[雲南][邊行邊寫］毒遊初體驗

平時係連登睇相都覺得雲南呢個地方好靚
原本plan左上年去，但因為暑假有野做
3月見到有平機票即係狗衝

機票買左HKD1200左右，另外預4000人仔去玩
先講一講個行程先 打算玩12/5-25/5
香港>昆明>雨崩>麗江大理>昆明>香港
我會自己玩左個雨崩再係麗江/大理同我朋友集合
所以真正獨遊只係得頭6日

day1 到昆明機場，過夜火車麗江
day2 麗江去飛來寺
day3 出發去上雨崩
day4 去冰湖，然後去下雨崩住一晚
day5 去神瀑，出翻飛來寺
day6 去麗江/大理同朋友集合
day7-day14 ...

成個trip除左張昆明到麗江既火車飛
其他咩都未book
諗住見步行步算

如果有經驗既巴絲可唔可以幫下我
1. 因為我係第一次去咁高既地方
而我day2就要去飛來寺，所以想問下洗唔洗係昆明買定啲防高山症藥。

2. 飛來寺同上雨崩/下雨崩有冇住宿推介

3. 有冇d咩係雲南必食

一陣1705機
push

認真..小心高反
之前去有朋友都係直飛而高反...所以我覺得你食定高反藥穩陣D
同埋你仲要自己一個..有咩事無人救到你

去唔去雪山

帶左幾多個杜蕾斯去?

唔該晒巴打
咁我一陣去藥房睇下先

應該會去玉龍雪山

咩月份去
玉龍雪山期望唔好太高

同埋麗江》飛來寺怕你趕唔上車
首先麗江》香格里拉 4 小時車程 香格里拉〉德欽一班車大約中午1-2 點就完、你再check check
去到德欽再拼車上飛來寺好易

小心俾人呃買貴藥，我個friend 就係俾人tum左買貴藥
你買果d平平地果d就得

我應該聽日朝早6點半就到麗江
9:00有巴士去德欽
但聽日9:00去德欽架巴士冇得用回鄉證上網買
希望聽日仲有飛

到德欽再轉的士/巴士去飛來寺
但我咩都未book

唔知火車站附近有冇
岩岩為左趕巴士去火車站，冇去到買藥

火車站附近應該有，你去藥房睇睇
高反藥要提前啪定

最尾都係因為趕火車冇去到買
聽日麗江落車即買

原本17:05既飛機，點知delay左幾個字
但最後都準時到昆明
飛機餐幾好食
我係飛之前係機場食左個老麥都食得晒飛機餐
最估唔到竟然有haagen dazs雪糕




落左機原本以為可以慢慢咁行下個機場再順便買埋高山症藥
點知等拎行李等左好耐，起碼半粒鐘
而今晚昆明去麗江既尾班火車22:00開
結果為左趕20:30去昆明火車站既巴士
咩都冇買到


最後都係差d上唔到火車
我一早係wechat pay度買左飛
但自動取票機度明明話可以用回鄉證拎飛
但都係冇反應
最後櫃枱又鬼死咁多人 排左好耐先拎到

呢架車應該6點半就到麗江

玉龍雪山應該一星期後去
講真都冇咩點期待玉龍雪山 因為未去過所以去下
呢個trip最期待係雨崩，瀘沽湖，同埋大理既洱海

玉龍雪山幾正 ，反面湖，海比起唔算特別

留名先

麗江未入城都唔好信任何人sale你既local tour或者拼車 好多昆人野 城入面可以入去睇左房先決定住唔住 氧氣我覺得可以買返支旁身 10蚊支 出到去雪山附近要60蚊支

麗江落火車記住唔好跟人去玩騎馬，大伏
申利，中左伏

過夜火車有分座同卧
我上網睇啲人推介軟座，就咁中左伏
首先軟卧同硬座差唔多價錢
而成晚坐係度跟本好難入睡
其次就係架火車去到3點左右就差唔多到麗江
但因為麗江火車站未開，所以佢會停左係度
到6點先再開火車
即係你有段時間可以好舒服咁訓係度
所以下次我死都唔簡座


6:25準時到左麗江火車站
出左門口向前行一段路你會見到有架18號既巴士
2蚊人仔就去到麗江客運站買去德欽既車飛
去德欽架車9點開，見有時間就去左麗江古城行下
早上既古城一個遊客都冇，凈係聽見雀仔聲
當然因為好早既關係，啲鋪頭全部都未開
但就好有feel，冇咩人所以好清幽


因為我之後仲會去麗江，所以行一陣就走左
就是但係附近搵左間多人食既就入去去
呢碗雞肉砂鍋米線盛惠$12
米線口感唔同香港果啲，好食好多
但我就略嫌冇咩肉 不過$12又冇得要求咁多


因為即將進入海拔3000米以上既高原
就去左茶房買左兩枝預防高山症藥，$25一枝
我覺得都算幾有用
我係搭巴士前飲，到依家都冇咩事


一切準備就緒就出發去德欽了

麗江搭去德欽係我人生搭過最長既巴士
9點鐘開車 下什5點半先到德欽
臨落車前個司機話比$10可以車埋我地去飛來寺
我廢事再曬時間搵車就deal左
最後下午6點先落車 搭左9個鐘巴士

程車初時都算平坦，同埋直路佔多
過左香格里拉就黎料
地面極為凹凸 又多彎位 成程車坐得好辛苦
而係車窗望出去風景都算ok
有高原 有雪山



最後訓下醒下就到左德欽同飛來寺
一落車我嘩左出聲
我咁大個仔就未見過真既雪山
同埋飛來寺比我個感覺係好似比雪山包圍住咁
順帶一題，雖然係5月
但個氣溫係2-10度，雨崩會再涷啲
大家黎既時候check清楚個天氣




欣賞完個景就去搵之前book左既房落腳
由於依家淡季冇咩人
所以店主免費幫我升級左我間房
原本冇雪山睇變左可以係大大塊玻璃窗度睇景
唔記得影天台個景
而天台個景係更加震撼
聽日我影完日照金山再同大家share




搞掂晒住方面就去附近搵左間野食
因為lunch冇咩點食野
所以肚餓到一個人食左一煲土雞鍋
食果下個感覺係點解可以咁撚好食
我食晒呢煲野 同埋3碗飯
total $117




最後去左間超市買左啲補給品為聽日既雨崩做準備
個店主知道我去雨崩
主動問我洗唔洗拚車，$30一個
所以聽日8點半就會有車係樓下車我去西當

我睇下有冇團購價 平好多
巴打上次比左幾錢玩

收到
但60蚊咁貴都有人買咩