起公立做過前十字韌帶手術巴絲打請入！！

請問大家排咗幾耐？

上次睇完公院專科條庸醫竟然話我冇事，明明照MRI就撕裂左，而家落樓梯都赤赤地痛，想問係咪直接去私家睇完佢拎封轉介信就可以直接排期做手術，唔使再比班公院醫生撚？

係 你冇比個mri報告個醫生睇？ 正常佢睇完個報告都知你有事

睇完呢個post覺得自己十字韌帶應該有事，約左3月照MRI

我上年3月傷, 10月響qe做手術
手術前左右大腿相差1cm(圓周)
我個時手術前大約2星期會叫我去拎醫院護膝同拐杖 (做手術個日要帶埋去)
之後大約1星期前就要去做簡單body check同抽血

手術後第2日出院, 休2星期, 2星期後開始做物理治療
肌肉縮晒, 摸落去大腿好似啫喱咁
但做完手術醒返又唔見有放血條喉喎

而家4個月, 仲做緊物理治療, 不過2邊腳圓周已經相差少過1cm
練緊平衡, 慢跑, 跳

兩隻腳都斷過一隻公立 一隻私家

最痛唔係要你屈腳咩？果下痛到我

咩運動攪到咁？
仲有無重返球場

由排專科開始到見醫生約手術日期（半年）

巴打起公立做手術果次係起公立定私家做物理治療？

講返我個case，上個月30號做既，排期見專科照mri到做手術大約半年，係廣華做既，冇見過果條管，第二日拐杖落地加出院，一個星期到就唔需要拐杖，我就一d都唔痛，第四五日到就已經可以伸直曬加屈90度，唔敢屈得多 聽日物理治療 暫時係咁 可能係我個case 真係一d都唔痛

師兄術前操腳操得好勁？

冇特別操啊 不過做之前兩隻腳係冇差異 因為個個情況唔同 我半月板正係批左少少邊 有d人會比醫生帶左舊限制對腳可以郁幾多度既野 我一開始見我冇仲想問佢攞 可能係半月板搞得多既先麻煩
btw，我前面做果個佢因爲條前十冇生過做第二次，好慘

公立做返囉 係私家做 就淨係做完手術之後果日去做左一日 果d人仲話手術做得好好因為我可以尾晒隻腳

師兄你靜係斷前十，半月板算係冇咩問題要搞？
我見其他巴打靜係做前十重建頭幾日都仲未好似你咁好得咁快。
另外前面果個條前十冇生過做第二次？ 前十邊有得生翻出黎，唔明

係啊，半月冇咩事，不幸中大幸
應該個個case唔同，但係真係唔痛嫁唔洗驚，同埋重建左既前十係要生返埋嫁，即係佢會愈合變粗，如果冇，就要再做，有呢d case但唔常見

點先知冇愈合到？

利申
做完岩岩第6星期
好慢咁康復緊

唔洗担心既，好少機會，6星期康復成點？我4星期基本可以企直曬，屈超過120度，都冇咩特別啦已經，宜家操緊肌

都直唔曬 得0度左右 正常係米應該叫係有負數
屈得岩岩好120度左右 但要熱一熱身先屈到120度
所以落樓梯都唔係好得
你4星期咁快可以120度 康復都好快

都ok啊 共勉，多d練，多d郁，我已經over120度，基本上已經同左腳分別唔太大，醫生唔俾跑住，唔係我都想跑，你兩個月應該可以開始慢跑至岩

咁快分別不大你係手術前操得好勁？
我兩隻腳仲差好遠呀⋯⋯

手術前兩隻腳冇差異，勤力d操

今日終於順利完成十字韌帶重建手術，感謝主！！

喺邊間醫院做？
聽日好返屋企喇