[隨口講日本歷史] 德川幕未

前篇 - 1600, 一場決定日本未來既戰爭



係1600 年既日本, 名義上由豐臣家統一全國同得到各大名(領主)臣服, 但佢既統治基礎好弱, 加上承繼人只係個幾歲既細路, 係呢個時間, 有一個大名忍耐半生, 終於一展佢既野心, 德川家康



德川不斷屯積軍力,又拉攏各方大名, 以石田三成為首既豐臣部下忍無可忍, 引發1600 年關原之戰, 全國分為東西兩方混戰

最後德川為首既東軍勝利, 敵人被清算,豐臣家隨後亦被滅族, 而1603年建立德川幕府, 成為第一任將軍

值得一提既, 德川呢個人非常小氣, 佢將呢場戰爭既自己人同敵人分得好清:

同自己有血親:親藩-御三家
關原幫自己:譜代大名
關原前敵對,後來先臣服: 外樣大名

根據以上, 呢三類大名係之後二百幾年都固定地受到高低相應既對待,外樣大名永遠被視為不可信, 會造反, 要監控

完咗啦？

01 - 鞏固統治

講戰國大名, 多數人都唔會仲意個性膽小既德川家康, 但我就幾服呢個人, 唔單止係佢先後忍受信長,秀吉, 而更多係佢對統治日本既心得, 佢定下既政策, 以後二百年一直實行, 同時付德川幕府異常安定

第一, 德川要諗辦法監控全國既大名, 同時令佢地唔可以強大
於是, 佢下令所有大名只可以有一座城, 有多要拆
另外, 就係'參覲交替', 將大名同地方武士D家人送哂入江戶(幕府根據地), 要脅大名, 同時要佢地隔年用一大筆去江戶報到

第二, 要用一個制度來穩定社會
德川就參與宋明理學, 創造一個階級分別既四民制度
1.武士 2.農民 3.工 4.商
萬一你係一個農民,你後代世世代代都係農民

第三, 防止外來威脅
大家都好清楚既鎖國同禁教
只容許荷蘭人入長崎交易
當然亦有大名偷偷地同其他國家交易來壯大

LM學野
有少少興趣

LM學野
有少少興趣

hi madao

留名

Lm

02 - 發展

二百年德川統治有好影響, 日本前所未有既和平, 人口暴增, 參覲交替令全國交通要道發展, 好似係東海道,中山道等, 途徑要道同江戶因大名造訪而景氣, 商業活動繁榮



文化同學術同時得到發展, 除左儒學,國學, 蘭學亦受推崇, 而代表人物係佐久間象山, 佢覺得日本要保留自己既道,同時學西方既技, 佢曾經教過勝海舟同板本龍馬

但去到1800年左右, 日本出現種種問題, 人口多左, 當面對天災, 就好易出現饑荒同農民暴動,令德川統治不穩, 加上德川自第3代之後既將軍無個勁, 改革都係失敗

而四民制,完全令社會出現好大矛盾, 下級武士有地位, 但連食飯錢都無, 甚至要賣刀, 商人好有錢, 但比人當係下等人, 農民就如家康所言, 係食飽同餓死之間就岩岩好

而大名, 尤其外樣大名成日都因為要去江戶覲見將軍而搞到好窮, 但有幾個藩做左改革,令情況轉變, 薩摩藩(島津)同長州(毛利) 最強大, 佢地都有私下對外貿易獲利, 去到後期,佢地甚至比幕府更強大

lm

留名

03 - 黑船

德川幕府曾經努力改變中衰既困景,1830年代進行天保改革,推出節儉令,叫人少消費, 以為咁就可以降低物價, 提高商人稅收, 推出棄捐令, 姐係叫武士借錢唔洗還,而更白痴既, 係叫大名上交領地, 簡單總結, 呢個改革唔單止無咩幫助, 反而得罪所有人, 幕府權威受創

係1842年, 幕府開始感受到外國列強既壓力, 因為清朝個年打輸左鴉片戰爭, 但當然佢依然係未醒, 直到黑船來襲

係果個時代, 美國同墨西哥打左一場仗, 美國嬴左, 拎左加洲一大片土地, 一大片對住太平洋既海岸, 美國一直好想向中國發展, 但太平洋太大, 要搵一個停靠既中轉站, 日本自然係好地方

1853年培里帶左4隻軍艦到日本, 逼幕府開國, 日本人見到現代化既軍艦無一不為之震驚, 呢件事就係黑船事件, 佢直接逼幕府改變一直既鎖國政策

lm

屌你識唔識中文 睇你啲中文好難頂

培里

留名睇西鄉隆盛

留名

留返個靚名先

lm

04 - 禍不單行

培里離開日本前, 同幕府講第二年會再番黎,同時會帶更多船, 出現下美國既最新科技,希望到時得到滿意既答覆。呢個時候既幕府非常震驚, 平時玩開獨裁專制, 今次嚇到同天皇以至百姓報告, 務求得到全國共識, 開國定鎖國, 係一個難題

而事實上, 幕府的確無反抗能力, 第二年就簽左神奈川條約, 向美國開國開港。更可怕既, 係呢個先例令英法等國齊齊再逼日本簽約開港自由貿易,結果之後幾年, 日本完全開放, 外國人同外國貨充斥日本市場,淪陷。好彩既係幕府係條約加入禁止鴉片販賣。

係咁關鍵既時候, 幕府將軍家慶係1858年死左, 但佢由無仔喎, 咁點算? 之前講過德川有親藩(御三家), 繼承人就會係呢三個支派簡一個做將軍, 分別有水戶既慶喜, 同紀州既慶福, 兩派鬥爭造成幕府分裂。最後係由慶福成為將軍, 改名家茂

磨牙

Push

文呢