[長氣多圖][不爛尾] 南北海道溫泉之旅

推

等多陣

Reported

DAY6 場外市場 大倉山競技場

話說場外市場係好似有專車接送
不過要前一晚五點打用酒店打電話去BOOK
尋日夜晚前都未得閒去酒店
所以都係要靠自己

老母話佢一朝早晨運好撚醒行去左地鐵站
咁出門口就比佢帶路
帶下帶下都仲未去到地鐵站
就去左個咁既地方

原來叫做舊北海道廳
都幾多遊客

呢個唔知咩空間出年4月開張
舊北海道廳都算有個庭園

而背後係植物園
所以呢個範圍都可以行一段時間
不過我一黎就無預定要去呢個地方
二黎早餐都未食好撚肚餓
所以影左幾張相就繼續搵地鐵站出發場外市場

又番番去條地下街


橫掂都行遠左
直接係大通站上車
咁就唔洗轉車坐東西線直去二十四軒站
因為今日應該會坐好多地鐵
所以買左1 DAY PASS

平日830YEN
如果假日既話
張PASS仲會減價
仲會有電車PASS賣

坐左幾個站就係二十四軒落車

感覺好似無乜人咁

一出地鐵站就見到大大個牌

呢間好似係場外市場最大果間
見場外市場間間都差唔多分
就因為呢個廣告決定去呢個北のグルメ亭

由地鐵站行過去大約都要十分鐘左右
然後就見到場外市場

比起二條市場大
起碼兩邊街道都有商店

所以見朋友都係推薦呢度多D

唔睇咁多
因為決心黎食早餐
所以即使入左北のグルメ亭

入面都幾多人
除左餐廳
仲有市場賣海鮮


呢隻巨蟹成3.7KG

賣成五萬幾YEN
應該成家都夠食

餐廳門口就貼左好多名人
山下久智
反町隆史等等都有
餐廳都幾大
可能朝早唔FULL

因為做遊客生意
餐牌都係大大隻中文字

其實有諗過食個全海膽飯
但咁又會無得食拖羅
猶豫左好耐就叫左呢個拖羅SET

老豆同細佬既



老母食白飯

早餐黎講真係幾豐富
但係唔明佢點解係熱飯
成個感覺就有少少怪咁

食飽就周圍行下睇下
個大蝦就比人整穿左

一定係支那人所為
除非唔係

下一站係北海道神宮同大倉山競技場
咁個北海道神社就算易去
就係地鐵站出面
但係大倉山就要坐巴士
然後行上山
好似好難去腸
見到場外市場有幾部的士等客
就直接轉地點
直去大倉山先

唔坐的士上去都唔知
原來巴士站係山腳
要行一條長命斜先會到
由場外市場到大倉山兩千YEN都唔洗

落車見到的士站都叫做有架的士係度等客
都比較安心回程既安排
如果唔係就要行落山坐巴士

札幌雖然唔凍
但大倉山都幾多積雪

條電梯又幾靚

一上到就見到跳台

白雪雪好靚仔
因為香港無雪落
成世仔從來未見過呢種運動場
成個感覺好型

再睇清楚D人到底係度圍觀乜野
原來真係有人滑落黎

仲有計分

真心幾有型



雖然幾特別
但係上山D吊車仔都比運動員霸住左

意味住我地今日上唔到頂

大倉山地圖

原來我就諗住用札幌SELECT張PASS上頂
而家上唔到頂
唯有入去個冬運館睇下

新三大夜景

睇過函館夜景就覺得呢個係笑話黎

個館就無乜人

都係介紹下跳台滑雪呢種項目





香港大概每屆都係得一兩個運動員參加冬奧
所以我自己都好少人去留意

原來下屆係支京舉行

大倉山跳台比起電視塔矮少少

入面都幾多野玩下

因為無乜人
職員都好熱情叫我地試下
玩左呢個要左滑右滑既

因為無人玩
我呢個已經係紀錄黎

仲個曲棍球要守門既


話說除左我地之外
成個場就係得呢幾條女

佢地玩得好HYPER

係咁左右左右咁叫

因為上唔到山
求其影下山下面就算數

好在下面仲有的士
唔洗碌落山

續

有無同日本妹一齊玩？

我都想

肯定扮冇㗎

你估我係你咩

又屈

場外感覺係好過二條

人氣都多d
海鮮又多d
二條如果唔係近都可以唔洗去

樓豬Rich到....

唔好比人呃到呀

講咗幾個世紀都冇人信我

我信

唉巴你出埋個遊記先再研究你下個行程啦

其實得番兩日行程就好快寫得完
但呢幾日好多野做

同埋研究緊出年去白川鄉點燈

樓豬真係冇腳既雀仔唔會停

你仲爽

我冇飛喎

仲講

作為忠實讀者既我興過火屎

大倉山好撚靚