我先係度澄清番
我係有用,我已經講過亦交代左
佢地呢,係冇屈我
但我解釋就已經解釋左,信唔信個原因亦係大家既事我控制唔到
覺得我係外掛狗、垃圾,冇問題,用過就係用過我願意承受
但既然咁唔滿意,點解仲要睇我片?點解仲要留言單單打打呢?有咩意義?
我專登補番d通關片,就係為左話俾大家知的確係可以過到,只係當時想試關卡所以先用修改版過左佢
但我每次出,主題都係話外掛,你唔厭我都厭,同埋我實在好厭惡呢種又要唔鍾意又要睇但又要屌,咩心理?
都係果句,你地可以覺得我係外掛狗睇唔起我冇所謂
但我粗俗d講,你地唔滿意就過主,去睇其他youtuber既龍珠片,我唔希罕你地既view數
大把人支持我
我而家亦講到明,我係玻璃心,凡親有人講我係外掛,我就封鎖留言,好直接
我係度打埋,我係有用過,但已經冇用好耐,唔信既就過主我唔洗你地係度留言幫我宣楊開去
而咁討厭我我亦唔會留人請過主,封你留言就係表明我唔希罕
你大可以開個新acc.再留,我就繼續封,你開一個我就封一個好簡單
支持我既我識分,唔支持既唔緊要你尊重我時我會尊重你
但當你唔尊重我時我亦唔洗同你客氣
我只係一個youtuber,唔係聖人,我冇必要亦唔可能聽你地侮辱我而我仲可以笑笑口當冇件事
最後一次交代,講完!