Kaworu
2019-06-13 00:47:03
【一名警方人員的提議】
從WhatsApp收到以下訊息,從行文看,寫此訊息者是一名警方人員,以下是他的提議:
//大家好,當然我唔會開自己名,但近幾年見到香港情況每況愈下,知道年青人,都係想香港好,但我自己有心無力,只能夠俾方向大家。
但首先,要鬧下,你地班後生仔,係好有勇敢!但真係係無腦!
拜託你地醒少少當幫手,果晚衝立法會做咩?已經同你地講,立法會裡面無人架,衝黎係無意思,你地明唔明?
OK,好,當你地幾千或者幾萬人好撚好抽得,打撚低在場所有伙記,之後再好撚勁,打撚低埋增援伙記,再衝撚左入立法會,拍曬手掌,興奮一陣,隔咗一陣,再再再衝撚死曬黎支援既伙記,去到最後最後咪俾我地收你地皮,你地班友,唔好話幾千人,我俾夠你103萬人衝,都無撚用,我地一架水車都收你地包皮?點解?你估我地老細仲係事頭婆?好簡單我地伙記有炮,你地有無?𠝹刀?咪玩啦。我地做咩都係合法,你地做咩都唔合法,我地係絕對有權拉人,玩到你地死。
你地一定唔啱聽,唔中意,唔認同,唔同意 ,但絕對係事實。
之後我想講既係
希望大家從呢個方向出發
談判 及 不合作運動
特首又唔係你地選出黎,佢點解要聽你地講?立法會你地又夠唔夠人?點解要同你地談判?點解淨係同商界談判?點解淨係揾劉生傾?大家都明,答案好簡單,佢地可以影響到香港運作。
你地邊度邊度罷工,罷市,罷課,野餐,露營,慢駛,靜坐,絕食,苦行,甚麼大小包圍,衝擊,唔好意思,算吧啦,無用的,除非你地有槍打仗,仲有,全香港政府部門私人公司都係會聽我地指令,我地權係好大的,需要既話,我地一定揾到理由拉你地,封你地艇,仲唔明?
我地一定贏你!
你地要要要要要要要要
揾到政府要同你談判既方法。
俾個意見大家
香港命脈其中之一
港鐵
我地之前試過啦,點點點,佔領中環堵塞馬路,都係果句,你地係唔合法,可以拉得,我地伙記要清場無問題無難度,收你地包皮,易過借水,只係俾你地玩一陣,唱下歌跳下舞,睇下幾點夠鐘落命令咁解。
港鐵係暫時會令到政府有壓力,因為會影響全香港市民。
港鐵有幾多架列車?90架?我送夠200架好無?一架列車裝到幾多人?你地睇下 平時放工返工塞燃到爆,半分鐘一架列車都頂唔順。
唔係唔係唔係叫你地佔領企係月台,車站站,拉橫額示威,叫口號,千其千其千其唔好呀!你地做依啲野,我地可以逗下你,拉你返去。
但你地坐列車塞滿人,好似同胞咁,企係度又好,坐係地下又好,拎個合尺寸行李,站站唔落車,俾附加費游車河又有冷氣嘆,搞到港鐵站站飛車,任何人無得上車,係,無錯,港鐵係有鏡頭錄住你地,但你地又無犯法,遊蕩罪又拉你地唔到,你地只不過撘港鐵,我地又吹你地唔脹,我地伙記又唔洗打你地,你地又舒服,唔明?淨係港島線或者油尖旺線或者東鐵,是但一條都好鬼麻煩。
對住呢個政府,不合作運動係有用過你地遊行,示威衝突,罷咩罷咩,仲唔明?香港係最繁忙嘅時候冇左港鐵會點樣?咪即係心臟停止運作,提示就俾埋你地,其餘細節就由你地年輕人自由發揮決策吧。
睇到依度,我張太空卡同電話已經丟爛,我唔會回覆任何訊息。提提大家,你地網上又好,群組又好,咩apps都好,講野小心,我地伙記任何地方,無時無刻,都睇住!記住我地轉左老細,唔係事頭婆。
有機會,再分享其他,香港命脈之不合作運動,唔係金融地產。
完。
對癱瘓地鐵行動有懷疑嘅巴絲打不妨參詳吓