驚恐發作 係咪咁就一世？

我諗我係聽到人鬧交就會發病 因為對上果次都係因為半夜有人好大聲鬧交我就尼料

第一次發病之前 屋企人成日嘈交(呀哥唔生性)
所以我自己認為聽到人嘈交就會發病

有冇好介紹？
冇的話我自己上網搵下睇下邊到有得睇先

我會做多d運動咖啦我諗我係聽到人鬧交就會發病 因為對上果次都係因為半夜有人好大聲鬧交我就尼料

之後都有幾次差d黎料 即刻搵其他野分散注意力
醫生話係鉀有少少高所以咁

你計下心跳，我就帶手環mon住，
其實只係心跳重，唔快，未諗通之前仲唔敢做運動驚卒死

上星期 沖涼 耳仔入左水,塞左一隻耳

幾日都唔通番,星期一揾耳鼻喉通耳(洗耳),洗哂2隻耳
洗完唔知係咪心理作用,耳嗚無左(去完四川番黎開始有),不過聽野唔知係咪清楚左,一聽到大聲野又有D想黎料!同埋睡眠質數差左,
日日訓醒好似無訓過咁

透唔到氣
點吸都唔夠
手同身都會狂震
唔太感覺到四肢
心跳到好似開turbo咁
比死更難受

我都係，都無人分享吓睇醫生有無用?
我細細個就有呢個問題，不過可能幾個月先一次
而家大左時不時都會返發
好想知有無得醫
ps.我留意到如果心情唔好既時候會易發作

tg:hiibau7
留個tg希望可以有同路人一齊傾下跟進吓

我大約兩三年無翻發
心情唔好真係會好容易發
心病還需心藥醫
但都唔係唔可以避免
平時多啲練習平定情緒
多啲思考 多啲角度睇問題
留意自己狀態

我前年有一排臨瞓前都冥想（用app)
覺得情緒平穩好多

真係好.. 希望你keep到，之後都唔會翻發!
我無接觸過冥想..咁我download睇吓先
唔該哂!

首先要接受自己
就算發作 都唔好嬲自己
試吓抽離一啲諗自己可以點幫自己
所有嘢都需要時間
加油

歡迎搵我傾
Tg: sorryiforgot

之前ex都有呢個病，陪伴左佢一年好返了

我小學行去番學就覺得好多人望住，抖唔到氣，好緊張係咪驚恐？已經冇呢個情況好耐，最近又有番

上個月打打下邊爐試過，食完抖緊突然心跳勁快勁大力+頭暈，
持續左幾個鐘，然後每日都有幾個鐘係咁，依家無啦啦又冇左

中學果陣感冒搭mtr暈過一次，之後見到多人嘅地方特別mtr就會黎料，大學果陣試過mtr過度換氣到暈低。
前幾個月媽咪過身，刺激之下更加嚴重左，搭巴士都會黎料。一黎料就睇下youtube d 搞笑嘢distract自己。
無樓主咁嚴重，所以想試下唔食藥，自己可唔可以慢慢好番先。唔係有依種病真係唔會明種感覺，同人講都無用，樓主保重

我都有，工作壓力極大，類似食飯瞓覺時候一到靜落嚟嘅時候發作，特別是揸車嘅時候好驚會心臟病發之後炒車，明知唔會但都控制唔到，次次都覺得好似一定會暈但一次都冇真暈低過（私家醫院洗左好多錢全check都覺得唔夠，咩事都無）

好Q煩

有左呢個病差唔多三年
斷斷續續咁食血清素
呢個病有時候會連埋焦慮症一齊
第一次發作係做完運動之後，成身出汗，好似透唔到氣咁，手腳麻卑，個感覺好似心臟病發咁

之後入急診室，抽血，照x光，心電圖（兩次）
跟住由於等得太耐，個感覺開始好d...但當你發作完之後個人好似虛脫咁累

結果當然係驗唔到有任何野。

再隔多個禮拜，放工係街到又有呢個情況發生
，repeat番以上個step,入院，body check,等既途中，透氣已經順番少少，但個人好累。

又係驗唔到有野。

最後去睇私家，經醫生同我傾完一輪之後，都agree左係我可能係有驚恐正，開始要食血清素，岩岩食果陣有少少胃病，一個星期後就開始適應隻藥


呢個病對我既影響係，首先冇人會明白你
大多都係會叫你唔好諗咁多野，但呢句係廢話黎
大部份人都知，唔係你去諗果樣野，係你d情緒會自己係個腦到湧出黎。

最後我想講，逃避需可恥，但有用。
好多野唔需要克服，避開煩惱既源頭最實際

跑步,日日跑15-20分鐘(半個鐘最好), 要跑到出汗,索氣。堅持
當然,要由慢慢跑開始, 並要注意自己心臟
利伸: 我都有

我都有
個時入左急症3次
但我堅持唔食精神科藥
個時真係生不如死
宜加久唔久都會有少少發作

之前我都堅持唔食
而家食咗冇事

會不會係腦有事？

其實血清素係咪真係有用

有，如果你有發病過，食完你唔會有好明顯既發病情況，但間歇性，突發性既心跳加速，或者緊張都會有...呢個係我個人情況

Thanks for sharing呢排我好似嚴重左，個心好似拿住咁左手又麻痹，真係唔知幻覺定係咩（專科咩都check過晒），以前試過食血清素，但食咗之後覺得轉數好似慢咗所以就停，我工作轉數需要快，感覺好煩