台灣環島-烏龍遊

我踩西藏之前都有環台 果陣都覺得環台唔容易
之後冬天踩左一轉西藏就知咩叫踩山

鹽井上紅拉山等於3.5個壽卡

出post未

今晚會出埋

好波ching 諗住隔左一個月你出完
點知入到黎🤣🤣🤣

就完架黎
你黎得岩岩好

飲飽食醉就上路了 打埋最後BOSS
同阿乃爆沖返台北
今次都係由阿乃做導航帶路
咁由宜蘭返台北有三條路線
1.沿海岸線台2號踩全平路 但路程長
2.經十份(環島1線)較少車 但要爬坡
3.經北宜公路 路線最短
但要爬兩座500米高的山 幾危險
勁多重機 飛車 熱鬧過荃錦公路n倍
阿乃就揀左條路程最短ge北宜公路
本來睇google map得50幾公里
以為天黑前可以返到台北 還埋車
點知我地真係太天真
原來當地人叫北宜公路做九彎十八拐
我地大概連續爬左半個鐘斜坡就力盡
開始落車 兩條友怒漢推車
爬山同平時爬坡最大唔同係
平時爬坡係上一陣坡就會落坡
但爬山係連續50%上坡 再50%落坡
基本上全程大部分時間就係推車上山
不過天氣十分好 攰就停低影下相

紅色圈住係龜山島


傳說中既九彎十八拐

仲有個唔知咩名既水庫

就係咁推下停下 不斷爬上去
去到2點半左右 我真係頂唔住 要抖抖
阿乃體力明顯比我好
所以我叫阿乃行先
唔好等我 係前面坪林會合
於是我就自己一個人慢慢推
推順條氣又上返車踩一段
我同阿乃都係無緣份一齊踩
上次佢又漏低野 今次我又踩唔郁
踩踩下仲起霧 變到人間仙境咁

終於推到4點左右 推第一座山
開始全程落坡沖落山
一路keep住40幾kmh沖落黎
好多彎路 真係九曲十三彎咁
所以都踩得好小心
唔想係最後一段路先受傷
差唔多5點左右 我終於到坪林
阿乃坐係7仔等我 我地食d野 補給下
又再次上路 攻埋座山就望見家鄉
情況同岩岩差唔多
踩左陣 我就叫阿乃自己返台北先
我自己一個慢慢踩返台北
因為個天就黎黑 無謂一齊死

天開始黑左 能見度好低
隔幾百米先有盞街燈
e段路係我環島最黑暗既一段路
d人話黎明前總係最黑暗
但我已經無退路
唯有出盡奶力咁踩
自己一個人踩 一路唱極速
不停係咁loop
頭搖又尾擺 漂移境界
不想醒覺只想感覺被放大
憤怒瓦解 萬人膜拜
贊頌我的偉大
頭搖又尾擺 飛翔境界
不想一世只想一秒被放大
看後鏡中 便能愉快
你漸變小我強大
誰敢來表態
我剩係識e幾句
果種感覺好正 無人識你
成個世界好似得你一個咁
keep住40幾kmh衝落山

因為天黑同心急想快d返台北
我愈踩愈快 基本上落山都無點收油
終於我避架泥頭車果陣 炒左車
我成個人飛左出車
係地下180度咁碌左幾個圈先停低
定一定神起返身 出奇地只係擦傷
搵支水沖一沖傷口 再上路
終於7點幾就出返市區
終於都返到台北 回到家鄉
咁我岩岩係坪林就book左西門町青旅
所以直奔去西門町休息
本來想今日還埋車 但太夜先返到黎
唯有聽日踩返去關渡搵鳥哥還車
岩岩好第十日 我都係租十日
第9日完

DAY10 西門町>松山火車站>關渡

咁我就約左台妹同阿乃玩返日台北
所以我就要早上還車 中午會合
我見仲有時間就去左松山火車站
即係環島一號線既起點打下卡
打完卡就踩返去關渡還車
環島見得最多就係E個牌


環島起點同地圖

指定動作舉起架車

就係咁 我既環島旅程終於都完成!
返到台北果下真係好滾動
因為真係好L攰 日踩夜踩
諗起聽日唔洗再踩果種感覺
終於可以抖一抖

多謝這旅程中
每一位幫助過我的人
每一位和我結伴同行的人
每一位在路途中幫我加油的人
人們常說：「台灣最美麗的風景是人！」
這句話果然所言不虛！
沒有你們，我可能不能獨自完成這旅程
除了感謝，還是感謝！

未完待續 仲有彩蛋

有文了

全靠你地支持先無爛尾

漏左三個人未多謝
第一個係蕃茄
無佢一直沿途同我打氣
我應該完成唔到

第二個係阿T
唔係E條友 我唔會的起心肝
出E篇遊記
稍後會出埋我join阿T既一日環島
佢受我影響去左環島

第三個係我自己
多謝自己咁痴線
唔夠癲唔會即興環島

好波樓主 終於出完無爛尾

Well done 樓主
6-7年前我同朋友4條友都環咗7日，可惜蘇花封咗行唔到
墾丁上壽峠段路都好玩，最長最斜，
風景真係好靚，食嘢又平又多選擇，人又友善
好多景同memory仲記得
真係好想再去⋯⋯

終於都出完
終於明點解咁多人爛尾

人生應該趁後生要做d野令自己人生更 充實難忘 有多d回憶 等老左唔會後悔 但好多人往往因為懶而無坐言起行 你做到真係好勁

多謝你一直既支持

之前有巴打問我帶左咩出發
其實好簡單 愈輕便愈好

CHECK LIST
單車衫褲一套 (日日洗)
防風眼鏡
T-shirt 短褲兩套
速乾背心 (睡衣用日日洗)
底褲 2-3條
毛巾一條
襪 三對
運動鞋 (著住)
尿袋一個 10000
常用藥 (必理痛...)
信用卡(最重要)
我老友講得無錯
最緊要帶錢 乜7都買得到
基本上一個可摺背包裝哂
拎哂D野出黎可以摺埋


好多野唔記得帶去到當地買
頭巾
手套
防曬手袖

係 終於都出哂
不過仲有日彩蛋會出

請問樓主去之前有無踩單車經驗，我零經驗但都想試試

我反而驚踩住過馬路同轉灣 唔太識