老母坐骨神經痛到話不如跳樓死左佢算

包得百四蚊物理治療一次仲要書面轉介
想問下你點先confirm好翻斷尾 我之前都以為斷尾但有時出街耐都會feel到腰痛 大概行2 3個鐘就有d痛要坐低抖下

咁已經好咗好多啦

咁最好斷尾啦 我個袋重少少都唔敢咩 可能半個鐘會feel到攰 我會放前面抖下 游多d水會舒緩下 我就係咁 想知點斷尾

冇可能斷到
做手術刀斷唔到啦， 如果有啲人同你講話點點點好返 嗰啲人一係就好輕微 一係就未爆返出嚟

一個乞嚏就即刻返返出嚟啦

心態問題
又要急又要平，自己又冇耐性。

慢慢做拉筋動作先有效
食藥冇用的，只能起輔助作用
要首先將啲肌肉拉鬆，然後再去針灸

https://youtu.be/zgvolE4NAH0

叫你老母做呢個動作，啲痛就會有小腿縮到大腿再縮返想腰。

不過如果有腰間盤突出就要照醫生指示做，唔好亂黎。

又或者買啲倒吊椅，減壓。

個價都ok wor。之前都想帶老母去嗰度睇，不過驚貴。
除咗嗰一次七百之外，一開始仲有無啲乜嘢檢查要做？佢之前都做落咗個mri，好q貴
唔該定巴打你先

試試中醫推拿

呢啲野一定有先兆，係死忍先冇出聲，點知痛到崩潰。
過來人。

呢粒嘢...
食完之後戒咗屙屎

side effect 係constipation

我阿媽兩年前都一樣痛到好辛苦 坐又唔係 企又唔係 腳又麻痺
睇左幾次物理治療同針灸都無太大功效

不過佢自從佢聽唔知邊個三姑六婆講 遊水可以改善之後
佢每日都堅持落泳池游一個鐘

聽佢講 佢只游蛙式 而且係好慢好慢咁游
佢由唔識游泳 兩年間進步到可以不停咁來回慢游 佢話而家最少可以來回咁游十轉普通室內游泳

除左游水 夜晚食完飯會落公園慢走散步 再做一d拉筋物理治療

而家已經好得七七八八 好少聽佢講再痛

以上個人老母經歷 希望樓主老母早日擺脫病痛

連登仔個個都醫生黎

巴打係邊間睇？ 可以留telegram ?

巴打依家做尖都毫無問題？可唔可以留個telegram睇你係邊間睇

之前家母有類似嘅情況，但未到樓主伯母咁慘
唔知關唔關事，但都想分享下

家母由一開頭右腳間唔中覺得冤冤痛，以為係條根拉傷
referral咗去公立醫院做物理治療
到之後有一日彎腰放野落地下就突然覺得好痛
由腳、連條腰都會感受到痛楚，係行路都唔太行到、一定要搵長遮借力
即日就去睇急症，分流做非緊急
等咗8個鐘之後見醫生，開到(唔知係咪有嗎啡)嘅止痛藥、打止痛針同埋照X光

第二日痛到頂唔順，尤其係食完急症室開嘅藥之後見好暈
所以即刻搵私家醫生安排即日入院
入院之後就照X光、MRI
夜晚搵埋專睇神經線嘅骨科醫生visit
發現係脊椎有多過一節壓住神經線，所以先咁痛
(而X光係照唔到咁清楚，所以之前一路都搵唔到源頭)
但未到要去手術嘅程度，建議都係食藥止痛同做物理治療
醫生同物理治療好似有話強化肌肉係有助紓緩痛楚

出院之後，除咗做物理治療(特別係將私家醫院照完嘅report俾公院物理治療睇埋)同食藥之外，都有去睇中醫做針灸同做推拿

而家基本上都唔需要長期食止痛藥，只係間唔中突然痛、又痛到訓唔到教先會食

所以樓主都係盡快帶伯母求醫，搵到病因、止痛再睇下有咩方法可以唔駛依賴止痛藥啦
最重要嘅係，唔好俾伯母覺得呢種痛楚係一世

想問下巴打/絲打，我依家去游水更加用唔到力，針灸左四個月都冇咩好轉，我想問你係keep住游所以醫番坐骨神經痛？

好明白你媽嘅感受，因為我同我爸都有坐骨神經痛。
果種痛真係要痛過嘅人先會知，訓又痛坐又痛行得耐又痛。
可以講個好消息俾你聽，我同我爸而家已經好多時都無痛，只係間唔中痛一陣。

首先要止痛，唔止痛你做唔到伸展運動，
即係訓練唔到附近啲肌肉，保護唔到你個椎間盤。
可以考慮排政治啲物理治療，因為我果時比較後生，
poly覺得我岩做研究對象，
所以唔係排咗好耐就有得睇。

叫你媽買張硬嘅床墊，做多啲plank，
食住止痛藥但又唔好長期食，
我果時長食搞到無胃口食嘢得返80幾磅。
我同我爸而家好返9成都好，都會每日做伸展運動。

終有一日會好返嫁，唔好做傻事呀！

Lyrica 75mg bd
Arcoxia 60mg bd
Panadol 500mg bd
Tramadol prn

加物理治療玩住先同時儘快做MRI再睇下有冇需要開刀

利申: Spine Ortho

我見好多巴絲都好似係年青就痛，我自己都係20歲出頭
同埋啱啱出黎做野冇咩錢，依家每日都整係靠拉筋同埋每星期去針灸一次
拉筋可參考：http://www.twgreatdaily.live/cat57/node1981081#33352

依個坐骨神經痛真係好辛苦，仲要你身邊既人唔會明，覺得好小事

好奇一問
點解水療會咁大幫助？