前列腺癌四期，已擴散

我都係咁話，而家只係可以睇番錄影帶.........

診行得走得就同爸爸周圍去下，食下，睇下。開開心心陪爸爸行埋人生最後一段路。 我亦是過來人，陪伴照顧爸爸年幾。 三年前嘅事，終年67歳！

排埋政府 有d野做到可以去政府做
而且好快有得睇 唔會好耐
當然先睇咗私家再等政府

擴散左去咩位？仲有冇得切？仲有冇得化療電療？
如果到左骨或腦就真係對唔住了
普通個d化療電療都可以選出去私家做(或者政府醫院既私家病人)
個效果通常好少少/最少無咁勁副作用 (主因係公立醫院係ABCDE餐咁set好曬d 化療藥，d醫生係個堆餐入面選最岩病人用既，但出到去私家就佢一隻隻藥幫個病人執最最最岩個一個病人用既藥) 我阿爸以前用公立醫院化療plan 係頂唔順d plan，後尾去左公立醫院既私家病人專科門診，個醫生幫佢續隻藥執，阿爸就頂得順個療程
荷爾蒙治療唔太熟，但你預個價好貴好貴

如果萬一真係咁唔好彩無得醫或者唔想咁辛苦既話，正如其他巴打咁講
陪佢去做下佢鐘意既野，影多d相啦，甚至停一排唔好返工陪佢都好
另外我強烈建議樓主同你父親+其他親人睇下醫管局d 預設醫療指示，睇下佢會唔會有佢自已對醫療上既考慮(比如選擇萬一到左個d地步既話唔急救/ 急救但唔插喉等等好多)

同埋可以建議你父親將d錢轉去你父親同你母親/同你既聯名銀行戶口
因為當一個人走左，佢個人戶口d錢係會凍結左，直到你去遺產承辦處處理好先得(都要一段幾長既時間)
如果個戶口係聯名戶口，咁聯名者就仍然可以拎錢用(葬禮都最少要3-5萬，未必個個人一時三刻有)
另外聯名銀行戶口係遺產承辦處處理既角度尼講係易d處理(當然要個遺產受益人就係聯名者本人啦)
最後就係幫你爸所有autopay 轉曬去你自己或其他親人個度
比如水電煤管理費信用卡之類，仲有佢電話費(好多人都會想keep住走左既親人個no. 咁就記得交錢!)
因為到左親人走左個陣，係完全唔會有心情同精神去搞任何lee d 野(亦好可能漏左或唔記得左)，所以最好搞左先

只係記得咁多，諗到再補充
最後祝巴打父親早日康復

你好，這是《自殺．自療．互助舍》。看來你已累積了不少負面情緒，是嗎？人就好像氣球一樣，若積存的鬱結和壓力太多，便會有爆發的一天。何不暫時停一停，到我們的網站www.help4suicide.com.hk。 那裡有一些勵志故事和有趣短片，你可以隨心看看。你也可以進入網站內的『Chat窿』（星期一至五：上午六時至凌晨一時；星期六、日及公眾假期：下午８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》

你死咪請

其實外國有好多案例
如果樓主係呢刻仍然未想放棄既話
我建議你咩方法都試下
犯法野唔好做btw

不要放棄，前列腺癌生長係比較慢，所以生存期可以用5-10年計
以我所知第一線，二線藥以荷爾蒙，免疫治療等為主，副作用不太明顯，快快搵一個腫瘤醫生了解下，唔好信其他唔正統既治療

你可以去東周睇一睇岑教授既文章了解多少少

https://eastweek.my-magazine.me/main/79819

https://eastweek.my-magazine.me/main/76455

叫爸爸食定多啲野
飲下營養奶
盡量儲肥自己

你上網睇定啲護理方法
買定啲按摩膏，潤膚膏同喂食用針筒
如果真係咁唔好彩去到好後期嘅話
病人會瞓喺床
因為成日瞓腰背會酸痛
飲食都要人喂
旁人可以用針筒逐少喂食同埋多啲按摩
佢會覺得冇咁唔舒服
唔好俾任何醫護人員或者其他人同佢講仲淨返幾耐
除非佢自己想知
如果唔係對病人黎講真係好大嘅壓力同挫敗感


依家最重點：同佢去個旅行
飲下茶食下飯影多啲相
冇見面都多啲whatsapp留record
有咩唔啱嘅野開門見山講清楚道歉
多啲話佢知你愛佢

當然好希望你用唔著呢啲建議
世伯好返無事無幹



利申：屋企人有cancer走咗
好後悔無去旅行無影多啲相
無為啲小事向佢道歉
盡唔到做後輩孝順嘅責任
所以麻煩你要趁仲做到嘅時候做曬佢
唔好留咁多遺憾

加油

走左嘅冇得返轉頭
珍惜仲喺身邊嘅
唔好再留遺憾

人生好短暫好多意想不到嘅事會發生
鬧交都唔好嬲過夜
因為永遠唔知幾時係最後一次溝通

收皮啦

睇到眼濕濕 樓主和你家人厭力一定好大 願你爸爸無大痛 享受埋家人一齊既時光

你要好好照顧你嫲嫲啊
聽你敢講完 我個心都好sad
我都唔想我爸爸將來有任何辛苦

荷爾蒙療法只針對前列腺？
對其他部分無幫助？
乜支針唔係一齊對付嘅咩
我重以為係一併對抗

剛剛陪完爸爸傾計
佢講咗好多自己細個嘅事我聽
攪到好似生離死別噤

希望爸爸可以撐多幾年
比時間我地全家人同佢製造多的共同回憶

我會好好珍惜 多謝你巴打

知道
你都唔好太過自責
好好把握以後嘅時間
照顧好你自己嘅至親
唔好比自己有機會再後悔

巴打保重
有咩難過、困難，上黎講

連登有愛，會盡力幫你

暫時未睇啊
因為事發突然
不過我地都準備好去睇多個醫生
攞多的意見
多謝你 我會盡力撐住的

係咩戲？