重睇咗一次劉德華既大隻佬

細個唔明李鳳儀點解要死
因為劉德華話佢唔係日本兵
睇到後面心魔劉德華個句
「個女仔仲係日本兵嗰陣殺咗好多人」
原來李鳳儀前世真係日本兵
所以呢套戲其實係講前世因後世果

劉德華當初話張柏芝唔係日本兵係因為當時未參透?

佢哋的確唔係同一人但係靈魂係同一個

個女仔仲係日本兵時殺左好多人
但佢唔係日本兵

除左故弄玄虛，懶高深之後都諗唔明點解要落呢句

劉華一開始既時候信因果 之後遇到李鳳儀 令佢改變諗法 :或者人可以改變到因果 最後李鳳儀 既死 令到劉華面對現實 因果報應 係永恆不變既真理

大陸人高潮位

我就覺得套戲唔係講前世因後世果,係講一個有信仰危機的人,響經歷一連串事件後,如何感悟,重拾信抑
成個故事的中心思想,我個人鍾意將佢類比為米路吉遜的凶兆
https://youtu.be/Qa2n18IkHlc
有興趣睇下

呢套戲好睇過大隻佬
表達得乾乾淨淨
又無乜無謂劇情
將男主角喪妻信仰動搖
去到男主諗返起老婆講既揮棒
意會到一切都係上天旨意
真係幾感動又深刻
細個睇都覺得好睇又有意義
真係幾唔錯

大隻佬(了因)同李鳳儀行街果陣咪講過囉，「因果」唔係前世因、今世果，係一個世界既邏輯公式，而了因可以睇通呢條公式、計算出結果，所以一定程度可以預知未來。

因為當年果個日本兵殺左好多人所以李鳳儀要死，呢個就係「因果」公式計算出黎既答案，而李鳳儀同日本兵係無任何關係，正如了因用垃圾婆做例子，『垃圾婆要執晒條街既垃圾，雖然垃圾並唔係由垃圾婆製造出黎，但係要由垃圾婆負責去執。』同一個道理，日本兵殺人種惡因，經過「因果」公式導致李鳳儀要應呢個惡果(要死)。

簡單黎講，有人做壞事(惡因)，係未來就會有一個人去應呢個惡果，相反有人做好事(善因)，亦都會有一個人去應呢個善果。一切都係隨機，所以了因話「因果」係公平，不過佢接受唔到。

仲未有人貼死人一金

萬般帶不走，唯有業隨身

如果講因果，魔法少女小圓講得仲好

外國影評都一致認同佳作嘅大隻佬 竟然依套垃圾戲都不如 係掂嘅

明白咩叫共業 應該就明

以前大學上佛學時有用呢套做教材，當時有人Guide住真係易明好多既；杜琪峰拍果陣又搵咗台灣既大師做指導。

簡單講：張柏芝唔係日本兵，但佢同日本兵響「業」嚟講同一個Account, 張柏芝做好事可以減輕佢既業，但最後唔足夠令佢唔使死。做咗衰嘢係會有業，但同時又做好嘢可以減業

咪撚貼個死人頭出黎屌你老母

做壞事就另一個人受,做好事就另一個人享
咁做壞人咪好著數?
畀你地講到呢套戲要導人向惡咁

唔係導人向惡
係逼人接受現實，人有權選擇，妥協或者做d野去改變

現實不嬲唔一定係做壞事既人受返佢地既惡果
大把食屎狗未死/逍遙法外
你睇下淋病佢做咁多壞事都未有人搞佢啦

調轉諗
你做乜都好，都會受以前某人嘅惡業影響就受苦
唯一令大家幸福嘅方法，係大家都喺當下唔好再做壞事
咁未來個世界就會少惡業

你嘅諗法=只係諗自己，不斷為世界製造惡業
上面嘅諗法=諗緊全人類

爛番茄夠覺得venom垃圾啦

呢個概念好
但係套戲個心魔
Show比我睇既係呢啲一切都係前世種下既業
佢心魔係有講佢見到雀仔小翠做過啲乜所以抵死
最令我覺得唔係隨機報而係今生報
都係佢心魔嗰句 個女仔仲係日本兵嗰陣
呢句野同隨機業報有矛盾
劉德華都講過因果係公道
但隨機報業既話明顯就唔公道啦
栢芝覺得唔公道係因為佢覺得自己不知者不罪
佢上世殺人關佢今生咩事
所以先比到錯覺你係隨機業所以唔公平