你阿公件事反映咗兩樣嘢
第一,佢唔係好愛你。如果一個好愛你嘅人,就算同你屋企人未熟到陪你一齊送你阿公最後一程,最少都會陪你搭車送你去醫院,沿途support 你。但佢冇咁做,亦冇心同你家人相處,唔會愛屋及烏嘅人愛極有限。或者你地關係都未成熟到要去見雙方家人,但你就已經想佢同你家人相處,你地步伐本來就唔一致
第二,你接機唔送阿公呢件事,唔係睇得出你好愛男友,只係你戀愛大過天,掛住拍拖唔理家庭,呢個只係你個人決定,唔好賴你男友,覺得咁樣佢欠咗你唔分得你手。樓上巴打講得啱,你咁樣搬出黎正當化自己妖魔化男友好嘔心。
如果真係你講到自己咁包容原諒就唔會有咁多磨擦搞到佢要分手,唔好恃住人地愛你就要遷就晒你,冇人有責任無條件愛你;又或者當你真係只有小脾氣但佢都容唔下,咁呢個男仔都唔係真係咁愛你,咁你又何必執著於一個唔愛你嘅人