【緊急】831，我同德國記者去左訪問前線，好多感觸。求求大家幫手，港女尋人!!! URGENT!!!!

Ven · 2019-09-01T20:35:42+08:00

（港女A按：8.31，我同一位德國記者去左訪問前線。聽到佢地嘅心聲，無限感觸。我本人，究竟可以為佢地、為所有受到政權同差佬分別地以政策同實際暴力殘害嘅每一位義士、乃至香港人做啲乜？？？？）我地係兩名讀law嘅港女，冇大台，冇勇氣企到最前，除左兩對手、兩把口、兩個接受過下legal training嘅腦，我地乜都冇。但，我地同大家一樣，都非常憤怒。而我地嘅gut feeling (當然仲有research啦)同我地講，班popo無法無天，一定有各種途徑去hold them liable。係衡量過香港宜家嘅情況同司法制度嘅不足，以及了解到已經有各界人士會循本地法律途徑追究後，我地決定向聯合國(UN) Human Rights Council正式向香港政府提出投訴呈請，Sue鳩POPO！！！！ (投訴表格: www.ohchr.org/Documents/Publications/FactSheet7Rev.2.pdf ) 我地明白到件事要成功唔係咁簡單，所以除左做好全部research去draft一份有一定程度專業嘅呈請之外，我地好需要有受害者可以聯名一齊去做呢件事，令到我地嘅工作更有力。所謂受害者，可以係無關係嘅路人、街坊、First aider、記者、示威者，甚至係已經被捕被控嘅手足。如果你可以花小小時間睇份form，就可以見到最後我地係可以亦一定會要求UN將所有victims嘅資料完全保密。而我地兩名港女嘅身份就將會係”Authors”，代替手足們去盡我地所有嘅專業訓練去準備呢份呈請。呢份呈請最主要有三部份，而我地嘅grounds分別如下： 1) 投訴的事實和指控(Facts of the complaint and nature of the alleged violations) 1.1 不合法和不符合國際標準胡亂使用可致命武器 (excessive and unlawful use of “less than lethal” weapons) 1.2 警察襲擊市民和被捕人以致有實質甚至嚴重身體傷害 (police assault citizens and arrested persons occasioning actual/grievous bodily harm) 1.3 對被捕人士使用酷刑和其他殘忍、不人道或有辱人格的待遇或處罰 (torture or cruel, inhuman or degrading treatment or punishment) 1.4 胡亂拘捕和羈押 (arbitrary arrest and detention) 1.5 禁止和平集會違憲 (violation of freedom of assembly) 我地認為，以上情況同指控係明顯地breach左UN嘅International Covenant on Civil and Political Rights (ICCPR) ，which香港本身就係呢份treaty (公約)嘅締約方，受到呢個jurisdiction嘅約束。相關governing Articles(條文)包括但不限於 Art.7, Art. 9, Art. 10, Art.19, Art. 21 。 2) 點解係未告到終審法院的情況下要做呢份呈請(Exhaustion of domestic remedies) 要成功file complaint，呢一點好重要，必須要成功立論到本地法制係”ineffective”(無效)或者”unreasonably prolonged”(不合理亢長)。而我地研究過相關case law之後，覺得我地係有幾solid嘅justifications(理據)如下： 2.1 司法覆核(JR) – unreasonably prolonged proceedings(不合理亢長的法律程序): JR得黎，我地啲手足都己經俾人abuse到不得了啦!!!點等!?!? 2.2 刑事訴訟 – unavailable: 屌你成班popo冇number冇露面，完全identify唔到身分，點hold them accountable??? 而且唔好唔記得，提告落charge係要經由警方同律政司落案起訴，點玩? 2.3 監警會 – ineffective: 唔使多講啦下話? 2.4 獨立調查委員會 – unavailable and ineffective: 除左Carrie Lam已經公開ban鳩左呢個方案，meanwhile好多關注機構例如Amnesty同Human Rights Watch已經出過statement，指出委員會去到呢個關口己經係ineffective，又又，聯合國佢地本身既禁止酷刑委員會(!!!)都係2000, 2009, 2016 年嘅審議結論，已指出同建議過香港政府設立一個全新、真。正。獨。立及有實。質。調。查。權。力的監管機構，以真正有效咁監察所有紀律部隊以及公職人員。因此我地得出一個結論，就係我地己經走。投。無。路。國際唔單止要關注香港嘅人權被嚴重侵蝕suppress，亦係時候step in to show HKSAR and POPO that “ Be you ever so high, the LAW is above you ”!!!! (中譯: 港府同港警自以為可以傲視一切目空市民，但無論你有幾高幾大幾惡，只要香港一日依然自詡為法治公民社會，法律同國際規條先係大撚哂架DLLM ！！！) 3) 訴求 (Our demand/requested remedies) 3.1 重新審視現時被捕人士是否合理地被控 (arrested and charged with reasonable grounds) – 有啲人根本只係街坊，又或者明明參與緊合法集會without breach of peace，但就被控不同罪名。我地要求聯合國向港府施壓，嚴正審視所有呢幾個月內同反送中反警暴示威有關嘅控罪是否合憲，並且作出相關矯正措拖(review all the protest-related arrested persons’ charges and make rectifications accordingly)，撥亂返正； 3.2 將現時違憲過時的《公安條例》改革 – freedom of (peaceful) assembly係基本人權之一，家下無不反對通知書而又有3人或以上就係unlawful assembly，一句唔批，就連出現係街都有可能被控刑事罪行，完全係違返憲法Hong Kong Bill of Rights，亦都係violation to human rights(侵犯人權！)；聯合國人權問題特別報告員（special rapporteur）都公開講過，單單因為未/無知會執法部門，國際法上係唔會令集會成為非法活動的，所以參與嘅人都唔會亦唔應該因為集會而受到刑事處罰 - 提提大家，現行《公安條例》一啲都唔輕手，仲要罰成5年架你老味!!!!!! 3.3 成立真。正。有。效的法定委員會又好小組又好，乜柒都好，總之就係要就住警暴問題剖析審查，作出相關建議之餘，亦必須要追究返所有警暴行為，將行動中知法犯法嘅差人繩之於法！ 3.4 檢視警方在近期行動中亂用致命武器嘅問題，亦要成立有力嘅機制此後監察警方嘅所有deployment(行動) ，包括但不限於展示返警員號碼、大型活動人群管制、尤其對女性被捕者的處理手法…… 等等。更重要係，上述review同system必須要有透明度，保障公眾知情權(freedom to information)。如果你願意相信我地，如果你都想出一口氣，我地保證你嘅身份將完全保密。有興趣同我地line up嘅所有受害者、香港市民、手足，乜都好，可以透過以下途徑搵我地： Email: sue9popohk2019@gmail.com Ig: knowyourrightshk Telegram: @angiete ／@venisawai ***如果你覺得無辦法信賴我地，但又想提出呢項呈請，我地完全理解體諒。你可以開個fake account搵我地，然後我地會為你draft一份skeleton/template俾你自己input提交。*** 目標：十一前Sue鳩POPO！！！