已讚好的專頁 · 4 小時 ·
超級巨星唔講唔覺都有十年時間，兩位巨星幫牙醫同坤哥，不約而同都喺三、四月開紅館演唱會，牙醫仲係處男騷添！
銷情方面，牙醫今次演唱會係四面台，公開發售約六千張門票，貴飛 ($780) 同平飛 ($300) 已經賣晒，成績對於處男嚟講，算係咁！另一方面坤哥第二次開騷，三面台公開發售約三千七百張，雖然門票供應少過牙醫一半，但三個價位未去晒飛，連平時去得最快嘅平飛，都可以揀到十連，不過坤哥公開發售只有幾日。
睇嚟坤哥要落力宣傳喎！所以佢日前宣布演唱會請到 TVB 對家 ViuTV 嘅大熱偶像組合 MIRROR 做嘉賓，係咪想班妹豬買飛入場睇 MIRROR，刺激吓啲銷情？坤哥流住 TVB 嘅血，今次放下成見，而 MIRROR 阿媽花姐都話無所謂，所以一口應承
