下載LINK: http://hyperurl.co/xkjjk2
前言
日版(World Cross Saga)上年3月出，當時已經有唔少巴打玩過，不過由於多日文嘅關係令到不少巴打棄咗GAME，台版開服緊係拿拿聲想搵人一齊玩，話哂同聲同氣有得討論係好玩好多！依家已經開咗3個公會，歡迎大家加入我地呢個大家庭！
特色
1. 呢隻GAME有主線、共鬥同PVP，滿足哂你3個願望！
2. 可以玩唔同隊伍組合，例如: 速攻隊、血防隊、狀態異常、回避隊等等
3. 對戰果時帶5個人上場，3個正選2個後備，一開波會根據角色「速度」去決定排位，同時會有6個格，藍格係Buff、紅格係Debuff & 綠格係回復。新手記得盡量唔好踩紅格就得，然後如果你有隻好高攻嘅角色比人打死，可以用「時間回溯」CUT對方技！呢個就係最正嘅地方，部署得好可以以小勝大or反敗為勝！
主畫面~ D人設都幾靚
戰鬥時畫面，可以見到有buff嘅格仔
CUT技果下
新手教學
1. 新手教學完成後會單抽1次，最好是刷出5星角色。
2. 盡快打石抽72小時10連保底
3a. 先打《上線紀念-雅典娜物語》 (打完總共送50石)
3b 競技場一有BP就打，入到去投降就得 (每打1條友送5粒石，總共送150石)
*記得將主要角色入隊，打石順手提升熟練度
3c. 直接打主線快推 (主線送最多石，初期打體力用唔哂)
3d. 任務獎勵 (不斷打主線打競技場有唔同獎勵，包括素材同石)
4. 夠250石就可以抽保底POOL，抽完可以睇下角色評價同埋角色技能再決定要重刷定係開局 或者 POST出黎比我地幫你睇
5. 將主線「古代之門」及「魔界之門」刷完後，將擁有的「體力」星石合石，將1級或2級石合至3級後，到成就領取「幸運」石
6. 清主線、刷進化素材及每日物語時將「幸運」石裝在後排角色，將「攻擊石」合石後裝在前排角色。
*每隻5星都有佢嘅特長，只係紅框框住果D係比較主流同易配合嘅角。
*日版角色評價from game8
Q&A
1. 點解我打極競技場都輸?
a. 請按以下步驟思考：
角色lv MAX未? > 請刷【經驗&礦石之門】或抽中相同角色拎突破石突破MAX LV
角色進化咗未? > 請刷進化素材關
星石合咗未? > 去合石 (詳見星石篇)
武器升咗未? > 去升武器等級
武器進化咗未? > 刷共鬥拎進化素材
武器裝咗技能未? > 刷共鬥拎技能素材
(武器可以升咗lv先，武器進化及技能慢慢搞)
幾時先要搞上面堆野？當你連輸幾鋪競技場果時就要啦！
b. 前後排配搭
競技場每一回合可以換一個人，包括第一回合。如果你有隻輸出好大力，但速度排緊尾2，你覺得人地會唔會針住你呢隻黎打？如果你將呢個角色換咗隻盾/回避角出黎，咁你就可以消耗咗人地一招技。
通常換人都係呢幾樣:
> 快角換隻又痛又大力嘅角色
> 慢角換隻盾或回避
> 換隻識幫其他角擋技嘅角色出黎
c. CUT技
競技場只能夠CUT一次技，請小心運用。除非你隻野要死或好多隻角色比人打到變異常狀態先好用。比人打死嘅時候個境頭會係出技前移一移，咁你就會提前知道將會有隻角色比打死。
