前列腺癌四期，已擴散

對唔住幫唔到手
希望你爸爸快啲好番

我媽剛1月走左
乳癌15年後復發 擴散到肝...
我明白睇住每況愈下既心情好差
有時發夢都會夢到
但都要接受現實

追唔曬咁多巴打絲打既回覆，但都想回應下，平日我既工作都係對晚期癌症病人 （唔係醫生）。

荷爾蒙既治療我見一般病人出既副作用無其他標靶/化療口服咁辛苦。我見過不少病人食住荷爾蒙藥/打荷爾蒙針都控制得幾好。

當然，我覺得病人既心情狀態其實好影響個病情。如果慢慢接受到個病，加上家人朋友既支持，正向向啲，都對病情有幫助。 成日都會同病人講，如果太愁煩到個人謝曬，仲點fit for接受個療程呢？不過巴打先不用太擔心，荷爾蒙相對其他療程應該不會太辛苦。

建議，唔好只睇私家，照去政府醫院到排期。一黎可以平啲咁拎多個醫生意見，二黎晚期cancer長遠可以好消錢，有時同一個療程其實公家醫院都做到仲平好多。有時有啲基金可以申請減輕醫療開支，但一定要係政府醫院睇症。

如果世伯未去到骨，又暫時無痛就好。如其他巴絲咁講，襯世伯仲精神，同佢去多啲地方/願彼此既心願。

要面對呢個壞消息，替你地家庭難過。但都請先相信現有既醫療和爸爸的堅強，這路會慢慢走過的！ushhh

爸爸交代後事，家人心情都難適應接受。但坦白的面對同說心底話，正正會讓病人覺得更被明白尊重同放心。

以前我未接觸晚期cancer patient時我都覺得第四期姐係好快走，無得救。但往往發現，原來依加既醫療都好左好多，最緊要病人無痛仲可以保持日常生活自理到。但心態都真係好緊要。

網上其實都多左好多有關資訊，可以睇下癌症資訊網/癌協網等。佢地有好多免費講座同上堂。
方間都有啲社福團體可以做到免費有社工護士上門定期探晚期癌症病人，做下啲家居安全/身體管理/教下照顧者點照顧病人/定期派下營養奶咁。有需要可再pm我/上網再找找。

加油呀！

我都係癌症病人，二期惡性淋巴癌，確診既時候係24歲。
心態真係好影響一切，開開心心，樂觀啲，我成日都覺得自己無病嫁。

笑著打完化療，辛苦既時候又攬下屋企人喊完，又笑著咁面對，真係幾日都可以崩崩跳跳。

你都要加油，大家一齊努力樂觀面對，意志力大過啲癌就無事嫁喇😬😬😬

加油，一齊加油❤️

希望你爸爸身體健康。
Touch wood 有咩事需要幫手身後事嘅
聯絡我俾d意見你。
係到都幫過幾位巴絲
非拉生意，只係想你知多d

記住寫低記低曬所有野
每日留意住佢嘅病情或身體變化
癌症係可以惡化得好快 當你以為可以帶癌生存時又有機會會突然間惡化
珍惜每一刻

唔好放棄，四期存活期都可以好耐。 但切記要用正規治療唔好信偏方，可以睇中醫但唔好淨係睇中醫，中西一齊睇。

巴打 我爸爸因為呢個病離開我 作為過來人 通常荷爾蒙療法都會開頭有啲作用 之後就可能要手術電療同化療 但無論點都好咩治癒都好 比佢舒服就夠 最緊要陪佢行下 影下相留低重要的回憶 以前的我都唔識得去珍惜 唔識同佢影多啲相 一定要陪多啲佢 佢可能會因為病而發脾氣 唔開心 你一定要安撫佢的情緒 陪佢可能出得去既就出去食下飯 係醫院既就陪佢散下步阿傾下計 比佢做多啲想做的事

食野方面呢 得既就煲多啲湯水比佢補下 食得多西藥做化療果啲長期都會精神差身體虛 電療化療後都會建議你買奶粉比佢飲 但好多人都會因為副作用可能覺得腥之類 而唔想飲 唔好逼佢飲 可以既就問下護士 安排你試下攞啲試飲 你都可以試下飲下 你應該都會了解你爸爸鐘意咩口味 盡可能比佢試到接受啦 因為真係幫到下佢

如果皮膚乾既話 可以買強生既bb油幫佢搽下 順便按摩下

如果之後醫生話要做化療佢會好無胃口 你可以煲啲瘦肉湯比佢

如果佢有出現腳痺腳腫 問下醫生可唔可以由你幫佢按摩舒緩下 因為佢人腫會好辛苦 同埋腫的話訓覺果陣可以比個枕頭佢抬起手腳 舒緩腫脹 仲有 佢通常肚對下都會好谷咁 你可以幫佢輕輕打圈搓下 千其唔好大力 同埋佢通常隻腳都無力 果陣就要小心唔好比佢自己落床 叫姑娘扶佢 你係度既話就緊係由你扶啦

記得阿 就算四期又好 呢個病都比其他cancer擴散得慢 趁有時間真係記得記得陪多啲佢 唔好令自己後悔 我唔知道我幫唔幫到你或者你可能睇唔到呢個po 但你睇到既話 希望你好好振作 有咩唔開心都盡量唔好比你爸爸見到 會影響到佢情緒 想舒發下既可以同你身邊的人傾訴下 唔好收埋 希望幫到你啦

最後最後 你知道你爸爸都會係因為無body check的關係忽視左 你都要好好照顧自己身體 得閒就去檢查下 因為醫生果時都有警告過我 話呢啲病好容易家族都會有 叫我得閒去檢查

有咩唔明就記得問多啲醫生護士 佢地會比到最合適既建議你 加油振作！

俾你咁問一問即刻淆底

個人理解係前列腺癌細胞生長其實同男性荷爾蒙-雄激素好有關係。所以荷爾蒙療法就係針對呢樣嘢黎減慢癌細胞生長，達到延長生命同提高生活質量嘅效果。
所以理論上對已經轉移左、唔再係前列腺嘅前列腺癌細胞都會有作用。

可能我表達得唔夠好。但我上面係想指出癌症4期嘅定義就係已經多處擴散，意味極低可能可以完全去除癌細胞，所以病人只可以盡量同癌細胞和諧共存。所以醫生提出嘅任何療法，幫到病人嘅嘢就基本上只係盡量令癌細胞生得慢啲同盡量減少病人嘅不適。

btw其實我都係建議如果你想知多啲，下次見醫生個陣就問清楚佢。話嗮私家俾多咁多錢，你都有權利可以知得清楚啲。始終網上免費意見大家講完冇後果，唔可以全信。

不過都可以問，我盡量答
利申 未有牌未可以行醫

做人唔好咁仆街

快啲嚇佢 逼佢去check

不過其實都唔需要過份擔心係癌，中老年男人多數都有良性前列腺腫大，小便好似漏水咁就係最常見病徵

巴打，你說出重點

第四期，唔係末期ga！唔係肺癌呀！

當日我醫生咁講的

樓主，問醫生 問佢睇過咁多症，麻唔麻煩
佢地通常都會講誇d
佢地有信心，咪輕鬆d囉

總之，樂觀！

加油呀巴打

加油多d陪爸爸

https://t.me/Soccerchung

巴打可以tg我
你爸爸年齡人大唔大
可以試下葛森療法

其實外國有好多單食大麻油醫好左，鍾祖康都推薦，呢單只係其中一單，如果真係末期或身體機能唔太好做唔到化療電療，絕對值得一試，因為已經冇野可以輸，保命要緊

多謝巴打你比嘅意見
銀行户口 自動轉賬 雜費 遺產等等
通通我都未曾考慮

可能我重未完全接受爸爸患病這個突如其來消息
所以其他野 我真係未有心情去處理

稍後我會仔細諗後續有咩要去更進

講番爸爸個病
已擴散到骨盤 淋巴 同肺
醫生話範圍大
唔可以用切除去清除癌細胞

多謝你
為咗爸爸同家人
我會撐住啊

諗返起十一年前
嫲嫲喺東區醫院離留之前果晚
我無好好留低同佢傾計
八九點就走咗返屋企
我到依家都會不定期噤內疚同後悔

你講得好啱
千其唔會比自己有後悔嘅機會
愛多的自己身邊嘅親人

知道 犯法野唔會做
我地係唔會放棄嘅

暫時要等到星期六打咗第一支針
先知道下一步點做

依家爸爸睇果個
係泌尿外科專科醫生
佢都有講過下一二三線藥
聽到有少少一頭霧水
治療方法同你講嘅都好類近
多謝你比嘅文章