前列腺癌四期，已擴散

台灣平d，一個療程25萬左右

公立醫院睇 最主要開支係針同藥錢
針冇記錯好似三千零蚊 半年一次
藥就申請左聖雅各個資助（一個月買一個月拎） 一年藥廿萬左右
當時去搵醫務社工睇下有冇資助可以申請 但因為爺爺年紀都大 啲基金會想將啲錢俾其他更大機會醫到的病人 所以就乜都冇
你叫醫生寫信俾你去見醫務社工（唔知私院有冇） 去睇下有冇咩基金可以申請到

答返巴打先
E家食緊tramadol 2粒+2粒panadol 止痛
如果都唔得就飲嗎啡水+2粒panadol
聽阿爸講完全唔痛就冇可能, 都止到6-7成痛既

第一針標一靶 定係荷爾蒙針
想問下咩係psa
我爸爸都擴散到骨 淋巴 同肺

已經盡量陪
一有時間
根本上都陪住佢 同佢傾下計

係呢 你爸爸點 撐得住嘛
要唔要一齊tg Aimar 巴打傾下
有需要就出聲

收到
多謝你先

無啊 同唔同之前其他巴絲提出嘅質子治療

唔同 proton theraoy係external beam 同埋香港未有
核子therapy 係注射放射性藥物之後比癌細胞吸收

免疫療法 唔太了解
不過聽日都會集合一下巴絲們嘅建議
再去問下醫生
希望可以了解多的

爸爸由細到大都唔多接觸中醫
所以中醫治療 未必係家人心目中首選
多謝你絲打

絲打你爺爺當年出現病症嘅時候係咩年紀
點解佢要不斷出入急症嘅
唔係腫瘤科收咗症之後 就只係定期返去腫瘤科治療嗎

醫生都有話我爸爸打針後容易骨質疏鬆
但無諗過連行行路都會骨折
佢只係叫爸爸唔好再攞噤多重嘢

點解你個人可以咁仆街

我爸爸都脊骨 淋巴 同肺
可能定義都係全身
你都唔好灰心住先啊
同巴絲 醫生了解多的先
一步步嚟

清楚 多謝巴打

多謝你
都希望爸爸可以捱到 三 五 七 年
什或至更長

過來人想分享一下 長文

由我有印象以黎,我老豆係有食煙同一直都係好瘦,同埋真係極少睇醫生,就
算傷風感冒佢都係屋企訓覺,兩日就會好番,我唔知係佢怕睇醫生定其實一
早知身體有問題,大約年半前,老豆突然出現類似中風既徵兆,左邊手腳唔方便,嘴角少少向下垂,咁我地就送左去醫院檢查,到第二日去探佢,醫生同我
地講,照完見到個腦有病灶,壓住左啲神經線,搞到左邊身體出現呢啲情況,同肺有陰影,有腦轉移,係肺癌4期,當時我真係一片空白,無諗過會係咁大獲,當時我落左去買碗麵比佢食,見到佢筷子都拎唔到果一刻真係好心痛,我呢世人都唔會唔記得,跟住我就約左港怡去做正電子掃瞄(PET/CT-SCAN),當日去到就入左間房,因為要打啲顯影劑去搵不正常既地方,當時我同老豆係間房,佢打完就訓左覺,我諗係呢個禮拜訓得最舒服既,因為係醫院半夜都會叫你起身打針食藥做呢啲果啲,我陪住佢望住佢望到佢起身,果刻真係百般滋味在心頭,之後拎左報告番醫院,就發現的確有幾粒瘤係腦到,同埋有水腫情況出現,醫生唔建議做手術,一黎身體承受唔到,二黎因為有幾粒都唔細既瘤,同就算做左手術,但因為已經過左一段時間,啲神經線都唔會回復得番好,只能選擇化療或標靶藥,化療做左兩次,身體係頂唔順,第一次做完老豆係好眼訓,食唔到野,剩係望住我地,第二次做完,直頭係無反應,訓著晒,跟住醫生再照一次腦,見到無咩變化,但身體已經承受唔到,決定唔做化療,試下標靶,但因為老豆係食煙,基本上標靶藥係對小細胞癌無效,到最後醫生係開類固醇同抗生素去舒緩病情,之後病情一路反覆,我仲記得到最後既一句說話,之後就只係望住我地,突然有日番番下工,醫院打黎叫我快啲到醫院,的士途中個腦真係空白一片,心諗叫老豆頂住,到最尾我地都留左醫院2日,彌留果陣真係喊到收唔到聲,個腦不段係到諗番以前既生活點滴,到最後連安寧病房都等唔到就已經走左,前後其實只係兩個月既事,真係好快,呢兩個月每一日我地屋企人都會去探佢,由其係阿媽,真係照顧得好好,晨早起身買餸煮飯,中午探完病,番屋企煮飯,夜晚6點半再去,成10點先番到屋企,但係一句怨言都無,由換片,餵食,抹身,都要自己一手一腳,因為佢話啲姐姐好粗魯,拿拿聲搞掂就算,真係同我老豆一齊住係醫院咁制.依家諗番起,其實真係黎得好突然,由一開始只係行動唔太方便,到入左醫院,由一開始因為夜晚成日起身,比人挷住,到最尾只能訓係床到,成身瘦到好誇張,一切都黎得好快.我仲記得,我地申請一日帶左佢番屋企,番到去佢見番啲親戚朋友係幾咁開心,另外就係有件解釋唔到既事,因為屋企個日曆一直都係佢搣既,我地屋企人咁耐都無搣過,佢搣錯左搣左去另一日,我地都無為意,到走左果日我地番屋企,見到個日子就係今日,雖然唔係同一個月,但呢樣野係我自己親身經過解釋唔到.

BTW 老套都要講句,珍惜眼前人,一切可以發生得好快,當你失去左就知道果種無助既感覺

巴打, 唔駛太擔心住
無論係靶向性荷爾蒙藥(30k+/mth) 定普通肚皮針荷爾蒙藥(千幾/mth)
都一定有用, 我爸打完第一針後, 個psa 由700, 變到4 (under 9係正常水平)
KEEP 住打, 可以控制一段時間
但E段時間有長有短, 上網爬文話大概可以控制一年左右
但我爸響3-4個月之後就已經控制唔到, 做化療做左三次佢頂唔順個反應停左
E家加埋口服荷爾蒙藥(醫院開, 免費)睇下點, 一個月後再覆診

唔敢俾佢食.... 驚D癌細胞吸收左再惡D

psa 係前列腺癌線胞指數
驗血時可以驗到出黎

以我既理解, 如果你爸係前列腺癌, 咁擴散到其他部份既都係前列腺癌細胞
咁荷爾蒙針都係可以控制既, 因為前列腺癌細胞主要係靠男性荷爾蒙去生存
荷爾蒙針係控制蛋蛋去生產男性荷爾蒙, 去間接CUT左癌細胞既米路
同切蛋蛋差唔多, 但可惜既係時間耐左, D癌細胞識自己產生養份
咁支針就開始冇用, 就要搵其他方法

我爸最初由700幾, 打針打到得返4, 到支針無限又升返上90咁...
做左化療又慢慢減返D, 但E家停左, 未抽血唔知E家幾多了

歡迎啊, 可以開個group大家傾下
我係過路人, 都想幫到大家, 當然, 我都需要大家幫助啦

免疫系統治療..... 要百幾萬

我爸喺大約4/5年前確診係前列腺癌
但佢由確診到呢一兩個月再確診復發, psa都係極低, 一定唔過5
接受咗公院嘅hormone therapy同電療, 真係以為佢完全好返晒
點知早兩個月, 佢覺得腰骨位痛, 捽油按摩都冇用
最後睇醫生叫佢照, 發現脊骨有一節有陰影(胸椎)
呢家準備開始再接受多次電療同hormone therapy
無助感真係好重

核子療法即係應該係鐳225
打D 有鍢射既藥入體內
E個係對骨擴散有幫助
尋日都有問過醫生, 醫生都係話對骨擴散有幫助
但個PSA唔會跌, 所以比較難去MONITOR到個成效
同埋..... 50k+一支針.... 一個月一支

因為會引致好多其他既病症
如水腫, 肺水腫, 氣喘, 嘔, 血壓不正, 心率, 鉀同埋其他電解質流失等等, 好多其他問題的..
要CHECK, 最快都係999CALL車, 所以成日出入醫院

另外, 骨折方面
可以問醫生你爸可唔可以打補骨針
支針係可以保護到D骨唔會咁易骨折
但要自費, 一個月3k幾, 聖雅各可以有資助(好似1.6k咁上下)
但之前要睇左牙先, 支針有機會令到牙較骨"full", 所以打針期間冇得整D牙