我先希望機場定地區派都唔好互屌住先,有好多分化撚借唔入機場從中分化,實情係下下都想今日講聽日入,咁樣去搞一個春袋係冇可能。而既然機場係春袋,必定高風險。如果重現813咁,我地就好危險。
機場應視為和理非既最終手段,係同政府直接攤牌既手段。所以以下問題就可能會係機場入面發生:
1: 點樣解決旅客因機場關閉而延誤行程使外國對示威者既反感?(而我地本身就正正處於尋求外國協助階段)
2: 如果唔夠人而使機場自然關閉,會唔會使用813相同手法?而本身813既手法都出現極大分野。(主動塞?唔主動但係唔夠人咁點?)
3: 如果機場冇關閉,又冇主動塞,係咪繼續係arrival hall派傳單?
4:點樣解決係機場捉鬼做成極大風險既問題:例如捉錯鬼。
5:經歷813後,好多人都唔想再入機場,因為又經歷812散水事件,又經歷813捉鬼事件,最後仲要搞到又要道歉又盛。點樣令到多人會出去?
6:無限期佔領,如果唔夠人,會唔會變左2014年咁?
請好好考慮以上幾點,再做好入機場前文宣。否則再入去就係好危險既輿論危機。
冇人想係街頭打生打死,請對前線手足比一啲尊重。
我深感有人專登利用「機場」來做分化。請大家小心一切有關機場既po。
兄弟爬山,各自努力。小心分化。