文治咬吓先


咬完就返返去join返E小姐出發第一個景點 一蘭の森。
補充返 我哋住喺中洲川端果邊，然後就搭地鐵去九大学研都市駅，再搭之前book定嘅一蘭の森格shuttle bus








一蘭の森係一蘭個工廠，參觀完之後可以順道食埋個一蘭先走。

唔知係我問題定咩，我覺得同出面食到嘅一蘭唔同，呢個唔太好食



DAY2 待續

巴打係咪帶路痴上路

我絲
路痴又未算 只係佢話想去啲景點唔曉自己搵路

DAY2 [續]
去完一蘭の森，搭13:00格shuttle出返去九大学研都市駅，準備搭巴士去E小姐指定景點 桜井二見ヶ浦の夫婦岩，真係山長水又遠

因為格巴士14:18先開，所以就去附近間AEON行下，行到差唔多就去返巴士站上車。搭咗半粒鐘左右就到咗終點站 西の浦，落車果陣有落毛毛雨，司機叔叔好nice咁問我哋有冇帶遮，我都用返我僅有嘅日文答返佢話有，霎時覺得好窩心

由於呢個景點係E小姐話要去嘅，所以我就叫佢搵路，估唔到佢撳電話搵咗一分鐘都冇就同我講話搵唔到，好啦咁我搵啦唔緊要嘅

其實條路都係沿住海邊行就係，然後行行下俾我哋發現到個幾特別嘅唔知叫景點定遊樂場定停車場好，冇中文名，叫 #ジハングン (JIHANGUN)



睇返IG又或者上網搵都好似得日本人會去咁，可能個位都幾偏，唔係自駕都唔會特登去呢到啦我諗，如果唔係E小姐話要去我都唔會去，不過又發現到呢到，頭先佢話唔識搵路就算啦




唔覺意喺到玩咗差唔多成粒鐘，望住個海玩韆鞦幾正
諗返都唔知幾耐冇玩過韆鞦，啲童年回憶返曬嚟

然後玩完再繼續沿海邊行多陣就見到個白色鳥居同夫婦岩




我本身仲諗住會有好多人喺到影相，點知去到嘅時候只係有2個人喺到影緊，我哋行到去佢就影完，可能因為果日陰天，所以冇乜人。

我哋都係影咗一陣就行返返去搭車出返車站，話說果日都低估咗海邊嘅天氣，淨係著咗件冷衫出去，一路行個海邊凍到震，幾驚病，好彩都頂得住。

格巴士嚟到又係頭先個司機叔叔，落車果陣俾錢佢都認得我哋，俾嘅錢一樣，我聽得明佢講また，我諗係話又係我哋

之後我哋就返返九大学研都市駅，去返AEON買少少嘢就返返去中洲川端食晚飯 博多華味鳥

DAY2 待續

未去過糸島, 留名先

DAY2 [續]

返返中洲川端駅，就係食晚飯嘅時候。我哋plan行程果陣冇話特別指定每日食咩，純粹列咗啲餐廳出嚟到時想食咩邊間就腳就去食。

然後DAY2去完咁遠，又有啲凍，就諗住去食吓好西獎勵吓自己，就去睇吓博多華味鳥walk唔walk in到啦。

搵咗一陣路就去到，佢喺個巷仔到，唔睇地圖都幾難搵。然後入到去，有個姐姐就問我哋有冇訂位，我話冇，見佢又打電話問又睇訂位簿咁以為好full，等咗一陣就叫咗個姨姨帶我哋上2樓

上到去其實都坐唔滿，除咗我哋仲有另外兩枱，都幾闊落嘅。
除咗佢平時嘅MENU之外，咁啱我哋去果期有個特別MENU


我哋睇咗陣就決定要呢個set，然後落餐果陣個姨姨聽到我哋叫呢個set果吓勁開心唔知咩事，會唔會係好少人叫

成餐都係同一個姨姨嚟介紹啲嘢食，我都係聽得明一半左右，仲要翻譯埋俾E小姐聽，都有啲吃力，有部分都唔知自己食緊咩










隔咗5個月唔太記得啲雞以外嘅味，整體真係正，個雞真係雞有雞味，唔好話我廢話，某程度上喺香港好少食到呢個新鮮嘅味道，又嫩，不過個甜品唔啱我口味，隊咗俾E小姐食埋去
6月再去果次已經walk in唔到冇得食多次



DAY2 完

留名

留名

留名

有無去九大之森呀？

冇呀

吹更

DAY3

由於喺香港真係唔敢食生蛋，去到日本就緊係要去食TKG，即係生蛋拌飯，所以DAY3早餐就去咗博多食うちのたまご




食飽飽就起程去春日原駅，因為我有儲開日本一百名城嘅印仔，做過功課見到春日原駅附近嘅 大野城心のふるさと館 有齊大野城同水城嘅印仔，又可以順路去太宰府，所以就拉埋E小姐陪我去。

去到有展覽睇吓，大概係講吓大野城同水城嘅歷史，側邊仲有啲爛咗嘅花樽呀石垣咁俾你試吓砌唔砌我返，然後E小姐玩得仲開心過我




玩完就落返地下準備走嘅時候，reception班姨姨就叫我哋去幫佢做個問卷，然後就送咗呢張卡仔俾我哋




跟手就行返返去春日原駅再搭去太宰府


本身想食杉養蜂園嘅，但見到對面果間啲味道幾吸引就放棄咗杉養蜂園
左邊冇記錯好似係梅味，右邊係黑糖

梅味好似係期間限定果款，我又鐘意試伏，點知真係奶嘢，都幾難食
個黑糖反而有驚喜，可以encore





行到差唔多夠鐘食晚飯就返返去中洲川端，呢日食博多出名嘅明太子　元祖博多めんたい重



DAY3 待續

頭3日都幾偏下

跟住果幾日就大路返

push

推推推

DAY3 [續]

去完太宰府，又係時候返返中洲川端食晚飯，是晚揀咗博多出名明太子嘅 元祖博多めんたい重

因為去完太宰府，係搭返西鉄去到天神落，所以喺天神落車行去餐廳，見地圖都唔遠，但唔知咩事我個GPS好似神神地，掉轉咗方向搞到我係咁行錯路，然而好彩E小姐只係跟住我行，冇睇到地圖，完全唔知我行錯路

入返正題，我哋去到餐廳都好少客人，坐低睇咗陣MENU就決定叫一個明太子飯一個沾麵，落單果陣好搞笑，好似雞同鴨講咁，好彩比手劃腳都順利落到單


E小姐食個飯，我食個沾麵。
我哋一人加咗隻溏心蛋，我就自己再加份山藥

如果我冇記錯應該係我個沾麵好食過個飯，詳細味道已經唔記得咗，都係值得一試嘅



然後食飽就去咗附近間驚安行吓



見到英文譯漢字嘅鎖匙扣，EDWARD呢個確實幾特別，咁啱有朋友叫呢個名，所以就買咗呢個當手信

DAY3 完

［國際線］去旅行都可以做文宣！！！外語五大訴求整合！
https://lih.kg/1585574
- 分享自 LIHKG 討論區

留名睇阿蘇

推推推