馬克白夫人
2019-08-12 00:50:05
各位手足,今晚尚未完結,我哋度過緊一個憤怒到想將一切毀滅嘅晚上,不過——
我知道好多手足為咗兩餐飯聽日唔會罷工,我知道手足害怕被炒,但手足啊!你仍然可以選擇盡做。
係!一個人嗌會難堪,一開始嗌會覺得好柒!但請你記住,「光復香港,時代革命」開始時一樣大把人嗌唔出口,依家已經係琅琅上口。
相信說話可以積沙成塔,改變人心。
所以,請各位手足,喺你每一程車、每一段路,同你嘅手足一齊將呢兩個月嚟嗌過嘅口號,用你最有穿透力嘅聲線,打入每一個人嘅耳仔入面。
如果你驚,亦請你將喇叭較到最大聲,播放今晚,以往咁多晚政府、黑警、黑社會做過嘅、所有嘅仆街嘢!
加油!共勉之!香港人!