學咗六年唱歌,教咗兩年 你問我答(提供試堂 流行歌唱班招生)

可以啊你約我啊

不過有時真係覺得幾搞笑其他結他,鼓等等嘅post好少見人叫人po自己啲片我見音樂台其他巴打絲打嘅樂器po都冇咩人問然後我之前開po 又有人叫我唱我已經話可以現場示範然後哥哥就即刻帶晒頭盔
難得我已經比起其他巴打絲打更加大方肯示範

如果要學唱歌係咪應該要一星期上一堂？

想練闊啲自己個音域 可以點做

要約就麻煩啊嘛非挑機
樓主音域係邊到邊
覺得最難唱係邊個音域
自己最好聽最有信心係邊個音域

如果你學唱歌係認真嘅,係真心想進步嘅,大多數嘅人係我自己亦都會建議最少一個星期一堂因為如果你要隔好耐先上到一堂,你自己返去練野嗰陣就一定要練啱野一個星期上一堂可以令你每個星期都可以比導師“檢查”一次你嘅練習方向有冇偏離我自己會建議一開頭學嘅人盡量都可以上堂時間穩定啲,當你可以正確地自己練習嗰陣,如果時間金錢真係唔許可先一個禮拜上少過一堂
我自己一開頭學唱歌係中學時期,嗰陣我有時間練野,學嗰間琴行又有學生優惠,我上足四年一個禮拜兩堂

分低音同高音回答你呢個問題啦

低音我會建議你搵正確嘅共鳴位置你試吓放一隻手去你嘅心口,然後唱scale落,你會發現你唱落去嗰陣你嘅共鳴位置係會有轉變你要捉到呢一個感覺,知道自己越唱落去嗰陣你嘅共鳴係會有咩嘅轉變,然後你就會知道如果有一粒音對依一刻嘅你太低,你都可以推斷到個一個共鳴位置係喺邊一度,從而不斷去練習而開發你嘅嗰個空間嘅共鳴

高音嘅話你首先要知道自己想唱咩音係真心定假音?其實上面都有答少少

如果純粹用音域計嘅,你係講緊真音定咩先俾唔俾假音上先音域最難唱就一定係越高越難唱嘅我自己嘅聲底係偏柔&中音所以如果你真係話最有信心嘅,我唔會答到你音域,但係我會答到你我係唱偏抒情溫柔同唔會亂咁標高音嘅歌係會適合啲嘅

天生唔夠高音
練果d mix voice 可唔可以唱到周杰倫咁

分開實音(真音 混音)同假音
A4到C5恐怕會比F5到A5難吧

你自己覺得你係屬於語感派定技巧派？
胸聲定平衡定頭聲派

成日俾fd話我唱歌冇key
可以點搞搞改

高音就當然係可以練上去嘅但係混音同周杰倫係咪真係咁大關係我就不是太肯定不如你試吓講下你想唱到好似周杰倫咁嘅意思係啲咩?例如咬字/感情/用聲/轉音/處理等等你係想唱到好似佢嘅邊一樣咁我先解答到你究竟係咪練混音可以達到到你想做嘅嘢

佢既歌我都好中意, 但大部份A4 以上都唱唔到
淨係想好穩定咁唱到佢D 歌
最近有學琴, 彈到佢D 歌但唱唔到, 好無引

Middle C係C2嘅話,我真音可以D1-C4呢啲係好嘅range如果你話少少喉嚨緊都收貨嘅當然可以再高音啲不過如果再上嘅話我自己就會轉混音
你講嘅A4我就真係覺得太痴線啦我自己真係唔係唱得話咁闊亦都冇特別追求拉闊音域始終係我現有唱到嘅音域我自己都唔係完美

我自己覺得我係唔會分我係咩派你要唱到好似講嘢咁定係用好多不同嘅技巧我覺得都係因歌而去決定嘅你要首歌聽落把聲多啲bass或者聽落薄啲我覺得真係要睇歌而定我唔係話要跟原唱,我係會聽完首歌之後分析下自己想用咩嘅方法去演繹佢然後就用首歌我想做咩我咪做咩囉
即係例如如果我比首陳奕迅嘅不如不見你,你都唔會一開頭就唔用chest voice啦

我最上面最後嗰一條問題(入首歌捉唔到音準)應該會解答得到你我會將你全首歌都加晒鋼琴melody然後逐粒逐粒音同你唱好佢先

如果你係求穩定嘅,其實只要所有嘢聽落冇走音同唔辛苦就得呢啲都係基本功唔需要諗到特登唱到好似周杰倫咁

我嗰個計法係C4係middle C
咁你應該係D3至C6？好似同你個方法唔太同除非係你係女仔
你係大細階表示個種吧 我覺得全部用大階再用數字表達音區比較清晰

因為人個聲帶係會比較貼合某啲聲區嘛
好似Eason咁係胸聲居多 以感染力為主 唔主動高音
阿GEM個種都係大胸聲為主 爆發力十足
又或者張靚穎個種頭聲為主 高度靈活取勝
又或者好多外國搖滾主唱主要都係用咽音用高度棄深度
應該都有種取向 我覺得
有啲人講嘢已經高位置 上高音頭音較輕鬆
有啲人天生沉 胸聲低音比較容易