山陽關西廣島十日傻鳩游 [無圖無字]

E兩晚學校都幾多野攪，
我星期三再更新，SORRY咁多位讀者

白鬚神社 同 浮御堂 都係自駕好

果次自駕，可以去埋近江神宮同日吉大社

行大半個鐘
不過如果有單車踩應該都ok，但單車係咪要踩條車行公路？咁好似好危險咁

一樣有重型貨車行，真係幾危險的!

馬路隔離冇單車路？定係只能靠馬路邊踩？

行人路好窄，比唔比踩唔知，我見D人係踩車路，但要過對面方向先。

我都想，但無車牌。

去埋彦根城

行返差唔多45分鐘返近江高島站，差唔多中午11點半。
就準備去下一個目的地彥根。
因為彥根起琵琶湖南邊要返山科轉車，大約需時2個鐘。
車程:
近江高島 Ōmi-Takashima >山科 Yamashina (JR湖西線新快速 姫路行)
山科 Yamashina > 彥根 Hikone(JR琵琶湖線新快速 米原經由近江塩津行)
到彥根果時已經差唔多下午兩點鐘。

彥根城主同建造者井伊直勝之像，背景係JR彥根車站。
今日成日都係咁落雨 一樣無乜人起條街到。
行去彥根城大約要10分鐘。


沿途會見到一個叫滋賀縣護國神社，幾靚，但無特別。

行多一陣，就會到琵琶湖八景之一既彥根城。
原來有成八景，
我淨去左朝早既白鬚神社同彥根城炸 。


上面個位係比人影相定？我都唔知。
但彥根既吉祥物係日本少量未比核幅射污染既吉祥物。


一樣係要買入場卷，睇到個山坡都知又要行山啦。



終於到彥根城，好彩上到黎個天氣唔錯。
座城聽講係日本現時少數非重建既木製古城 。
幾珍貴，希望唔會好似熊本城咁，震完就散左啦。

彥根城係可以入到行下，
因為古城，木造，
所以唔可以著鞋，但會有拖鞋比你換。


入面展品就好少，但條樓梯都幾恐怖。
生得高，好Q易撞到樓梯條陣，
一黎斜，二黎要趴低成半個身。
可能日本仔矮，所以可以設計成咁 。


休息一陣，順便起山頂睇下彥根市個景，
唔知大家見唔見到琵琶湖起邊？
張相好似影唔到咁，同個天一樣色咁濟。

其實我果日仲未食中午 ，但其實已經三點都有。
彥根城附近有條街叫夢京橋城堡大道係轉買近江牛，同食牛既。
如果想去，就要行彥根城另一個後門，叫大手門出口出去。


沿途會經過一個叫大手門跡同大手門橋既地方。
同時，個天色又差返，又落雨了 。

向前行少少，就會到夢京橋城堡大道，
但唔講都唔知E條街係賣近江牛既野，
因為同日本普通街道無乜分別，佢都好似無明顯既標示。



行左陣，因為好多鋪都唔知有無開，
所以比個待應拉左入E間鋪食。
半熟近江牛肉飯，係幾好食，但同樣好貴，
個吉祥物幾得意，幾好食 。

繼續留名支持

本黎諗住去埋近江八幡，但係都已經四點，行返車站都差唔多四點半，
京都五點左右就日落，所以都係算數 。早D返京都算。

返到京都，雖然我果日住間APA有洗衣機，但長期比人霸左。
一睇都知我又黎洗衫啦。因為唔想帶臭衫去廣島。
好成功比對勁矮既門撞柒個頭。
入面有洗鞋機，順便洗返我琴日踩屎對鞋。



夜晚，就緊係要再去四條行街啦，買野無乜好講。
本身諗住由京都車站沿鴨川行過去，但最後都係坐京阪上。
因為要坐車站廁所開細 。

玩到十點幾，最後坐京都地鐵返京都車站，
再去今朝早食早餐果到，食個日西式混合鐵牌餐，
講漏左添，間鋪係無限添飯。
食完就返酒店睇電視。

馬拉豬我老婆完。
--- Day4 完 ---

唔知點解我每次旅行都落下雨。
我諗下次旅行都係唔帶相機去算。
一黎唔防水，二黎唔方便。
除左無光學變焦之外，還掂Note9手機日頭唔會輸比部相機。
夜拍我諗除非Full Frame相機配大光圈之外，無乜機掂。
但FF機太重太大部，所以E家旅行手機天下。

感謝Ching

睇返京都既天氣一月已經係降水量同降水日數最少既月份，咁都成日落雨好唔好彩
之後去出名晴天多既山陽應該好啲掛？

要一日內玩晒琵琶湖東西兩邊其實無咩可能，我之前去近江八幡+彥根+近江高島搞到勁趕。點解日本人唔整隻船可以橫斷琵琶湖呢

btw.巴打係咪用拼音輸入法?都幾多錯字

速成，之前打開MK文掛 所以慣左打同音字。

山陽有幾日都係幾多霧定塵。
可能真係夏天個天色先靚。

岩岩去完京阪 巴打邊到搵到咁多discount資訊？

我都無乜野地方用過DISCOUNT掛
不過，
我買PASS通常會起JR網或者ONE PASS個網睇下有乜景點，
再睇下張PASS有乜優惠。再GOOELE下個景點值唔值得去，再PLAN行程。

--- Day 5 ---
今日終於要落廣島了。
要留意既係山陰山陽PASS同任何JR WEST既PASS都唔包京都去新大阪區間既任何新幹線，
因為果到既新幹線係JR東海所有。


一朝早，我整理完D行李，就要坐HARUKA落新大阪，
其實坐同新快速相比任何特急，如HARUKA,THUNDERBIRD落新大阪既速度都係差多半個鐘。
但係坐特急就一定有位坐，加上山陰山陽PASS有得BOOK指定席


黎到新大阪車站，有十五分鐘比我去廁所同轉新幹線，
順便起車站便堂鋪買個便當上車 當早餐啦。



NOZOMI號，山陽同東海道新幹線最快既卡，主要係16卡。
得3卡係自由席(返工時間會無位)，3卡GREEN CAR，
其他都係指定席。
座位係3-2設計，坐3果邊如果坐滿既話可能都幾迫下 。
今程個推餐車妹妹幾嫩口，好靚 。無圖。

食返頭先買既便當先，其實都幾難食，特別係涷食。
應該得日本仔岩胃口。

新幹線隆隆聲咁，用左一個半鐘左右就到廣島車站。


廣島站附近其實得一間BIC CAM，
我唔明點解佢可以係日本七大都市圏 ，
比較我兩年前去既仙台，仙台市應該係佢既幾倍繁榮 。


落車就第一時間緊係放底D野去酒店先啦。
今次廣島住既酒店係APA Hotel Hiroshima-Ekimae Ohashi。
房都唔算大，但勝在平同近車站。
同埋我法國最近APA好多都加左大沐場，
但我就好少會用，所以就無所謂啦。

休息左一陣，又係時間向岩國出發
但要注意既係，
如果用JR關西&廣島地區鐵路周遊券係唔可以坐新幹線去新岩國。
只可以坐山陽本線去岩國。但我用既山陰山陽PASS就無問題啦 。

繼續支持

黎緊都會係京都搭新幹線去岡山