卡比先生
2018-12-18 13:40:09
「每次我一拎支煙出嚟,佢就好似你咁窒我一句:『又食?』」榮叔沉醉在回憶之中,罕有地微笑著。
「以前覺得戒煙好難,都成廿年嘅習慣囉……後生個陣好衰唔衰走去當兵,日日都好大壓力,幾乎無一教係訓得安穩。慢慢食煙變咗我減壓同提神既唯一方法。」
他拿出佈滿皺紋的煙盒,看著它,良久沒有說話。
「後來,佢為咗逼我戒煙,直接我買一包佢就揸皺一包,入面啲煙全部散哂,點食?」
只見榮叔從煙盒中徐徐抽出一支香煙,在手中把玩著。
「之但係佢精我都唔笨喎。一盒裝滿廿支,一捏就渣都無得淨;但如果一盒淨係裝一支呢?咁就點揸都至少有條全屍。其實佢一直都知我偷偷地咁做,但佢又見我因為咁而食少咗煙,就無踢爆到。」
火苗點燃了煙草,臉上的笑容也漸漸消失。
「……後來我先知道,原來戒煙好易,要留住一個人好難。」
榮叔站了起來,把煙豎著卡在膠籃的小孔上;又拿出了剛剛的懷錶,打開罩殼,看著裡面的照片。
「節哀順變。」(a)
「最後發生咗咩事?」(b)