其實冇衝突㗎喎
國王谷係新國王時期法老陵墓(公元前11-16世紀),而金字塔主要係古國王時期(公元前22-27世紀)嘅法老陵墓,當然後尾中王國時期第十二王朝(公元前17-20世紀)都有起到幾座金字塔
國王谷同金字塔根本年代唔同冇衝突
古夫金字塔入面搵唔到木乃伊係因為金字塔建成之後幾百年已經畀人盜墓
講緊嘅係公元前2000年嘅事
(你冇睇錯係4000年前嘅盜墓者,唔係羅拉)
事實上現代考古學家進入金字塔之前
金字塔已經被盜墓者進入咗好多次
乜都畀人偷走曬
證明金字塔係陵墓嘅除咗係 King's chamber有個盜墓者搬唔走嘅
石棺之外
係古夫金字塔周圍搵到大量嘅皇室陵墓,而係第五至到第八王朝嘅金字塔入面都搵到一啲
喪葬鉻文引導同保護法老靈魂到往來世
烏納斯金字塔內嘅burial chamber有金字塔文,有興趣嘅就自己search
Pyramid Texts
再者
金字塔點解會係呢個形狀其實係有考據,唔係無啦啦就係四角錐體
最早嘅埃及人嘅陵墓係Mastaba
初代金字塔左塞爾金字塔受Mastaba啟發,起多幾層喺上面,代表我威過你同埋法老至高無上嘅權威
跟住起左Bent Pyramid
再之後起起下先變成你哋睇圖片經常見到嘅古夫金字塔
後來經歷兩次中間時期(Intermediate Period)之後由於建造金字塔成本太大同發現容易成為顯眼目標被搶掠而改為係山谷之中興建法老陵墓
但係結構仍然同之前嘅金字塔有相似之處,只不過結構埋咗喺山入面,以山體取代金字塔
所以基於以上四點
1)金字塔嘅形狀係一步一步演變而嚟,最初嘅原型係Mastaba,並非什麼四角錐體以聯絡外星人
2)國王谷同金字塔年代唔同冇衝突,反而有先後嘅關係
2)金字塔内無木乃伊係因為已經遭古埃及嘅盜墓者掠奪,而金字塔内有搬唔走嘅石棺
3)金字塔内有Pyramid Texts,引導同保護法老死後嘅靈魂
學術界一般認為金字塔係法老陵墓
無錯,金字塔仲有一啲疑問仲未解答得到,而歷史學家亦都冇辦法返到四千幾年前睇住埃及人點起金字塔,只可以憑一啲文獻同埋考古遺址推斷,但即使係咁,而家嘅證據都足以拼湊出古埃及金字塔嘅大概畫面
其實講到咁樣,你哋係都唔信學術解釋,反而願意相信一啲故弄玄虛嘅神秘之說嘅話我都冇辦法
歷史學同神秘學嘅分別係在於一個係假設完之後需要證據證明嘅學術方法,一個只係揾出不足、大膽假設之後因缺乏證據作罷嘅非學術方法
其實依家都21世紀啦,科學唔係話勁到解釋到所有嘢,但都冇必要信埋一啲不足為信之説,真係有興趣嘅話就search下,好多野都有學術解釋,如果有一啲唔明白嘅地方,亦都應該搵證據(或者等待日後證據)用科學方法驗證