山陽關西廣島十日傻鳩游 [無圖無字]

幾年前去過都仲整緊塊地

樓主係咁去神社唔悶咩

幾經辛苦，終於到奈良。

近鐵既奈良車站。時間太約下午3點。
第一個CHECK POINT就係去東大寺。


由近鐵奈良站 行去東大寺大約要兩公里差唔多半個鐘，
如果JR奈良車站仲遠。行到腳都殘 。
所以沿途會行過奈良公園個邊邊位，所以順便影下鹿先 。
其實我對小動物就無乜興趣 。

行左勁耐，終於到東大寺，
好多人起正門D欄桿偷影入面
不過途中我好成功咁樣踩到成腳鹿屎 ！
所以我咁憎動物就咁解

巧Q貴，600yen Ar 所以我知點解D人淨起出面影




但係幾型既，可惜我全部相都影得唔靚
寺出面多人到傻，但收費區之後入面勁少人。

入面大佛。再行入去既就唔知比唔比影，所以我就無影了。

京都日頭神社，夜晚去四條玩。

E家好似都係咁

下一個景點就係去東大寺 二月堂
點去呢？

起東大寺門口，你會見到E個鳥居，但係就寫住手向山神社。
但我由頭到未都搵唔到手向山神社起邊 行入去，跟住D人上山。


都要行一段路，仲要係上斜，就到東大寺 二月堂掛。
我身邊有堆英文既亞洲人，
但佢地好撚勁，完全唔辛苦咁行上去，我行到喘晒氣 。

起上面可以起高處望晒成個奈良市既矮樓 。

見有D時間，就行埋去春日大社啦，順便落山。

途中見到一座山無草，應該係用黎燒山，日本人D習俗唔怕山火既咩 。


春日大社多人到無乜特別。
有D人DUM D錢，會有人好快咁執晒去。
我都DUM左個5yen ，之後就行落山了。

落山果時已經開始黃昏時間，行左半個鐘先落到山 好遠
順便去個興福寺先。

因為過左開放時間，入唔到去了


五重塔。一樣無得入去。

比人參拜用既。就日落了。

隻腳行左成日，好Q痛，加上踩左鹿屎，
無乜心情行，經商店街行去近鐵奈良車站就準備走了。


近鐵特急，千一yen 分別係唔洗轉車同快15分鐘返到京都。
一開波去錯月台，好彩即刻沖返去另一個月台。

夜晚買左個金拱門食算。個朱古力批幾好食。
沖完涼去酒店隔離Yodobashi玩左陣相機同行下就訓
--- Day 3 完 ---

比多近一倍錢快15分鐘，巴打好有錢。

行左成日，最重要有得坐姐
夜晚食M記慳錢返 去得旅行無辦法。

其實自己好少食到貴野，其實都平過同人去
用D錢黎坐車都得

奈良站總站坐實有位坐喎，唔使買到特急

又係 ，你岩wo
唯有當鐵路遊

留名
等睇廣島嗰part

幫樓主係google map搵間餐廳鋪面出嚟

無用apps睇咩月台搭車咩？
我好少過去錯月台

無ar，通常跟佢指示牌落就算。
咁岩眼殘望錯。
Google Map得大站會講月台，
換乘案內又唔太好用。

感謝

多謝Ching 支持
盡量閒日每晚打一日。

支持樓主

--- Day 4 ---
講返先，其實E日係去左琵琶湖，即係滋賀縣果邊。
因為本身PLAN果時淨係BOOK左3日起京都，
但之後改行程變左頭四日起京都，所以要一朝早換酒店，
照樣都係住APA，
但住起京都站近BIC CAM果邊既APA Kyoto-Eki-Horikawadori。

因為執行李，攪到一朝早MISS左班車。
因為湖西線新快速要等差唔多成粒鐘先有一班，所以食個早餐先。
當食左個平價壽喜燒

やよい軒 京都駅八条口店。
無影到鋪面，類似吉野家既鋪，起京都站既西南面。都算幾抵食。


經湖西線坐一個鐘火車就會到近江高島車站。
有一個觀光案內所，睇台仔BLOG聽講可以借單車，
但身為一個一直住起市區既香港人，緊係唔識踩單車啦 。
加上我覺得之後程路踩單車都幾危險 。

留明

近江高島 唯一景點應該就係距離佢有差唔多3公里既白鬚神社，

GOOGLE MAP都指示要行33分鐘，其實車站隔離有的士站，
去到白鬚神社太約只係要五分鐘左右，1500yen。
但身為窮LUN都係行下算。


一望無際既路，其實E到只係其中四分一既路程。
果日係超涷，但天氣麻麻，多雲又有霧。
日本人真係禮多到傻，個阿叔行過都同我打照呼，
但真係成個市都係小貓三四隻，完全唔見人咁。
遊客都無見過咁濟 。

今次旅程無機會坐到既Thunderbird。
見佢班次都幾密，經常出現既特急。


城起邊？？

行果時離遠見到有條橋幾似錦帶橋既橋，當然無咁大啦。
不過中間隔住塊田，都係唔過去。

到e到要由左邊條路行多20分鐘。
行到我想死ar 。
好後悔點解唔坐的士 。

見到個鳥居果時係勁感動，終於到啦。



白鬚神社，其實係無特別既 。
通常d人都係居民，坐車到


因為特別起水中鳥居 ，其實實物睇係幾靚。
加埋湖既倒影。
但相睇就麻麻地

條路係好鬼多車，仲要係重型車 ，我就唔會過對面馬路啦。
因為我覺得我條命點都重要過為左影張相，
但有一對講普通話既應該係台灣人，就好痴線咁衝左去對面 。

以下係我既建議，白鬚神社係靚，但離車站都幾遠下，坐火車去近江高島都耐，
琵琶湖北面，除左佢就得同浮御堂(我今次無去)係比較出名既景點。
值唔值得晒咁多時間就你地可以諗下，
因為可能可以用d時間留返起琵琶湖南面既景點仲好。