台灣環島-烏龍遊

文呢

爛尾冇女食嫁，樓主
精精地快啲出文

咁樣咒9我

識做啦

同阿光玩過幾多次屎忽？
between，文呢

吊 出文仲難過環島
奉勸環島巴打出文前
三思呀

吊 講呢D
黎緊仲有個阿兵哥

今晚出

爛尾食唔到女！
今晚唔出文比人玩成世菊花

洗唔洗咁毒
依家打文啦

Lm!!!!

DAY7 台東 > 關山 > 玉里

話明我琴晚9點半先到青旅
第一次咁夜先到目的地
踩到尾聲 我發覺架車又有D怪怪地
無錯 你無估錯! 又爆肽啦 DKLM!
不過今次有D新意 今次爆前肽
無計啦 頂硬上 踩到青旅再攪
去到青旅 擺低架車 狗沖出去搵食
點知又再次中伏 間青旅唔近市區
得返間7仔 估唔到夜晚都要食7仔
食飽飽 沖個涼就訓了 攰到甩碌

訓到第二朝8點 食個早餐
琴晚上網發現台東有間捷安特
出發推架車去附近果間捷安特
保養下架車 順手換埋條前肽
今次都醒水 叫老細幫手搵真D
都係無發現ge 好可惜...
整完架車 換完條肽 拿拿林出發
今日都成90幾km要踩 9點正式出發!
一直沿住台9線踩 台9線係山路黎
所以好多上落坡 不過風景都幾靚!



大概踩到11點左右 天氣好熱
我就去左間7仔食d野 抖抖暑
狗狗都好熱 一齊抖暑
我仲比左d水佢飲

抖完又繼續上路
踩左半個鐘到 終於見到鹿野
唔知點解 我第一時間就諗起
鹿島條野

一口氣沖左落山就見到個部落

應該係舊時原住戶留低ge建築

都幾特別

影完相 繼續向關山出發
打算踩到去關山食lunch再卜青旅
時間黎到1點左右 開始翻緊山
翻埋座山就會到關山了
點L知係E個時候 我又遇到環島惡夢
你估下係咩? DKLM! 岩呀 又爆啦
條前肽又爆 今朝已經換埋
最後一條士啤肽 我仲要無買
心諗都爆左4獲 應該唔會再爆啦掛
諗住偷雞唔買啦 點知就奶哂野
人! 真係唔可以心幸僥倖!
上得山多終遇虎 爬得山多終爆肽!

爆肽黎講 我可以算係專家
我可以形容下爆前肽 同 後肽既分別
爆住後肽踩 你會鄧到屎忽開花
爆住前肽踩 你雙手會鄧到有柏金遜
最近既單車店就係關山
我距離關山仲有10幾KM左右
e個距離話近唔近 話遠唔遠
如果踩車 我諗半個鐘就到
我平時跑10km 大概55分鐘左右
今次我要推住架車行
真係唔知要幾耐先到
我仲要未食lunch
無計架 馬死落地行 荒山野嶺
你可以點? 咪接受現實落車推lo
e個時候我都好sad
但係我相信天無絕人之路 正所謂
山窮水盡疑無路 柳暗花明又一村
正當我推左10幾分鐘
我發現山上有間機車鋪仔
我就好似係沙漠中發現甘泉既人咁
狗沖去搵人幫拖啦
點知一間機車鋪又真係有單車肽賣
我只能說今日係大奇蹟日
仆你個街 個老細竟然吊高黎賣
我足足比多左一倍錢
2舊水台幣收購條救命肽
老闆你好野 我記L住你
換完肽 我又重生啦
我真係個天選之人

打住咁多 聽日繼續

乖乖哋出文咪冇事囉

想睇

就係e塊小小既鐵片
整爆左我兩條肽 DKLM
今次終於記得影相
上次果塊一掉落地 搵唔返

搵完肽 拿拿聲再出發
時間黎到2點幾了 又未食飯
高速衝落山 鏟去關山
係落山既路程中 我遇到
一位老伯 佢身穿黃衣
踩住架普通單車 竟然追得上我
我當然不甘示弱 同老伯鏈返轉
老伯竟然吊住我尾
我只能說 阿伯有料
邊踩邊同老伯吹水
原來佢係本地人 都係環島
都係踩去關山 即係同路
老伯問我幾點踩 我答9點先開始踩
佢話太晏了 佢6點幾就出發
9點太陽已經好曬
佢叫我早d出發 老伯又袋錢落我袋
其實佢講得岩 8月份 9點真係好曬
早d出發係正確 畺真係愈老愈辣

同老伯踩 時間過得好快
斬下眼就到關山了
老伯去7仔補給下 我同佢吹多陣水
吹左陣 有班黃衣老伯踩住單車過黎
原來佢地係一團人環島
成班人平均年齡50up
望住e班老伯 真心覺得佢地好勁
我諗我咁老既時候 未必做到
老伯們 你們真是太屌了！
吹多陣水 我就去搵食了
老伯仲話我挑食 唔食7仔
咁我難得黎到關山
咁緊係要試下關山便當啦
同老伯們道別 我叫佢地要加油


咁我就去左關山車站附近
買關山便當食
原來本地人好興買上車食
而且間鋪就係車站格離 好方便

唔知係咪太肚餓 我覺得好L好食
食飽飽就去格離打埋卡

阿伯識玩阿，我都會早啲出發，6點前起行到中午最晒果陣抖耐啲

薑都係愈老愈辣
我都想早d出發
日日都訓到8點先起身
9點出發差唔多啦

飲飽食醉 大概3點半 出發!
踩踩下就到左池上啦 天氣唔錯

黎到池上點可以唔去下伯朗大道
伯朗大道附近有一棵金城武樹
我見今日進度唔錯 就去左朝聖下

沿住條路踩入去 見到愈黎愈多人
睇黎係個旅遊熱點黎
同埋好多大陸人 唔好問我點解知
佢地係大陸人 唔係台灣人 有陣除

其實我無睇過果套戲

影完沙龍 hea左陣就出發啦
往今日目的地玉里進發

一直沿住台9線踩就到左東里
過埋東里就好快到玉里
途經d山 發覺好多墓碑
天就快入黑 所以開turbo踩
當我就快踩到玉里既時候
突然發覺好多風沙吹埋黎執面到
好彩有戴黑超同口巾 唔係就入哂口
停一停低 又發現無哂
原來係地面好多沙石
當我踩得愈快 d沙就會迎面吹埋黎
就係咁 我冒住風沙就踩到玉里

玉里係個幾鄉下既地方
直頭無青旅 酒店 得民宿
擺低野 沖個涼 就出去搵食
問民宿老闆娘有咩推介好食
佢就叫我一定要試橋頭臭豆腐 玉里麵
玉里招牌黎 咁我就mark低哂
今日突發好有靈感 好想去鋸扒
諗住去附近間牛排店拆餐勁
點知佢今日公休
嬲嬲地 去過玉里火車站附近
打邊爐豪食

食完 飽到上心口
去格離車站打個卡 去買臭豆腐 麵

點知去到間玉里麵 竟然又公休
唔通連個天都唔鐘意我
算 去買橋頭臭豆腐返去食

終於返到民宿慢慢嘆
係大廳見到個台妹 緊係聊下佢吹水
順便請佢食豆腐
吹左陣水 有個台仔走埋黎
原來佢聽到我環緊島 佢又係
佢叫阿乃 當緊兵 係個阿兵哥黎
重點係我地都順路 聽日去花蓮
即係聽日又有同伴一齊踩
同阿乃約左8點出發
DAY8完

繼續留名

有興趣環島
想問樓主預10日會唔會太趕?
租車係咪都建議租返MTB?
利申:踩開RB

10日會幾趕架
環一圈大概900幾km
變相即係每日要踩~100k
所以都幾走馬看花

環島建議踩爬山車 多爛地