[雲南][邊行邊寫］毒遊初體驗

冬天去好危險 同埋好撚涷
我果幾日去都只係得4度

我食果間都好正 唔知係咪你果間

5月17日(上)

之前都有講過我凈係獨遊雨崩果part
所以之後既雲南之旅都會同幾個香港飛過黎既朋友一齊玩
我地約好左夜晚係麗江等 佢地就會係昆明去麗江
咁我早上就係飛來寺出發
飛來寺每日都有一班車去德欽 唔洗錢既
經歷過之前連續坐9個鐘巴士既經歷
今次我就醒目 將9個鐘既一程分開兩程
由德欽搭去香格里拉 再係香格里拉去麗江



搭車途中既休息站食左碗野幾好味
之後先知係叫雞豆涼粉

上年住過雨崩假日客械，個老闆好正，係咁同我地飲紅酒又幫過我地搵導遊，洗衫佢仲話佢間嘢係雨崩蘭桂芳

前年聖誕去，同行仲有兩位巴打而家諗返都覺得好熱血好感動

點解搭去香格里拉唔駛$？

去德欽唔洗錢

有冇落雨

巴打UC?

5月17日（下）
大約7點左右就去到麗江同班friend集合
就係古城搵左間火鍋食
主要食三文魚同石斑既邊爐
都幾好食 因為之前都未試過咁樣食三文魚
我地4個食到好飽都係$70蚊左右
間野係麗江古城入面 叫 江措魚莊



食完就上網搵左間客棧住
一開始見佢咁高評價就實冇死
點知去到就開始中伏
首先佢會問我地黎緊既行程去邊
我地就同佢講站去瀘沽湖
佢就推介二日遊既票 $550 包門票 車費 住宿 食
就話我地自己去會貴好多
我地咁就落左搭 中左第一個伏

二黎佢問我地一陣會有咩節目
佢又帶左我地去自稱一間好平既酒吧
點知去到發現間野最平既都要半打啤酒$240
咁我地又以為呢度間間都咁貴
幾日後我地發現其他酒吧半打啤酒只係$99
最誇張既係我地果日半打$240既啤酒係超市賣$8一枝
間酒吧叫 旅行猴小酒館
而間客棧叫 麗江花神連鎖觀景客棧
大家去到麗江千奇唔好住

咁岩呢次旅行都依家為止都冇落過雨

2000呎高你老未反
去到拉薩都未開眼驚啦
最多一開始唔適應
慢慢行就得

做咩咁問

我徒步雨崩 前日單車環納柏海草原都冇事
不過都好睇個人體質
我有女仔朋友上星期去香格里拉都有高反

其實高反最好的解決方法係走人...
另外而家高反藥好多都係鳩吹...小心選擇為上...
不過雲南唔算好高啦..到步頭幾日小心D慢慢適應基本係無事的

正啊巴打，想問下住宿係咪去到先搵
同埋雨崩依家係咪有雪 使唔使著雪靴
Thanks!!

雨崩依家冇咩雪 所以唔洗雪靴都得
就算你冇帶 去到都有得租 不過基本上唔洗用

我個friend就係到步以為無野 無特別注意d乜 下就就出現高反 又痾又嘔 休息左兩日先好返

5月18日-5月19 瀘沽湖

因為我未去過瀘沽湖
又上網睇人都係包車遊湖咁玩
所以就中伏join左個客棧老闆介紹既瀘沽湖二日遊
$550係包食 住 門票 來回麗江瀘沽湖 環湖既費用
首先食果度係完全唔掂
可以講係我雲南食過最差既幾餐
由於係拚車環湖 所以大部分時間都係車上面
個揸車師傅死都唔肯開冷氣 話會令架車慢左
而嗰架車凈係得司機位有窗
所以我同班朋友坐後面都焗得好辛苦
另外有啲佢聲稱所謂既景點明明唔值得停低
佢地會因為公司要求而格硬停低
費用$550其實好唔抵
如果比我簡多次 我會自己坐客運入去住翻幾日當渡假仲happy

講翻個湖 個人認為去麗江一定要去埋瀘沽湖
湖水好清 景又靚 而且天氣好涼好舒服
因為我住既係湖景房
就咁坐係房出面呆望個湖
或者散下步都好正




係瀘沽湖買左好多酸奶
結論係右二既藍色包裝隻初心屌打其他
好好飲 黎雲南必試



係瀘沽湖翻黎麗江第一時間就去左搵過橋米級食
結論係好大碗 圖中一碗$24


食完就係麗江古城行下同買啲街邊小食
大約11點左右就翻客棧訓教
因為第二日就會出發去香格里拉

有人睇架，繼續update啦巴打

瀘沽湖實在太靚
post下相先 係我同行既朋友影

1.去瀘沽湖途中影



2.坐艇仔遊河又係另一種風味



3.係房出面影



4.是但影

多謝支持

5月20日
食完早餐就去客運站搭巴士去香格里拉
冇記錯車程應該四個鐘


一上車就即刻book今晚既客棧
今次唔洗上網搵 因為有朋友推介 一定冇伏
間野叫做 遠方的家，係獨克宗古城附近
我透過微信book，過左半個鐘客棧果邊就打黎
佢叫我係就到香格里拉既時候打比佢
會有人開車接我地去客棧 仲要唔洗錢
我地去到間客棧 仲有專人將我地既行李拎上房
果刻我就知道我個朋友冇推介錯
下面圖係客棧個小院子 同隻懶狗




美團係一個搵野食app，類似openrice
我地透過美團推介，去左一間評分幾好既藏餐
我地一致認為呢餐係雲南食過最好食既一餐




食飽飯就係獨完宗古城周圍行
呢個古城相對麗江古城細好大 好快行完
而且冇咁多人 但我地覺得幾有特色
同埋好舒服 因為香格里拉唔似麗江咁熱
又入左一間鋪買左啲postcard

正啊，真係太監騎馬
美團搵野食，住宅睇落好方便
雲南仲有咩推介同要注意嘅嘢
下個禮拜出發

你諗住去幾多日