[長氣多圖][不爛尾] 南北海道溫泉之旅

DAY2 金森紅磚倉庫 五稜郭城

由寶來町行番落去十字路
中間會見到五島軒

大概係函館既花園餐廳之類
係五稜郭塔都有分店

架電車幾得意


完全唔知阪本龍馬同函館有咩關係

係呢度仲有個龍馬館

隨街可以見到既熔雪劑


紅磚倉庫就係附近
中間竟然有架完全唔關事既英國巴士


紅磚倉庫


其實只係幾個商場咁解

係入面坐低食左杯意大利雪糕


都唔錯

老母成日口UPUP話夜晚唔上山
但一場黎到
唔上山就好似無黎過函館一樣
上次去宮崎已經無食宮崎牛
我唔可以比呢件事發生兩次
為左說服老母
就用左呢個牌黎說明

貴為米芝連三星景點
係函館最頂端既地方
然後老母開始覺得我好撚煩
最後佢上啦上啦咁妥協左

呢度附近都有兩間小丑漢堡
一間海邊大既

仲有一間好細間既本店


斜路上面係舊函館公民會所

不過老母話好多雪好似好冼咁唔上啦


坐番電車換過支WIDE鏡就出發去五稜郭
其實成件事係有D怪
我係去完十字路
然後去五稜郭
最後再番十字路上函館山
不過為左要同一日睇到五稜郭點粒同上函館山睇夜景
就唯有搭多D冤枉車啦

電車上面有好似小學雞咁介紹日本幣值

係五稜郭公園前站落車
再行十分鐘左右
就會見到呢座塔

轉番支WIDE鏡
就算企係塔下面
都可以影得清清楚楚
格離又有間小丑漢堡
緊有一間係左近

五稜郭塔要等再夜D上
首先去左五稜郭公園先

五稜郭城

其實外國好多堡壘都有上星形設計
之後去聖彼得堡都有一座

護城河上面結左一半冰

而地下就半白
係塔上面望番落黎個效果應該會唔錯

箱館奉行所

即係好似其他名城既本殿之類咁
黎到呢度既目的
當然係為左100名城個印啦
然後先至突然間醒起
我無帶到本書黎日本
當堂嚇一跳
然後得啖笑
算係好彩因松前城冬天唔開所以無PLAN到
今個行程只係得一個五稜郭城

雖然話係塔上面望落黎會好靚
但其實五稜郭公園入面都唔錯既

仲見到北陸特色既雪吊

座塔係公園入面幾時都咁顯眼

奉行所

500YEN入場
雖然無書仔給唔到印
但一場黎到都係入去轉個圈啦
之不過出面公園地下周圍都係雪
仲要係濕果隻
入到去除鞋先又醒起對波鞋其實入晒水
隻襪濕濕地真係好尷尬

入面係靚靚仔仔既





仲有些少介紹

世界各地唔同既五星城堡
日本其實仲有座龍岡城
上次去北信越果時已經PLAN過去
可惜走左班JR趕唔切放棄左

而係呢度
亦都發生過一場箱館戰爭


但就已經同戰國時代無關
係比較近代既內戰

見到個印
又提起我件傷心事


入面仲有類似金澤城咁比你玩下砌積木
而家去下呢D殿院有時都會向上望下橫樑設計
其實都幾有趣


太陽開始落山
天氣開始凍
人都開始少左





因為河面已經結冰
租船公司已經無開

又終於係時候上五稜郭塔
因為五點半五稜郭城就會點燈
係塔上面睇就會更加靚
而且五點鐘打後上塔會有九折優惠
時間黎講係岩岩好
室內同室外溫差真係好遠

五點半開始既五稜星之夢

點燈只係去到二月底
所以落機直落函館既選擇係無錯既

五點後既九折優惠

全日本高塔聯盟

發覺自己都唔算去左好多座

入場會係張飛到打窿

而個窿又係星形幾得別


五稜郭塔景觀好開揚
天氣好望乜都好

咁岩仲有夕陽睇

然後就霸位等點燈





點燈之後雖然無想像中咁光
但都已經好撚靚

六點鐘
成個函館已經著晒燈


岩晒一陣上函館山

觀景台有兩層
下面有玻璃可以直望底部

不過唔算太清楚

臨走前影多張

已經黑齊晒

外面睇座塔都著左燈

係塔外面食埋味彩鹽拉麵先上山

可能時間早
人唔多
我自己食沾麵

屋企人就食其他唔同既




不過就無想像中好食
北海道D拉麵好似都係差少少咁

續

好似係坂本龍馬後人拿左佢的物件去函館姐

無理到5點後平飛, 4點幾上左去, 不過我一個人去, 差幾十円就算啦..

個玻璃底係有日光果時望落去好清下

無入到去

咁早食
未肚餓架嘛
諗坐落山好多野都收工
所以吃完上山

最主要原因係五點半先點燈
唔想咁早上去

又黎啦

係
以後仲有幾轉

五點半開始既五稜星之夢

點燈只係去到二月底
所以落機直落函館既選擇係無錯既

本身上次去函館miss咗五稜郭夜晚亮燈
諗住遲啲去覆桌
好彩睇到巴打張相 原來到2月
夜晚好靚

樓主啲遊記一直都係我既廁所讀物

好臭呀

Lm

笑撚死

DAY2 函館山

函館一日遊既終點
函館山
因為炒左好多相
其實就只係得幾張可以見到下人
雖然都係垃圾級

最後都係迫左老母上山吹風

由五稜郭公園坐番電車去十字街
感覺就係不停咁來來回回
但原來由十字街站去纜車站呢條路係一條大斜路
比起去舊公民會所果條路斜好多
好後悔叫左老母上黎
不過好在佢地勉強都行得到上去

終於到達纜車站

1280YEN入場費

大約係八十幾蚊港紙
日本頂級夜景
但比起有珠山同藻岩山都要平

六十周年


貴為日本自稱既舊三大夜景
其實已經想見識好耐
係想知道佢到底吹大左幾多
同香港既距離有幾遠

大概係函館最出名既地方
所以纜車十分鐘就有一班

人夜已經無人既函館
有唔知幾多成既遊客都迫左上纜車站
係多人到痴線
就算只係十分鐘一班既纜車都可以塞得爆

來來回回都係咁多人

上到山頂入目既係室內版既夜景

但都已經可以嘩出黎
因為距離好近
成個夜景真係好靚
如果香港係一百分既話
函館起碼都有八十分
咁真係無吹大到既

頂層露天展望台既地方唔大
仲要有一部份地方因為積雪封左

只係得個半月既空間比你影下相


但係風好大
企左陣老母已經話頂唔住要落番去
係度影左一陣我都番落去
番到去發現幾乎全炒
12MM全景係得一張

另外一張24MM已經衰左

其他就廢事貼出黎

真係玩左半個鐘左右就走


上山試左條大斜路
落車無謂再要兩個廢老辛苦
坐的士番JR站
JR站係B1層
一早已經有幾架等緊
其實函館好細
呢程車900YEN都唔細
除番開都係同坐電車差唔多價

點解唔係番酒店而係去JR站呢?
因為第一日落車果時見到函館站對出都有點燈
但因為拎住行李要搵酒店無理到
到食完野見到已經熄燈
所以最後一晚就黎轉多個圈

雖然只係個規模唔大既點燈




但用黎做甜品收尾都幾好啦

DAY2 完

函館山

巴打去稚內同富良野諗住點plan行程?

靚過新三天一千萬倍
如果上次有上摩耶山可以對比下