學咗六年唱歌,教咗兩年 你問我答(提供試堂 流行歌唱班招生)

學左六年唱歌教左兩年之前讀音樂而家全職做音樂(教唱歌/木結他,錄音,寫歌)會間中幫中學/大學歌唱比賽做評判

利申
呢個世界有好多種不同嘅唱歌方法. 冇一種係會絕對正確. 好似你聽pop陳奕迅同軒仔雖然都係唱緊pop,但你都會覺得佢哋嘅唱法唔同, 咁又有冇話邊一種係錯呢?
唱歌有好多唔同嘅“派別”, 但其實每個人適合嘅唱法都唔同. 就算你本身上網睇片話邊一隻唱法好掂, 你聽得明佢哋講咩, 但係實質嘅應用上你都有機會會唱唔到, 可能你最適合嘅唱法唔一定係果一種
所以其實你係要親身去試過先會知道就算你上網睇幾多片都好, 你都係要唱出嚟先知用唔用到. 依家網上咁多片去幫助大家, 但係好多時候你又係唔係真正明白佢教緊嘅嘢呢? 有冇試過睇完條片自己跟住唱都發現好似唔啱呢? 就等我嚟屎窟痕為大家解答你哋嘅唱歌問題
我以下落嚟講嘅嘢係base on我自己嘅唱歌&教學經驗去分享出嚟我知道有一啲位會同其他嘅唱歌導師教法不同, 但係呢啲野都係因為我嘅經驗令到我知道可行所以先分享比大家始終每一個人適合嘅都不同如果有啲咩想一齊理性討論嘅歡迎係下面一齊討論我都好尊重唔同人嘅教法嘅只要唱得好聽

但係因為有一啲問題實在太常出現所以我直接喺度答一啲最常見嘅問題先啦

Q:唱歌最重要係啲咩
A:如果淨係可以揀一樣野嘅我應該會揀係聲帶放鬆聲帶嘅鬆緊係會好影響你唱出嚟嘅嘢, 你要聲音聽落自然,聲帶就需要放鬆你平時同朋友傾計聲帶都放鬆啦如果你聲帶變緊, 你就好容易會受損, 攰同埋好難唱到大家覺得最難嘅用真音高音

Q:點樣可以唱高音啲
A:首先你要知道你想唱嘅高音係用咩音上你究竟係想用真音定假音好多人都淨係識得問點樣唱高音啲,但係其實你用真音或者假音上要注意嘅嘢可以好不同如果你要用真音上,你就一定要比好多力去上有啲人平時唱歌會覺得喉嚨緊往往就會係高音嘅位置,就係因為你想高音嗰陣你嘅喉嚨/聲帶用咗力所以如果你想真音上高音舒服/自然,你就需要學識用身體其他嘅位置去發力如果你想用假音上你就要學識搵正確嘅共鳴位置,就好似啲人話要用頭殼頂唱歌,假音就要搵清楚個一粒音係你個頭嘅共鳴

Q:唱歌喉嚨好緊點算
A:如上,咁係因為你唱歌係需要用力,而你用力嘅位置錯咗,所以你要學識用身體其他部位去卸走你位於喉嚨嘅壓力如果你長期用錯力去唱歌, 都會令到你嘅聲帶受損或者疲累, 咁亦都會令到你嘅續航力受到影響

Q:唱歌係咪一定要有天份嘅人先唱得好聽
A:Hardwork beats talent. 一開頭當然會係有天份唱得好聽啲, 但如果有天份嘅人唔去練習, 終有一日努力嘅人都會超越佢當然最恐怖嘅就係努力嘅天才無論你把聲係偏高(張敬軒)或者多bass(陳奕迅),唱法比較有力量(側田/小肥)或者柔弱(陳柏宇/林奕匡), 其實不同嘅聲音都可以唱得好聽冇話你本身把聲唔夠bass就唱唔到歌你只需要揀啱屬於你嘅歌, 同埋不斷練習, 我相信冇人係唱唔到歌

Q:五音不全/冇拍子感點算
A:五音不全我會建議由scale練起, 因為係一首歌入邊佢嘅音係會跳黎跳去, scale可以令你更加容易練習到你亦都可以用而家市面上嘅測音準apps去練習佢哋可以將你唱出來嘅音準視像化咁呈現俾你因為大多數人係會直情唔知道自己走音或者走幾多音, 嗰啲apps就可以幫助到你更加了解自己至於拍子你就要首先搵到每一首歌嘅重拍,然後去記低佢因為其實每首歌嘅melody你都可以搵返佢嘅拍子出嚟最高境界係跟拍子機都唱到成首歌

Q:成日一入首歌都會捉唔到音準
A:呢樣野就真係要靠你嘅練習我自己都遇過不少學生有呢一個問題我就會喺電腦錄音軟件上幫佢首歌嘅純音樂加一條用鋼琴彈出嚟嘅melody然後教學生跟鋼琴唱得到佢最後mute咗條鋼琴佢去練習


https://t.me/Vocaljj
如果你聽咗咁多之後仲有問題想問可以喺下面或者tg我問我自己亦都有提供私教1on1/小組班如果有興趣試一堂可以tg我

試堂都係會聽你唱一首你認為你最熟悉嘅歌, 然後會再同你一齊分析係我嘅角度出發有啲咩係做得好/唔好,當然亦都會做簡單嘅示範令你明白

我上堂係會用錄音設備上咁樣你就可以邊聽住自己把聲邊唱我講解嘅時候亦都可以播返你唱嘅嘢, 令你更加明白到我講嘅嘢上完堂仲可以將你今日唱嘅嘢send返俾你等你返去可以再聽自己唱嘅嘢而去練習

我想知張國榮唱歌音係咪好準 同埋點評價佢

其實去到佢呢啲層次嘅歌手,音準係一定會準嘅不如你如果想知我對佢嘅睇法,你send幾條佢live嘅you the link俾我?

我想問下我唱櫻花樹下果種假音位我完全覺係好輕鬆咁去唱
係咪代表我已經搵到我既假音位

chok聲或者壓低把聲唱歌係咪唔好架？

如果你覺得你唱得好輕鬆嘅咁咪OK囉
假音你要唱到最重要係搵到你頭嘅共鳴位置,同埋你要知道你唱上去嗰陣聲帶係一定要放鬆你可以試吓唱scale上,你會發現你本身唱到假音,亦都搵到你嘅共鳴,但當你越唱越上,就會發現到咗某一個音你嘅共鳴位置就唔可以再放上去,係果一刻開始你嘅喉嚨就會開始緊
不過當然其實唱得到同好唔好聽係兩樣野

Chok 聲我就唔係真係好明壓低把聲唱歌原理上係唔好嘅,因為咁樣代表你嘅喉嚨唔係係一個放鬆嘅狀態但係如果你真係好鍾意果一種音色,我都唔會話俾你聽係錯嘅我都話啦唱歌係冇100%正確
但係我會建議你唔好過度依賴果一種音色,即係你唔好喺你唱緊歌嗰陣,唔好成句句子都用果一種音色,因為佢係一種唔自然嘅聲如果你長期用就會失去左佢嘅獨特之處

好睇你對唱歌嘅睇法呢個世界都有好多人去學野但係並不是將學嘅當做職業例如你去健身室跟trainer 都唔代表你會玩健美你去學打羽毛球唔代表你一定要做職業選手
其實跟我學嘅學生大部份都唔係打算做歌手啦佢哋只係想磨練自己嘅技術,或者係生活上搵一個減壓嘅活動去參與

你覺得教唱歌,係同性別咁教好d
定係冇乜關係?

呢個問題就好睇老師嘅實力因為同一首歌你叫一個男人去唱同你叫一個女人去唱就算佢哋各自嘅key都跟返自己合適嘅, 但係同一首歌上佢哋某一啲位嘅處理方法都一定會有不同即係好似一個男人同一個女人去睇同一件事都有機會會有不同睇法所以佢哋係感情嘅處理上都會有不同嘅演繹當然仲有好多其他不同嘅因素但係其實一個勁嘅唱歌導師係應該識得去教男性同女性

有啲關於音域嘅問題想請教：
分別針對胸聲/頭聲想擴闊音域的話，有無咩好嘅練習方法介紹？
低音嘅音域方面又有無得點練呢？
同埋想再問下係G4及以上想加強共鳴令音色實淨啲的話，又有無啲咩技巧/練習方法

張學友震音有冇得學？

都係果句,就算chest voice hand voice都又多過一種嘅音
其實我相信大多數教唱歌嘅人練習嘅方法都離不開唱scalechest 我會建議你嘗試專心啲搵吓你嘅共鳴位置, head你都要知道你係想用真音定假音上呢樣野上面有答
至於你想高音更加實淨, 你就一定需要學識用力去唱歌但係你要明白到用力唱歌並不是代表你聲帶會緊我舉一個簡單嘅例子,你睇一啲歌手嘅live, 好少會見到佢哋可以目無表情地上到一啲好實淨嘅高音你要學識點樣用正確嘅力去支持你去上高音

張學友震音同普通震音有咩分別你首先要明白到有咩分別你先可以諗下點樣去練習如果你覺得佢嘅震音係好特別嘅, 一係你試吓去搵一條正常震音嘅片一條張學友震音嘅片然後你試吓講下你聽落覺得有啲咩分別如果你自己都講唔出有啲咩分別, 可能你純粹想學嘅係點樣唱好你嘅震音而震音係有得學嘅不過當然呢啲係一啲比較難嘅嘢我都係會建議唔好未學行先學走搞掂啲基本功先

冇任何音樂底子既人都適合學唱歌？

咁就好睇你目標係啲咩但係我就認為如果你唔係啞,其實都可以唱歌如果你學唱歌係為左之後想用音樂創一番事業,或者係認真對待音樂嘅,我會建議你去學但係如果你係為咗興趣嘅朋友,咁就好睇你肯為在音樂付出幾多如果你唔願意花時間練習去進步,或者唔願意洗錢嘅,咁其實你可以唔學
不過當然,亦都有一啲唱歌專業嘅人係自學返嚟嘅好睇你自己嘅悟性但我認為到咗某一個階段始終係學咗會好啲因為咁就可以令你接觸到不同嘅風格,你就可以從不同嘅角度去學習音樂

scale我都有練，只係想知有無其他嘅技巧可以更有助高音區嘅共鳴同喉位穩定
查實平時好少真聲用head voice，多數都係去到mix先開始加，想練高啲只係單純因為想無聊玩下聲哥陣好玩啲同好聽啲

你認為youtube上面所謂既教學影片有冇用？

其實係好靠你練習始終呢啲都係muscle memory嘅其中一種如果你練習方法係真係正確,咁其實我相信唔需要再有其他特別嘅技巧我廢事亂咁教你野始終呢啲嘢唔係三言兩語講得清楚

其實所有嘢都有用 係取決於你自己本身對唱歌嘅認知有幾深入對我來講我會分別得到佢講緊嘅嘢係啱定錯我就可以攞佢哋來做正面/反面教材所以我覺得所有嘅片都有用啱嘅就自己學嘢,錯嘅就攞嚟警惕自己

樓主唱兩嘴顯下功架？