※※
2019-09-16 12:20:27
今場其實最錯嗰個係羅渣士,Maddison從上季至依家踢咗成十次左翼仍然冇做到啲咩威脅出嚟都仲未醒水,仲繼續擺佢打左翼。明知場上啲翼衛都唔係精通傳中而且兩翼都係內切型,都繼續要傳中,結果李城啲人一殺到入禁區,曼聯知你maddison內切唔掂,就一定企定係禁區做區域防守,而禁區裡面咁多人就一定傳唔到波俾Vardy,之後就緊係傳返俾Ndidi或者Choudhury,搞完一大輪就再俾返兩個翼衛傳中,但係曼聯啲人本身就係禁區裡面,Vardy點可能搶得到個波。
同埋兩翼內切成日俾人截波打兩側反擊,羅渣士都未醒水換Albrighton出嚟打返傳統右翼,俾Gray打返左翼玩底線傳中,而且落後嗰時都唔夠決斷換走Choudhury俾Maddison打返中場中,事關最聯已經放棄係中路進攻,雙防中意義已經唔大,係中路組織進攻拉走曼聯係禁區嘅人先係上策,唯有希望下場唔好再見到Maddison打左翼。