背景：本人係一個多汗症患者，由細到大都多手腳汗，但未到古巨基隨隨便便都滴汗個種，最多考完試整濕一張紙巾。
2018年2月，右腳突然生咗粒嘢，懷疑係疣定雞眼就去咗睇d門診，比咗支藥膏我，用一次之後，成隻右腳腳掌腫咗，入醫院住咗四日。
之後每隔個半-2個月就會生一次，第二次都係腫，由第三次開始，我自己整穿粒嘢，放d膿，再消毒包好，就冇再腫過，但都好麻煩，耐唔耐就有傷口係腳，踢波都踢唔到。
醫院驗過d膿，種唔到菌，根本唔知係咩嚟。亦自己去過tst睇一個幾有名嘅皮膚科專科醫生，睇嘅時候咁啱隻腳係無發病，所以佢都係靠睇相話我似係蜂窩性組織炎，至此，我已經覺得西醫係幫我唔到。
去到十二月，今次發病個粒嘢比較大同好似嚴重d，所以我去左港安睇，睇下可唔可以做清創，清乾淨d傷口，結果咩都無做，然後收好貴，同日我亦去左平時調理身體嘅中醫到睇，食左佢連續十幾日嘅藥。
結果係由以前個幾月復發一次，變成咗生第二種嘢，有d似汗皰疹嘅，幾乎係不停咁生，一日生一粒咁，但範圍都集中係三隻腳指上面。
想搵中醫專治皮膚科嘅醫師睇下，已經比呢隻連係咩病都唔知嘅嘢搞到生活亂曬，跪求巴絲打留低覺得唔錯嘅中醫皮膚科醫師
