女友比毅進警扑咗,自此我領悟到一個道理

357 回覆
6550 Like 140 Dislike
2019-02-24 14:19:59
我同女友喺大學識,到家拍咗6、7年拖,拍到第4年左右,女友已經提過想結婚。我之前覺得我女友算係好女仔,佢最大願望係成家立室,相夫教子,同埋佢係讀幼兒教育嘅,所以好想生小朋友後就唔做嘢,佢認為全職媽媽對小朋友發展好啲。

而就係呢一點,我同佢就有啲分歧。鬼唔知全職媽媽好咩,但哪有錢?我唔係讀咩神科,畢業出嚟話就話做marketing,實則就打雜,乜都做,人工得萬零蚊,到家都未夠2萬,又唔係老豆大把,講真養自己都麻麻哋夠,點養埋老婆加個仔?


所以一講到結婚,我唔係唔想結,但真係太多嘢要諗,所以唔敢承諾太多。女友可能以為我唔嗲唔吊,所以傾親都發脾氣,漸漸地,感情都受到影響。


唔知係咪7年真係一個大限,踏入第7年,我同女友關係已大不如前。女友逢星期六、日都放假,但成日話有嘢做唔同我出街,問佢做咩又講到唔清唔楚,想話去佢屋企坐吓又阿支阿左,結果我哋成兩、三個月先見一次,我當然好明白,呢個係分手嘅先兆,大家只係等緊一條導火線。

但我真係估唔到條導火線會咁激。


我不嬲知我女友有個中學男同學曾經媾過佢,但失敗咗,之後做咗好朋友。佢哋一直有保持聯絡,但都係facebook互相like吓啲相嗰種。我女友有時都會喺我面前讚佢,話佢中學嗰陣係不良少年,讀到中五就無讀書,後來自強不息,去讀毅進,之後考咗入警察,再到公開大學進修,依家竟然比佢升咗督察,有樣有身型有事業,大讚佢係「筍盤」。

結果,我女友比呢個「筍盤」扑咗,有埋BB。


女友約我到沙田新城市Starbucks傾返清楚成件事。佢話有一段時間覺得同我好淡,好唔開心,所以搵咗阿威-即係果位「筍盤」出來傾計,點知傾吓傾吓,竟然有咗感覺,之後就開始偷偷哋拍拖,仲有搞嘢添。佢陀緊個BB就係有一晚好激情嘅狀況下,不安全地製造出來。果日我哋啱啱嗌完交。


女友對於自己所為,無乜悔意,佢比我感覺甚至係覺得飛得我太遲。我問佢嚟緊有乜打算,佢話會同阿威結婚。之後,佢終於講出重點:


阿威雖然只係毅進仔,但碌咗入警察,再HEA讀埋個公開大學degree之後,晉升為督察,變成高薪一族,仲要係鐵飯碗,出面經濟不景、裁員、業務重組,乜都唔關佢哋事。仲要有得申請宿舍,退休可住公屋,又有長糧,一家人從此生活無憂,啱晒我女友嗰啲追求穩定嘅人。


我聽完佢講,有啲震撼,但未至於崩潰。話晒都咁多年感情,唔開心梗有,但我更唔開心嘅,係自己嘅人生。我努力讀書,大學畢業,做嘢都叫盡責,晚晚OT,典型香港仔成長路,如果喺幾十年前,我應該已經結婚生仔買樓。但今時今日,如果你唔係社會上最outstanding果班人,你嘅人工就基本上無可能追上政府工,而做政府工嘅人,其實唔一定比你叻同努力。


就好似嗰位阿威,我女友都承認佢思想仲係好幼稚,除咗因為佢本身個人係咁,再加上佢加入咗一個好保護性強嘅體系裡面,所以無乜重大經歷會令佢成長。但就係咁嘅人,都可以安居樂業養家,反而在社會掙扎打拼嘅有為青年,就因為社會結構嘅問題,成功機會少之又少,真係要問一句:「公平咩?」

我相信傳統智慧,努力總有出頭天呢句話我至今未敢完全否定,但係,在現今嘅社會結構裡面,我嘅成功會如何發生,我真係答你唔到。

傾多一陣,阿威就來接佢。阿威好熱情咁同我握手,好似新相識咗個朋友咁,我覺得佢真係好傻hi。之後佢扶住阿儀去停車場,一隻手fing住條Toyota車匙,一隻手不時摸吓阿儀個肚,兩個人嘅眼神都好似好滿足咁。我望住佢哋背影,決定放開一切,獨自踩單車返屋企,準備應考下個月嘅CRE。
2019-02-24 14:22:19
型!
2019-02-24 14:23:04
2019-02-24 14:23:23
潮文
2019-02-24 14:24:43
考督察撚死隻毅進仔
2019-02-24 14:25:22
7/10
2019-02-24 14:26:42
#5 做乜quote #1
2019-02-24 14:26:49
真係唔知點解d女特別鐘意紀律部隊
明明又要返shift 私生活又唔檢點
仲要係愛港力咁款 再加天生低智商
2019-02-24 14:27:03
我同女友喺大學識,到家拍咗6、7年拖,拍到第4年左右,女友已經提過想結婚。我之前覺得我女友算係好女仔,佢最大願望係成家立室,相夫教子,同埋佢係讀幼兒教育嘅,所以好想生小朋友後就唔做嘢,佢認為全職媽媽對小朋友發展好啲。

而就係呢一點,我同佢就有啲分歧。鬼唔知全職媽媽好咩,但哪有錢?我唔係讀咩神科,畢業出嚟話就話做marketing,實則就打雜,乜都做,人工得萬零蚊,到家都未夠2萬,又唔係老豆大把,講真養自己都麻麻哋夠,點養埋老婆加個仔?


所以一講到結婚,我唔係唔想結,但真係太多嘢要諗,所以唔敢承諾太多。女友可能以為我唔嗲唔吊,所以傾親都發脾氣,漸漸地,感情都受到影響。


唔知係咪7年真係一個大限,踏入第7年,我同女友關係已大不如前。女友逢星期六、日都放假,但成日話有嘢做唔同我出街,問佢做咩又講到唔清唔楚,想話去佢屋企坐吓又阿支阿左,結果我哋成兩、三個月先見一次,我當然好明白,呢個係分手嘅先兆,大家只係等緊一條導火線。

但我真係估唔到條導火線會咁激。


我不嬲知我女友有個中學男同學曾經媾過佢,但失敗咗,之後做咗好朋友。佢哋一直有保持聯絡,但都係facebook互相like吓啲相嗰種。我女友有時都會喺我面前讚佢,話佢中學嗰陣係不良少年,讀到中五就無讀書,後來自強不息,去讀毅進,之後考咗入警察,再到公開大學進修,依家竟然比佢升咗督察,有樣有身型有事業,大讚佢係「筍盤」。

結果,我女友比呢個「筍盤」扑咗,有埋BB。


女友約我到沙田新城市Starbucks傾返清楚成件事。佢話有一段時間覺得同我好淡,好唔開心,所以搵咗阿威-即係果位「筍盤」出來傾計,點知傾吓傾吓,竟然有咗感覺,之後就開始偷偷哋拍拖,仲有搞嘢添。佢陀緊個BB就係有一晚好激情嘅狀況下,不安全地製造出來。果日我哋啱啱嗌完交。


女友對於自己所為,無乜悔意,佢比我感覺甚至係覺得飛得我太遲。我問佢嚟緊有乜打算,佢話會同阿威結婚。之後,佢終於講出重點:


阿威雖然只係毅進仔,但碌咗入警察,再HEA讀埋個公開大學degree之後,晉升為督察,變成高薪一族,仲要係鐵飯碗,出面經濟不景、裁員、業務重組,乜都唔關佢哋事。仲要有得申請宿舍,退休可住公屋,又有長糧,一家人從此生活無憂,啱晒我女友嗰啲追求穩定嘅人。


我聽完佢講,有啲震撼,但未至於崩潰。話晒都咁多年感情,唔開心梗有,但我更唔開心嘅,係自己嘅人生。我努力讀書,大學畢業,做嘢都叫盡責,晚晚OT,典型香港仔成長路,如果喺幾十年前,我應該已經結婚生仔買樓。但今時今日,如果你唔係社會上最outstanding果班人,你嘅人工就基本上無可能追上政府工,而做政府工嘅人,其實唔一定比你叻同努力。


就好似嗰位阿威,我女友都承認佢思想仲係好幼稚,除咗因為佢本身個人係咁,再加上佢加入咗一個好保護性強嘅體系裡面,所以無乜重大經歷會令佢成長。但就係咁嘅人,都可以安居樂業養家,反而在社會掙扎打拼嘅有為青年,就因為社會結構嘅問題,成功機會少之又少,真係要問一句:「公平咩?」

我相信傳統智慧,努力總有出頭天呢句話我至今未敢完全否定,但係,在現今嘅社會結構裡面,我嘅成功會如何發生,我真係答你唔到。

傾多一陣,阿威就來接佢。阿威好熱情咁同我握手,好似新相識咗個朋友咁,我覺得佢真係好傻hi。之後佢扶住阿儀去停車場,一隻手fing住條Toyota車匙,一隻手不時摸吓阿儀個肚,兩個人嘅眼神都好似好滿足咁。我望住佢哋背影,決定放開一切,獨自踩單車返屋企,
準備應考下個月嘅CRE。
2019-02-24 14:27:36
篇文話佢之後讀ou升左做pi
現實有冇咁順利
2019-02-24 14:27:58
就咁睇 呀威仲有上進心過樓主

篇文我俾6/10,因為有啲bug位,例如督察做到退休應該唔洗住公屋。
2019-02-24 14:28:13
讀完毅進再加個19degree可以升督察? 咪玩啦
2019-02-24 14:28:35
考到差人散仔唔難,但考督察就唔簡單,起碼反應快同埋英文好,你口中嘅阿威應該算係聰明個類人。某d事已成事實就忘記佢啦,男人有錢有事業唔難搵女朋友。

利申:都係剩係識死讀書嘅廢柴
2019-02-24 14:29:09
2019-02-24 14:30:25
扮潮文 收皮啦
2019-02-24 14:30:36
邊有可能
督察要升除左能力仲有人事,人事>學歷
2019-02-24 14:30:51
這就是香港
2019-02-24 14:31:27
希望順利考過到CRE
2019-02-24 14:32:00
7.5/10
2019-02-24 14:32:35
係撚英文好咩 識幾件pi都係普通大學生英文level AL UE拎E個d
JRE個d就真係英文好喇
2019-02-24 14:32:36
呢d賤女人你唔貼圖出黎?
以文會友我冇興趣睇落去
2019-02-24 14:32:47
阿威可能除左讀書渣之外,乜都勁呢
2019-02-24 14:33:22
乜都勁就唔洗一開頭係散仔
2019-02-24 14:34:33
5/10
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞