食左一個月中藥已經無生過石頭瘡
三個月清哂面上既舊瘡
而家有生都係瘡仔 好快好
係度講下我自己既意見俾巴打們參考,因為我係男!
日常生活篇
1)每日基本要飲足2L以上既水,每次一杯一杯咁飲,唔好一啖一啖咁飲,好難吸收水份。
1.1) 如果你係生暗粒/皮膚乾既,建議你可以一星期試下每半個鐘至一個鐘就飲一杯水。我試左三日,每日迫自己每半個鐘飲一杯水,皮膚即刻無咁乾!
2)早晚一定要洗面(我通常朝早就咁用清水洗就算)!
3)煎炸野盡量食少d,熱氣同太油。
4)男士的話,剃鬍一定要用剃鬍膏,同埋完左之後一定要茶返野護膚。
5)每星期更換枕頭套同被套。
6)充足睡眠(盡量11點前訓),如果許可,練自己每日五點鐘要起到身。
7)做運動(Optional 個人覺得用途不大)
護膚
1)要選擇岩自己膚質既洗面奶/液。特別係敏感性皮膚同乾性,唔好選擇錯膚質既cleanser,只會太皮膚更乾更易敏感。
我用呢支
好好用,但係比較貴,都係老母買的
2)爽膚水 Toner!!洗完面一定要茶!!同埋要d時間佢吸收,唔好即刻茶lotion
3) Lotion (同cleanser一樣,要選岩)
通常去SASA/Colourmix到買果d set套裝(cleanser+toner+lotion)都幾平,同個姐姐講你咩膚質,佢會推薦d產品俾你,我都係買$100-200幾
4)一星期1-2次deep clean(買火山泥),clean完要fu 保濕mask(非美白mask)
5)男士黎講,有人話要用埋cream黎鎖水,我覺得係optional,因為佢原理係用油鎖住你d水份,會令你份面好油。所以Optional!
6)保濕噴霧
我通常會買d大噴同細噴
(Avéne呢個牌子最出名,大噴都係$100內,細噴就$50-60)
大噴 就通常 係屋企茶完sunblock/出門口前噴
細噴 就通常 係街 皮膚好熱好乾就噴下
另外補濕噴霧 $80有找
7)防曬(好重要!)
前門口前半個鐘一定要茶防曬,係半個鐘前!
認清佢係物理防曬定化學防曬,同埋記得要補妝(曬左兩、三個鐘要補噴/補茶返)
返到屋企要落妝,除非支野話唔洗
常見問題
1)黑頭粉刺?
千其唔好太過急於清理黑頭粉刺,因為佢地短時間內好難清,要慢慢黎。我會建議你地買呢個,都係$10有找,泰國野,我係上水藥房到買,$7。一星期用一次,會吸到好多。
但始終呢d方法傷皮膚,但清到好多同有效,所以唔可以用太多,同埋撕既時候要細力d。
一星期用一次,茶d蘆薈膠係鼻,用白紙吸實佢,等佢乾左就慢慢同細力咁撕
2)暗粒
男士黎講,主要問題應該係皮膚太乾。因為暗粒主要係化妝清潔不完善/內分泌/皮膚乾等。咁解決暗粒好簡單,做deep clean就有改善,咁我唔係女人,少化妝,所以我做左好多次deep clean都冇用。後來懷疑自己係咪太乾(因為我平時飲開汽水,少飲水,一兩日先飲一杯水)。點解用返第一個方法就有改善,迫自己飲水。
3)唔好輕信其他人/推廣
市面上有好多人推廣d產品幾勁,又話咩一次過滿足曬八個要求(保濕/抗衰老/美白),呢d一定要小心。教大家一個字「矽靈」,有d產品會加「矽靈」,目的係要呃人有個即時效果,但係容易令毛孔閉塞,增加暗粒機會。當年有人鼓唱買韓國一隻產品,咩六合一,補水神器。
等我以為真係幾勁,屌!加左「矽靈」既!所以我放到呢家都無用。
再講,唔好聽人地講咩就講咩,要睇岩自己膚質,了解產品成份,唔好買完用左排就爛面,大把呢d cases。
仲有,唔好買L'OREAL旗下產品!!
4)保濕
唔好太依賴保濕產品。我之前格黎登有講,人吸引水份有兩個方法,一係口服(飲水),一係外服(fu保濕masks、保濕lotion)。但係記得要唔好依賴外服!口服先係最快吸引同有用既方法。點解有時茶左好多保濕lotion都無用,因為你無飲夠水!
5)面油紙
Youtuber Rickykazaf都有講過話唔建議!打撚死都唔好用!理閪你油性膚質定咩!要用紙巾rather than面油紙!!!因為面油紙係吸到好實,油份係吸左,但之後你皮膚無曬油,咁就會乾,由於皮膚乾,就會分泌更多油出黎!!
希望幫到你地,我以前都係巴絲打經歷到學同識,希望幫到你地!
唔知真心定假膠
聽聞敷呢個是ok 的
我未試過有咁堅既石頭瘡 唔知有無效
Sasa有 好似58蚊
佢fb page話倒落化妝棉抹面 石頭瘡就敷十秒
啱啱買左支用落ok 粒石頭瘡細左少少
樓主可以試下
或者可以試下用gel plus
你現身處硬件台
唔知真心定假膠
聽聞敷呢個是ok 的
我未試過有咁堅既石頭瘡 唔知有無效
呢支可以係邊到有得買 唔該
點用 搽定點?
莎莎有 我通常剪細細塊化妝棉浸濕佢敷(但呢支野極重酒精)
支防曬係邊度買?
反而想知去印
成半年了。。。。
支防曬係邊度買?
防曬隨便去SASA/萬寧果到買都得
其實石頭瘡平左之後d紅印系咪吾會退?
上面👽巴打 可唔可以講下洗完面後搽野既次序
同埋防曬一定要? 我想keep係小麥膚色
上面👽巴打 可唔可以講下洗完面後搽野既次序
同埋防曬一定要? 我想keep係小麥膚色
上面👽巴打 可唔可以講下洗完面後搽野既次序
同埋防曬一定要? 我想keep係小麥膚色
正常
洗面(Cleanser) > 爽膚水(Toner) > 乳液(Lotion) > 精華(如有) > 面霜(鎖水)
Deep Clean版(1)
洗面(Cleanser) > Deep Clean(火山泥) > 爽膚水(Toner) > 保濕面膜 > 乳液(Lotion) > 精華(如有) > 面霜(鎖水)
Deep Clean版 (2)
[blue]洗面(Cleanser) > Deep Clean(火山泥) > 爽膚水(Toner) > 睡眠面膜(Sleeping Mask)