[長氣多圖][不爛尾] 南北海道溫泉之旅

想像唔到
淨係睇相都覺得麻麻

個gag係乜？

係地d對話

關羽

呢一篇應該係尾二篇
寫多一篇就可以完
原來諗住可以更快寫完佢
結果到最後都係會慢左落黎


DAY7 旭山動物園號 旭山動物園

話說前一晚係小樽LETAO買左個芝士蛋糕
留番今朝既早餐之用


個包裝係幾靚仔


當時唔知原來香港有得賣
淨係覺得好好食
所以係機場又買左盒香港當手信分比同事食

然後終於要離開札幌
睇過天氣報告
層雲峽果邊應該起碼都負十度以下
所以最後一日既行程就全副武裝咁著去
特登買既羽絨都終於都有出場既機會

因為聽日會直接係層雲峽番機場
所以要拖住行李走難

係札幌見到個廣告

原來白之戀人公園都有點燈活動

屋企人話個早餐唔係好夠
買埋個便當上車食


動物園號冬天版本係12月果時已經完結左
而家係相隔兩個月之後再開既第一日
同埋係星期六
好似都幾多人搭咁

專用等待區

等等下就有工作人員到時
連埋隻北極熊一齊

佢隻公仔好得意


旭川動物園號
其實只係超級北斗改左綠色

同埋有個海天使圖案

而本身真係有動物圖案既動物園號
已經係一年前已經停駛左

除左第一卡之後間隔基本係一樣
有行李位


用北海道PASS BOOK左第二卡第一行位

不過好多人係咁出出入入車頭影相
真係係有D煩

使當


比起平時果D好食少少

今次車程將會離開道央
往道北出發
窗外就一直處於白雪雪既狀態



動物園號只有第一卡係有動物圖案


好似唔知有九隻



同埋有隻北極熊同你影相
雖然成個感覺好奇怪
但作為一個觀光列車發燒友
影就影啦


架車去到尾段就會派指定席限定既乘車紀念證

頂你只係一張鳩流流貼紙
又無印仔給
如果SEND相上IG
仲會有禮品派
不過全日第一班既呢架車無份

由札幌坐到旭川
全程個半小時都無
落車仲要同時間競賽

0955到達旭川
1005就有巴士出發動物園
要係呢十分鐘內拖住廢青廢老去放好行李
都唔係一行易事

雖然話有LOCKER
但一見到觀光案內所話有行李寄存咪過去LOR

丫
點知你又搵個大陸仔黎同我地講LOCKER爆左先肯收
咁咪算LOR
又要長氣解釋
時間本身就已經無
真係夠啦
即刻出番去搵LOCKER
集得四條LOCKER鎖匙


到出番去巴士站已經排包尾

不過假期有兩班車
打爆左第一班巴士
第二班仲有位可以坐

又坐多半個鐘巴士終於到全宇宙最出名既旭山動物園

入場券只需要820YEN

即係港紙六十蚊唔夠
完全唔係正常價黎

如果住朝雲亭既話
佢架接駁巴士係會有動物園東門呢個站
但拎住GIP行去東門呢個動作真係好痴線
而佢係旭川既等候時間係特別早
所以放棄不了
最後揀左層雲閣
兩點半係旭川開車
時間上都算係咁

正門門口都叫做有一排LOCKER

但首先要拎到上架會滿座既巴士




入場時間大約1045
而企鵝遊行係11點鐘
所以一早已經有好多人霸晒位

我諗全旭川遊客係呢度既比例應該仲高過函館山

巴士就無咁快有車
但後面就一直都有人入黎

簡直就係無窮無盡


由門口行到去企鵝遊行個場大大話話都要十分鐘
我自己覺得就大過登別果度好多
但價錢只係登別既一半
好痴線

越行就越大雪
終於可以感受到漫天風雪
不過今次著晒羽絨
完全無難度

靚位就一早比人霸晒
只可以係D窿窿那那搵位
都叫做影到相既



拍拍下相帶頭隻大佬竟然玩插水

後面幾隻仲撞埋一齊


同登別唔同
佢企鵝唔會走回頭路
行完上路就會行下路

然後成班人又要走位

我就繼續係欄杆上面影算數

又埋位

今次帶頭大佬換左人



咁話說影左兩次都仲未完
企鵝行得慢
仲有好多人係後面影
而前面佢地番屋企果條路仲有位淨
終於搵到個靚位可以影

我只係部相機出左去
個人絕對係紅線入面



唔識睇佢D毛係岩岩甩定新既


之後就真散場啦
成個動物園D人好似無左一半咁
我有理由相信佢地全部都係NPC黎

因為去層雲峽架巴士兩點半開車
所以我地就要坐1310班巴士番旭川
即係大約仲有個半鐘左右可以係動物園入面參觀


我印像既長頸鹿應該係熱帶動物黎


成個感覺好似虐畜咁

仲有多多利



噴屎河馬




個室內場臭到痴撚線

彭彭?


天空展望台

不過積雪厚到顛唔比上

海唔識串




呢度都幾多太陽能板

企鵝同北極熊終於可以相遇


好似會食海唔識串


呢隻貓好串

而佢鄰居已經死左






白雪雪呢隻本身唔知咩黎

睇番佢個室友先知係貓頭鷹

隻野望左一眼就另轉面

然後好似恥笑緊係咁


越近東門就越多猛獸


好似仲有獅子
不過離開正門太遠要番轉頭
同埋向住東門條路一直都係上斜
番轉頭落斜好難行
成日都聽到尖叫聲

最後又以企鵝黎作結



咁旭山呢個動物園真係正過登別海洋公園太多
可惜要去層雲峽
時間就得咁少
拜拜啦

急行巴士但係畫左架新幹線


大概係架巴士早左番旭川
多左少少時間可以係AEON食個快餐解決

KFC同章魚燒


廢老就食DELIFRANCE
全部都係無咩北海道特色既食物

拎番個GIP就去呢個層雲閣旭川營業所等上車

一去到個阿叔就問我地屙左尿未
當堂嚇一跳
然後得啖笑
原來已經差唔多時間可以上車
不過由上車到開車係連問都無問過我地個名
即係隨便都可以上架旅遊巴

層雲峽溫泉應該係串咀野黎
入住溫泉酒店要比入浴費係好正常既事
但係層雲峽由上年4月開始就將入浴費加價

係加成67%呀
想請問層雲峽溫泉有咩咁特別呢

續

痴線動物園都咁多遊客

北斗係柴油車
呢架Lilac就係電車 所以唔同色
就算唔係動物園號都係綠色 (或者有一款係銀色)

動物園號唯一就係封左個Green Car比你影相咁大把

你講北斗個部用KIHA183改既個部已經退左役；而家用既係789系0番台，銀色個款係1000番台，同埋唔知聽邊度講話呢款車係行車最靜既特急列車

同埋架LILAC動物園號就算吧喇

為左睇企鵝

竟然係唔同

呢架車真係無咩feel

完全無
JR北真係

北海道D特急
kiha261 281 283 同 789系
全部都差唔多樣

高運轉台

流冰物語號，sl濕原號，富良野小火車呢d呢？
遲d諗住坐

就完啦

學下九州搞觀光列車..

之後你又飛鳥