[獨遊] 名古屋二日一夜、東京四日三夜

遲一日去就 了，之後就會寫到

去完暸望搭，還可以行到最入的江之島岩屋，沿途景色很美











由於第二岩屋做緊維修，所以只可參觀第一岩屋，而且變左「無料」參觀

平日無渡輪坐番出來，結果要行到 先出番市區，不過都給我見到好得意的東西

接著坐江之島電鐵，現在真係太多遊客，結果全部列車都要拖 4 卡車廂開車



坐車去到長谷，去左高德院看鎌倉大佛





大佛內部都係你們自己俾錢入去望，包你覺得得意



買左盒大佛燒，唔知味道如何

最後到達鐮倉站，有點失望 ，因為周圍都已經現代化，並未有《鐮倉物語》那種古色古香的風貌，反而江之島保留到一種很村的感覺

最後去鶴岡八幡宮參觀，由於宮內唔准影相，只可以影外圍



有點肚餓，竟然去食日本老麥 ，全部都無自助機，要同男店員雞同鴨講，好在最後都叫到，還可以飲爽健美茶 ，唔洗下下飲汽水


奶昔是有試的，但最後一日先試到，稍後再 upload

接著要回去東京， 先由鐮倉去番大船站


去到大船站，坐上野東京線，但時間已經 5:30pm ，開始多人，加上有少少唔舒服，不停咳，等左幾班都上唔到車，所以迫住要坐 Green Class 返東京，俾多 770 日元

接著晚上去超市 shopping ，化身男版師奶


這盤壽司在吉馳買，好食而且唔貴，原價還要打七折


枱頭個枝 2L 的水只買 69 日元，咖啡 38 日元，在廣小路的業務超市購入


湘南 coke 150 日元一枝，在鐮倉的自助售賣機購入


今次還找到有自助售賣機的金劵屋， 24 小時購買金劵 no problem ，我在這部機購入 skyliner 車票，之後最尾個日去京成上野站兌換

不忘開餐，影埋之前食過什麼

[大量照片上載，不喜勿插]

接著就到悲與喜的第四日，因為東京那日落好大雨，所以去唔到高尾山 ，唯有食玩買過一天

首先去有樂町 Bic Camera 入貨先，三個字，抵抵抵






我還以為去左秋葉原，雖然我之後的確有去 ，最重要的是埋單有人幫手搞埋退稅，正

藥我都有買少少，龍角散和大正製藥 PABRON 百保能 GOLD A 錠，之前講到有少少唔舒服，所以親身試藥，但龍角散好似唔係好得 ，另外個種就止左少少咳

接著去到東京車站，體驗多人食飯的場面，去到呢一間食



果然拍得住中環，超多人等開飯




我曾經在鐵路 post 出過山手線收集印章活動，我見落大雨，不如試下挑戰一下，結果一玩就 4 個幾鐘



正式來說，直接用日票去試山手線放題



由東京車站開始，內圈形式坐




相信這裡唔係好多鐵路迷，唯有選幾張來貼






收集印章時，每個站都有介紹






最後一套收集完成，獲得膠 file 一個

收集過程好邁長，中間肚餓去松屋開飯




最有特色的是品川站




完整的收集圖會去鐵路 post 出，呢到會出令和車票讓大家觀賞

想知點揾到車站印章擺係邊個位？想印但驚揾唔到

晚上放晴，當然要到男人的天堂 - 秋葉原









街頭好多女僕叫你上咖啡廳開餐 ，不過我就無上去，因為可能過左那個年齡，唔會太想上去

當然來到這裡，無理由唔玩夾公仔和打機 ，
夾公仔真係好難，無技術千其唔好夾，否則損失很大

尤其睇到夾毛巾，見到一對台灣年輕男女夾比卡超毛巾，最少夾左 5000 日元先夾到出來

我試過夾 t-shirt ，夾左 500 日元先拉得個少少出來，外國人都用左 500 日元試，也只拉到少少出來

我都有斬獲 ，用 2000 日元夾左 mini 遊戲機仔出來，不過重點係有個綠色膠圈先有機會拉它出來，仲有，我在上野個間 Taito 夾出來，秋葉原的款就新和靚，但就好難夾出來


機鋪無什麼特別機款吸引，還是玩電車 go 新版好過



最後，去左天下一品到食野，啲野好得

收集單張本身有寫位置

部分車站仲好有心，貼晒紙教埋你點去找

好像呢張

飛羽田正啦
不過五點到要等45分鐘入境？？？

終於來到最後一日，我去成田上機返香港，由於是晚上機，所以早上還有時間，就去淺草行下，上一次去東京的時候都有去淺草







求左幾枝籤，其中一枝求健康，結果是大吉





來到淺草，就要試淺草菠蘿包， 500 日元大大個，還有綠茶雪糕，正





當然日本 M 記的士多啤梨雜苺奶昔都有試，但味道好一般

得 8 個櫃枱，遊客就超多

秋葉原的貨品售價普遍都比較貴，所以可以去駿河屋尋下寶，有啲價錢意想不到的平

以上個隻 figure ，一般開價要 5000 日元，現在 1000 日元都唔洗

最後在上野行一行，又去松屋開飯




京成上野搭去成田機場，唔小心被職員劃左去 T1 落車，不過有免費接駁巴士去 T2 ， 10 分鐘就到，所以唔驚








當然去到機場要買多少少手信，接著坐 CX

識玩搭凌晨機 訓醒立即玩 不過當晚會好累 建議10點訓

好想返鄉下

CX - A350-900 ，部機好滿，最後幾排無行李架

好在空姐幫手，多謝，我可以把手提行李放入行李架







上機無幾耐就獲得花生和野飲


接著食晚餐，點知得番牛肉飯 ，好在同日本食開的唔同，又幾好食


香蕉味雪糕，正


接著就返來香港

訓得 2 粒鍾，玩死自己

不過去程無 BB ，唔係成晚唔洗睡

搭廉航唔係一個問題，而且平有平玩，最重要係有假

條件差少少 係冇錢冇假

咩電話似廣角但啲色水咁差

LG G6

下次去旅行直接買 iPhone 好過

既然樓主係鐵迷應該知道張liner券係同株主券分開，係可以喺t2落車喎