台灣環島-烏龍遊

我咪就係踩山路車

我個陣都係踩山路車
不過雖然辛苦
但就幾安全既
個陣上親斜都上到懷疑人生

我2年前都環過島 但係有d後悔冇踩蘇花 巴打加油！個人認為嘉義去到墾丁段係最正

同埋見到堆狗一係就兜路 一係就同佢鬥快

我都無踩到蘇花
有無去食嘉義雞肉飯

壽卡條長命上斜
一生難忘

山路車號稱無咁易爆軚
點知

繼續追……如果唔爛

有！個人認為係個trip入面最好食嘅野

有你支持就唔會爛尾

佢有兩個流派架
咸同甜 個人鍾意食甜多d
勁好食

終於去到青旅 間野叫竹豐旅館 都唔錯
擺低哂野 沖個靚涼就狗沖去食野
第一日就一波三十三折
咁就緊係要食好西賀賀佢 慰勞下自己
結果係附近搵左間一人邊爐叫石二鍋
間野都唔錯 而且好抵食
成台野都係200台幣 十分推介

食飽飽 再去附近夜市買宵夜返去食

食飽飽就去左買野
買咩呢? 就係太陽油
哂左成日先發覺自己無準備太陽油
但我已經哂到成舊炭咁了
哂到成舊炭都算 仲要哂傷埋

我返到青旅 留意到大堂
擺左架爬山單車 而且有馬鞍袋
我就知道我遇到同路人
咁我就問Reception 原來佢同我同房
我返房果陣 就聽到有人講廣東話
今次真係他鄉遇故知
咁我就好大膽地同佢搭訕
問佢係咪都係環緊島呀
唔知點解人在外地 就會大膽好多
我係香港絕對唔會主動同人搭訕
傾左一輪 原來佢都係環緊島
不過佢就由高雄出發 順時針踩
佢就已經踩到尾聲 踩多兩日就到高雄
我就先岩岩出發 第二日
咁我就好大膽咁邀請左佢聽日一齊踩
因為大家個行向都一致
不過路線未必一樣
佢都好爽快咁答應左我一齊踩返段
我地就約左8點集合出發

佢叫阿光 係個澳門人
我一眼就睇得出佢係個澳門人
點解? 你地睇圖就會知
雖然今日好黑仔 連爆兩次軚
但上天又比個伴我一齊結伴同行
實在太好了 我又再full power

出發前同阿光整返張合照

Lm

啱啱上個月踩完環島返嚟
都係逆時針 都係去揾鳥哥
留名繼續睇

個人認為蘇花辛苦過壽卡
因為佢有幾耐係上完落勁多之後又上
好似玩緊過山車咁 不過要你自己踩
壽卡我同個frd行左條當地人介紹既小路
快好多但亦都斜好多
個斜度係人一唔傾前一定會pk

未踩過蘇花 比較唔到
但我返台北果陣 行北宜公路
要翻兩座山先返到台北
果到真係甘
甘在上山都係要不斷爬坡
一半爬坡 一半落坡
爬到頂唔住 要落車推車

多謝G 持

前幾日環完返咗黎

留名支持

我都係行嗰條小路，又係當地人介紹，推到pk

但快好多

怒漢推車

今晚會更新 每日一篇

北宜夜晚

DAY3 新竹>台中>鹿港

咁大概8點到 我地就出發了
今日上半場目的地係台中市
距離都成80-90Km
希望阿光可以carry下我 踩快d
一路踩 一路同阿光吹水
有個旅伴係真係唔同d
起碼沿路無咁寂莫 有人吹下水先
咁踩左無耐 個天已經陰陰地想落雨咁
點知真係落雨....但又唔算好大
所以我同阿光著件雨衣又出發了





踩到差唔多12點 去間7仔補給
食d野 抖一抖 我就叫左關東煮同蕉
食返d熱野 保保暖 補充體力
因為岩岩落雨關係 踩得唔多
所以我同阿光決定晏d先食午餐
爭取時間趕路



食完就繼續再上路！
踩踩下 終於都停雨 仲出太陽
個景幾靚


我地沿住台13線踩去台中
咁成條13線都係公路黎
基本上都無乜景黎
好彩e段咁沉悶ge路段有阿光一齊踩
公路有樣野衰就係
踩極都好似見唔到盡頭咁


踩到2點左右 終於見到間麥記
方圓百里唯一一間餐廳咁
所以我同阿光決定食麥記算數
估唔到黎到台灣都要食頹麥
不過成條公路搵到間麥記算係咁了



食飽飽叫阿光幫我影幅沙龍再上路



阿光今日GE目的地係台中市
而我就諗住踩遠D 追返琴日落後進度
所以我地踩多段就要分開...
我都好珍惜剩低既路段
因為一個人環島真係好孤獨
無人同你傾計 只係不停咁向前踩
好慶幸可以遇到同路人 一齊踩一段路
終於踩到5點到 我同阿光終於要分別
我就係環島第三日 開始無耐
阿光就係第八日 就到終點
希望阿光餘下既路段都一切順利
香港人係台灣遇到個澳門人環島
E個機率係幾咁細
我同阿光交換左聯絡方式
影埋張沙龍就分開了

追到live
支持支持

留名,準備7月去