（重開）【互動屍考】凌晨三點，我屋企門口有敲閘聲……

「你冷靜啲先！」你伸出手來，嘗試著安撫他的情緒。

「我好冷靜！我淨係知你好唔冷靜！」帕奇突然暴怒起來，「我話埋比你知啦，就算我踩到時速一百公里直鏟入去，架車唔洗四、五十米就會完全停低，同落車行根本無分別。而到時車頭同側邊全部都會係層層疊咁樣嘅喪屍，車尾方向個班就會因為發出嘅聲音而調頭包圍我哋……」

「咪住……你話落車行？」你打斷帕奇。

「係啊！同落車行無分別啊！送死啊！明唔明啊！」他張口喘著大氣，雙手用力搥向軑盤，吉普車隨即發出「嗚」的響咹聲。

只見喪屍停頓了片刻，站在最前的一群立即轉以更快的步速向你們前進。

……時間無多了！

「你冷靜……總之你聽我講！」你也在車內大喊起來，「聽住……聽住啊！我要你完全相信我，一次咁多！我唔係衝動唔係搵命博……我依家有一個計劃，但無時間同你解釋！信我，Okay？」你焦燥地向他解釋著。

帕奇隨即變得安靜下來。

「好……我哋依家落車，去車尾箱……」你打開車門，正要跳下車。

「唔係我哋……係你。」他看了你一眼。「你要送死就自己去，我唔會同你顛埋一份。」

「但係……」

「啪」的一聲，帕奇伸手把副駕駛座的車門關上，然後坐著不動。

你想你理解他的意思了。

他是在等你拿完要拿的東西，然後便準備把吉普車駛走－－無論往哪個方向都好。

既然他去意已決，你也不必浪費時間再作挽留。

於是你轉身急步跑到車尾箱前，拿了那桶還未扭上樽蓋的油桶後，再把車尾門關上。

臨別之際，你經過駕駛座的旁邊，拍了拍車門。帕奇並沒有望向你，但還是把車窗扭下。

「照顧好自己，唔好死。」

他瞄了你一眼，把吉普車徐徐向後駛著，然後調過車頭，往相反方向背道而去，在你的視野中慢慢縮小。