[長氣多圖][不爛尾] 南北海道溫泉之旅

冼

話說打上去信用卡話要book車就得啦？
定上咩klook訂車去機場

見到有d工作人員行黎行去
佢好似淨係寫冬天封閉之類

要兩張單之內碌夠3k先得
同埋佢要預至少五個工作天
首先打比佢
佢會send份form你填
之前再確認
到當日會有sms比架車d資料你
到時再同司機約

Klook貴好多

留名參考
準備今年帶老母去北海道玩
1月帶左佢去關西浸溫泉 返黎聽佢同親戚講真係幾感覺良心

成日同其他人唱個仔帶左佢去邊

更新未呀樓豬

係
去完一返黎就同我講下年仲想去多次食松葉蟹浸溫泉

拜山好累

我都想去城崎
可以順道去埋天橋立同竹田城

下...我2018 年都係冬天(2月) 去咋喎....

DAY3 大沼國定公園

原本係PLAN過由函館直去洞爺既
咁就可以搭得到冬天先有既洞爺湖巴士
同埋可以去埋筒倉展望台
不過望下望下大沼公園好似仲吸引
因為國定公園呢個名好似幾勁咁
就二揀一放棄左筒倉展望台

住左兩晚東橫CHECK OUT直接寄行李上札幌
咁就可以輕裝出發洞爺同登別兩個溫泉
估唔到四件行李都係四千YEN左右
以後自己一個寄都要成千幾兩千YEN

今日早餐好似好左些少
但係仲係有款野係度

因為一陣要行公園
所以比尋日食多左

呢兩日住既東橫INN


又番去函館坐超級北斗出發
舊函館站就係函館站門口

函館站雖然唔係新幹線站
但都幾新淨


不過比起札幌同旭川都係細些少

一過閘就比人問有無預約
仲以為咩事
點知佢拎晒D飛去手寫改位

個原因唔知係咪佢改左架超級北斗既卡數
總之就係改左
因為好重要
仲將我地個位重覆左兩次

超級北斗

個個都拎住行李GIP


坐半個鐘特急就到左大沼公園站

門口D積雪堆到仲高個人


公園門口有電動單車租

不過應該無咩人會踩雪地

大沼國定公園

個範圍都幾大
之前無諗到入黎做乜
最後就係入面轉左一大一小兩個圈

今日氣溫有兩度

真係一D都唔凍

話說我地都係九點半已經到左公園
但已經見好多旅行團係度離開
到底佢地要幾點黎到

又係咩新日本三景

真係唔知日本到底有幾多景

前面係冰上雪單車
而後面係觀光車

差別係前面自己渣
個圈會兜細左
後面係齋坐
但個圈會兜大D
一樣都係每人千五YEN

其實就唔係話好多人玩
個場面就冷冷清清
偶爾先有一兩個人玩

個風景就OK既

架車渣到出去佢會封左個入口比你係入面轉兩個圈

我同細佬就一人一架電單車

唔洗牌都玩得

試過直路開到最盡都唔係話好快
都只係會CHOK左下
係唔收油轉灣會有D驚
不過因為開太快
好似玩左幾分鐘就玩完果兩個圈

出賣細佬系列

事後SELL我地買相

本身就唔撚想買
但老母死都要話買

咁除左玩電車單
就行左一大一細呢兩個圈

大島之路同島巡之路
但係基本上就因為結左冰無湖境睇既

大路之路其實都好細
唔算多野睇
最多人就係呢個打卡位啦

除左睇到後面座駒岳
仲可以見識到呢班ON9有幾威
好想成架電車單炒埋去

同埋仲有D僅餘既雪雕




再行下見到有人坐係冰河上面

睇真D原來係度釣魚

個費用完全唔識計

不過坐係冰上面感覺好似好危險咁

已經無用既觀光船

呢度基本上都係雪地

無咩可能玩到電動單車掛

細圈佢寫大約廿分鐘左右行完
咁行下影下相都只係用多少少時間
咁見仲有唔少時間就行埋個大圈佢
大圈睇錯左時間以為只需要30分鐘
點知原來係50分鐘
而且果個只係平路狀態
所以呢個島巡之路花左唔少時間
差D連LUNCH都食唔到

大圈入口

呢邊D雪厚好多

好多位一野踩落去先知中伏

同埋呢度好多橋


D雪完全蓋過條樓梯

要咁撚樣先落到橋

繼續出賣屋企人系列


呢架就係觀光船

比起電車單個範圍大D
仲有個指定影相位

會停係果幾枝柱度
然後上個島仔影張全體照

其實真係好少人玩電單車



本身都有D興趣係呢間公園深處既餐廳食

點知睇下電話發覺係度花左大多時間
無時間可以優閒咁食個LUNCH

所以要加速走人係車站附近解決
因為入黎果時有間雪糕店派左張優惠圈
就一人買左杯雪糕


點知番到車站先見到架餐廳比團體包左場
又番番賣雪糕既解決埋個LUNCH
簡簡單單食一餐算

就燒麵燒烏冬同兩個飯都叫晒




見仲有少少時間
去埋呢間沼之家

呢個丸子好出名

豉油味好怪唔好食

但係紅豆就唔錯

車站門口見到個職員囡囡要剷雪


慘慘豬
好想幫手剷埋一份

車站仲見到有呢種紀念飛賣

170YEN幾得意

原來全北海道既車站都有得賣
全套101張
介紹唔同既車站同城市
每10張仲可以換一張列車特別版
作為一套宣傳紀念品係真係幾吸引
真係令到我都有少少想儲晒佢

續

應該係近排先有D野搞姐
我見都有人一月果時去得到

LM

我都想幫佢手鏟雪

無你份呀

想吓都唔得

上次大沼公園架北斗指定席滿哂，反而自由席任坐！

我mark左
你行開d

成日都有呢種情況出現
個個都走去mark晒位

冚家鏟雪齊種樹