當日(17/2/2017)我用Expedia個app想買兩張香港飛台北既機票, 點知佢個app買唔到
咁我就打電話上去買, 所有資料乜乜柒柒, 俾埋信用卡佢地所謂既agent買, 最後expedia send黎既確認郵件都可以連MR./Miss.都打錯
Ok 好 算數 我再打去熱線問點算, 佢同我講取消左依張機票先
然後再買過另一張一樣既機票, 咁好啦冇辦法, 點知連confirm cancel既email 都收完
佢地所謂既agent就同我講：啊唔好意思 原先（8點）果班機HK airline已經取消左 如果改做11:55既機票你ok嗎?
我本來買8點咁早既機票就係為左趕返香港返工 咁我緊係話唔制, 我就問佢咁除左HK airline仲有冇其他早D既班機可以比我選擇, 之後佢就話: 最早係長榮 但要$9000幾蚊
我當堂嚇一跳
咁心諗唉當我唔好彩11:55就11:55啦, 點知!!!!!! 佢就同我講11:55既機票會比8點果張貴幾百蚊!!!!屌咁我緊係唔制啦 係你地D人打錯個title仲要我補多幾百蚊去”換”另一張機票?
之後同佢拗左一陣 我企硬點都唔會比多幾舊水, 個agent就話咁我要同上頭溝通下再覆你, 今日內會有個美國電話打黎同你講返既
過左兩個鐘左右個美國電話終於打黎 點知條友原來唔知頭唔知路 淨係話: 班機已經取消左叫我揀11:55果班機
咁我就話: 唔係依個問題, 問題係我 唔 會 比 多 幾 舊 水! 不如你問清楚你同事依加個situation 係點再打過黎啦
佢話好 之後就收左線
跟住我等左一個下就都冇收到任何expedia既回覆 我就再上佢地個網睇
一睇 哇屌你係8點既機票啊
心諗好野即刻買左佢先之後收到機票confirm email就坐定定unun腳等出發啦
點知 惡夢先開始(sorry 依加先係正題)
24/2/2017(飛前一日) 我打開expedia個app睇下 咦 點解佢話我有兩個trip既 (一個係8點(我後來自己買果張), 另一個係11:55(佢recommend我接受果張))
咁我就再打去expedia問 佢就話唔洗理既 叫我照搭8點果班機就我 但我之後愈諗愈唔對路 即刻打去AE問(我用AE買機票) AE話expedia一毫子都冇退過款俾我!!!!!!!!!! 我即刻知大撚獲
AE就教我即刻打去expedia取消左11:55果張機票先 如果唔係可能聽日機都上唔到, 咁我再打去expedia問, 點知佢話取消都得 但每張機票要扣我$1200 cancelation fee….我兩張機票加埋都唔洗$2400……
咁我同佢拗 原來當初佢地自把自為幫我改左11:55張機票 我一個確認/通知/email都冇收過 依加同我取消張機票仲要每張扣我$1200? 有冇搞撚錯?
以下落黎就係我三番兩次同expedia溝通得到既答覆
我已經打過上去好多次 佢話佢地聽返錄音根本就係口同鼻拗
我叫佢比我聽返又話係佢地既財產 我要聽就要經法律途徑 佢地香港冇office 投訴又冇電話可以打 我都知我on9架啦 年中咁多人中伏仲要幫襯
我好清楚記得我從來冇應承過要果張11:55既機票
有冇巴絲可以教我點做
係咪要預左拎唔返d錢？ 二千幾蚊當買個教訓以後唔係expedia買機票 ？1999 如果你睇到黎依到希望大家諗清楚以後係咪仲要係依間野買機票酒店啦
