蘇東坡
2019-10-14 22:32:09
雖然心入面全係不滿,但工作仍然係要繼續。Gay 佬Jimmy 捉咗我同Ben 一齊執鞋倉。
Alice 係鞋倉,一口咁講晒點樣執,快到我聽唔切,但Ben不停咁點頭。
「佢應該掂,等陣問佢點執!」我心諗。
「好,就係咁執,加油你地!」Alice 不負責任咁就走咗,留低黑人問號的我。
「大雄,你識架何?」我疑感覺惑咁問,
「哦」佢自然咁答,睇嚟已經有太多人咁叫佢。
佢留心仔細咁教我。
「你執呢到,我執嗰到。」佢留低呢句之後,我地就開始執嘢。
執嗰陣,我哋有傾下閒計(問下佢dse 點,想讀咩個d),但做嘢居多,因為我想快啲執好,去搵阿Wing 。
我以平生最快ge 速度,執好晒。留咗一句「我去幫其他人手」然後,頭也不回瀟灑離開。
然後,我靜靜走到衣倉。
一開門,見到佢慌忙爬起身。
「乜係到偷懶?」我嘲諷她。
「學某個人姐...」佢不甘心地回嘴。
「做乜返黎?係咪掛住某人呢?」佢接著說。
「唔係囉....我路過..咁咪幫下你囉」我臉紅口疾咁講
「真係?」佢走近,瞪大眼睛咁望住我。我臉變得更紅。
「唔駛你幫吖,你坐喺度,休息一下啦!陪我傾計啦!」佢接著説。
蘇東坡
2019-10-15 21:53:32
我靜靜咁坐喺地下,佢都坐咗係我隔離。好近,近到我可以聽到佢嘅呼吸。
佢慢慢咁挨落我膊頭。
「你....」正當我想講嘢嗰陣
「如果你真係想幫手就借過膊頭黎 ...」
佢打斷我講野。呢刻,身為直男嘅我完全唔知道點做,只係靜靜咁借比佢,佢亦慢慢咁瞓著咗
我唔敢有太大嘅動作,驚整醒佢。我只係時不時轉頭望下佢,頭髮嘅芳香亦不斷咁飄向我。
「喂,唔好貪圖我嘅美色」佢打斷咗正在享受這般美景的我
「喂,借嗰膊頭比你都咁講野。唔借啦!」我緩緩咁起身。
「唔好!」佢一手捉住我,細聲地說。
「對唔住囉」佢更細聲咁講。
「咩話,聽唔到wor」我豎起耳仔地説
「聽唔到就算⋯⋯」佢不服氣地説
嘴裹說不,身體卻很誠實。我仍然借比佢,佢仍然挨住。
直到.......有人敲門。
突然如來的敲門聲,殺我地一個措手不及。