今日同淺藍阿爸講封港鐵，發現一樣野

Silentwatcher · 2019-08-24T23:39:31+08:00

佢不嬲都藍，成日話好想見到解放軍落黎，又係咁問點解唔出水砲車想睇下點樣射人。但唔多講佢，佢唔係重點。睇新聞見到有市民投訴點解封站無車坐，佢話:「咪因為你地囉，成日投訴，搞亂曬成個香港你地就安樂，乜野都話係政府唔岩，宜家呀....（下删一千字）」當然我又係解釋返依個決定有幾唔合理，再見到班老野圍港台打記者，佢又收晒聲，轉埋台新聞都唔再睇。重點: 原來佢係真正分唔到當我地嗌口號「黑警」或者「林鄭可恥」，我地反既唔係「政府」，而係將「政府」依個本身係利民既工具轉化成打壓工具既幕後黑手。我阿爸真心以為我地係反政府，無政府就開心，世界大亂係我地目標。將依個諗法推去講警察就更加明顯，藍絲話撐警維持治安，話我地衝擊警察係暴徒。但我真正反既係利用「警察」依個幫助市民除暴安良既工具，扭曲成個人擋箭牌。因為依個意識形態上既分野，「出黎示威就係搞搞震既暴徒」依句話入晒腦唔會想再仔細分析不同既資訊而盲目跟尾，無可厚非阿爺玩依D玩到得到成個國家係玩到出神入化既。又見有兄弟話同家人大鬧一場，我地應該黎一個個人化文宣，矯正佢哋嘅偏見其實我支持_________架，佢既原意係造福市民為香港好，你唔係以爲我咁都要反呀? 但我反抗緊既係利用_________黎欺壓其他人既自由同權益以達致個人利益既人，結果佢搞臭左_______個名為咩? 為左佢個人一己私利同迫你唔出聲/唔敢出聲咋，你睇我地其實方向相同，應該一齊支持_______，一齊反抗依個「幕後黑手」唔可以比香港黑落去! 結果好多野都可以放入去其實我支持港鐵/國泰/TVB 架，佢既原意係造福市民為香港好，你唔係以爲我咁都要反呀? 但我反抗緊既係利用港鐵/國泰/TVB 黎欺壓其他人既自由同權益以達致個人利益既人，結果佢搞臭左港鐵/國泰/TVB 個名為咩? 為左佢個人一己私利同迫你唔出聲/唔敢出聲咋，你睇我地其實方向相同，應該一齊支持港鐵/國泰/TVB ，一齊反抗依個「幕後黑手」，唔可以再比香港黑落去!

Silentwatcher

177 回覆

1105 Like 7 Dislike

住庵 2019-08-25 01:13:36

推

沉睡獅子 2019-08-25 01:14:07

推

讓我鳩下去 2019-08-25 01:16:42

要練習多D

鳩up_baby 2019-08-25 01:16:45

藍絲邊會有思考架

宮水一葉 2019-08-25 01:17:40

代入佢哋諗嘅嘢好有用

水沝㴇㵘 2019-08-25 01:18:09

推

Silentwatcher 2019-08-25 01:22:48

慘在其實問班藍既
真係好多野都係唔知
聽身邊人左一句右一句仲係一知半解就攞住支五星旗仔出街鬧人曱甴

但就係佢地一知半解，係佢地個level講到一句powerful 既說話，個影響力可以大過連續睇兩個月CCTVB喎，目的唔係解釋到佢上我地level
係用佢地level 講佢地level既野，一通就.......
當然知易行難就事實既

千金買憐 2019-08-25 01:24:15