山陽關西廣島十日傻鳩游 [無圖無字]

補埋京都站既樓梯

你唔講我都唔發覺我打錯。。
***更正***
Day 2 鞍馬&貴船>下鴨>伏見
Day 3 宇治>奈良(平城宮,東大寺)
Day 4 白髭神社>彥根
其實我唔係第一次去京都，交通都幾熟下，同真係好早起身。
7點半 8點就出門口。加上體力好 唔係行死你。
我Day2由頭到尾都係沿鴨川，京阪本線既附近。日頭班次多又快。
加上我真係好好彩，次次一去到就有巴士，纜車，火車
但你京都玩半日應該唔夠玩 建議留多日，唔係既話大阪玩半日可能仲好玩。

本身京都真係特別多人同遊客，仲多過東京

點解香港無

酒店都愈開愈多

係，以前最受歡迎係東京，依家非京阪莫屬

仲要開極房價都唔落。京都真係次次去都住hostel算。

去親日本都係住hostel,日本住hostel既錢夠係東南亞住靚酒店

京都同歐美 香港比都算平既. 3星酒店都唔算貴

--- Day 3 ---
***更正返先，原來我E日係去左宇治同奈良***


照舊一朝早就起身，買支水就坐車去宇治，
京都去宇治好快，奈良線又多車，十幾分鐘，9點就到宇治。

第一站就去平等院完，
但沿途行經宇治橋就影兩張相先


條橋好似同源氐物語有D關係，但我無睇過就唔知啦
不過夢浮橋即係邊條？？


行多五分鐘左右就到平等院。盛惠600yen入場費
果然起京都周邊玩，去到邊都要錢 。


e個就係平等園凰堂啦。係靚既。
日式既亭園入面算係最靚果幾個。
比多幾百YEN有導賞團入去參觀，但我唔識日文就算。
係湖邊影下相算 。
起園入面，仲有一個叫鳳翔館既博物館。
比你買下手信，睇下鳳凰堂既歷史咁啦，都行到一陣既。

我東京住過幾晚hostel，
但要輪流排隊用廁所同沖涼，又怕比人偷野，
唔太習慣，所以都係住商務酒店算。

下一站 宇治神社同宇治上神社
過去河既另一邊，由平等園大約行20分鐘左右就會到。
之後我先發現原來有另一條橋可以直接過對面岸
淨係用幾分鐘 。
攪到我ON99行返去宇治橋過去添


宇治神社，無乜特別，普通小神社。

起日本，好多學校企業都會起神社奉納御神燈黎求來年順順利利。


行到五分鐘左右就到宇治上神社。

同宇治神社既分別就係，大座D，好似新淨D

因為唔知做乜野突然間肚痛，所以狗沖 返車站開大。

行過宇治橋果段有班鐵膠起到影相，所以我都跟佢地影返張先。


順便買D綠茶羊羹返香港食下先

起宇治玩到十一點左右，是咁的就坐車去起奈良市西面既平城宮遺跡。
都算係一個冷門少少既景點，因為我之前都去過奈良，
咁緊係去D我未去過既地方啦。


跟GOOGLE MAP坐左50分鐘就到近鐵大和西寺車站，
我見到有一邊出口其實幾繁華，有D城市氣息，
但無乜時間就無時間行下啦。

行過去平城宮跡都幾遠下，都差唔多要20分鐘，
咁唯有順便影下火車啦，近鐵D車係幾靚仔既。

平城宮跡分別有兩個打卡位，第一個就係上圖既第一次大極殿，
幾靚，但好似係2010年重建既。
果日天氣都好好，暖暖地幾舒服。
有個清潔阿伯幾好人，見我自己起到影相，幫我影左張相(但就唔貼了)。

其實平城宮跡係一個公園，考古遺跡，乜野都無。
比D人放下紙鳶，玩下飛盤，棒球既地方。


第二個打卡位就係朱雀門跡，起1998年重建既。

E個入面無乜野睇，特別唔識日文。
但涼下暖氣用都得 。

唔通抄登唔係窮遊就無人睇
淨得我打，好悶

巴打用咩相機。平等院嗰張好靚。

繼續打。一路打，啲回憶返晒黎，又會想去

用左一個鐘左右就行完平城宮跡，中午時分，又係時間搵野食。
我就緊係唔會咁ON9行返去大和西大寺再落奈良啦，
所以我就準備去新大宮車站(近鐵既)，
沿路就去左間平民家庭餐廳買野食。

佢既點法係 起吧台自己簡送，之後會有阿姐幫你計錢。
食完就埋單，我食3樣送加個飯咁多野都係唔洗1000yen。
飽到傻，勁抵。又好食。間鋪幾多人。


附上地圖。唔記得影鋪面。應該無乜機會再去食。

食飽飽，又要行成差唔多二十分鐘先到新大宮，
一開波用ICOCA入錯閘，點知完黎入左閘就過唔到對面月台，
攪到我要搵職員出返閘，攪到MISS左班次，又要等多十幾分鐘

平等院果張應該係NOTE 9影
我帶3部機去，一部LX100第一代，一部係NOTE9，
加一部SONY手機SELFIE，同拍片。
但LX100成日對錯焦，我洗唔太中意用。
去完旅行，發現NOTE9係神機

感謝支持，京都玩無數次都唔會悶

平城宮跡歷史公園開返，多唔多野睇？？

去過三次，都仲有地方未去。可惜係消費愈黎愈高

野就唔多，如果你得半日去奈良，就唔建議。
一日既話腳力好可以去睇下。
我去完先知我去漏左東院果邊。