無架 想講下野咁 有無分手無耐既人入黎傾傾

辛苦都好正常既，失去一定會心痛。你自己都知唔值得，咁都仲有得救，唔好再接觸到任何關於佢既野就得。

只要信，不要問。
而家個決定權係返你到，想走想留自己做決定啦。

做自己想做既野，記住底線係尊重對方，愛過無謂不歡而散。

所以話尊重對方，唔好太自私，無人阻止你繼續愛佢繼續支持佢，但係可以低調。

今日發現佢ig，除左我地既合照以外，所有有關我既相都del哂，好彩我之前有cap低。
唔del合照我諗係廢事其他人發現之後要解釋，但原來除左合照，佢連有關我既野都唔想留低，係咪咁唔捨得，係咪到頭來得我一個人不捨......

分手嗰陣同佢講過，希望佢唔好扔左我送俾佢既野，我覺得分左手但冇必要否認呢段過去，唔代表要抹去所有回憶。不過可能佢唔係咁諗，可能已經扔哂啦......

你放唔開，其實唯有硬食。

衰啲講句，你可以look for其他合眼緣既人，邊等佢。如果真係搵到個中意既，咪放手去追。感情無對錯，無話一定要呆等，fight for yourself，無人可以怪你。

你要咁悲觀都無計，以我自己為例，我保留哂所有前度送比我既野，始終都愛過，我會想留返留念，而唔會dump哂佢。如果佢真係dump哂，咁你係做左啲好差劣既野先會咁。如果你對你地曾經既感情有信心，就唔會諗到咁。

其實佢都無義務要覆你，其實你咁樣諗野都好自私。點解人地唔覆你就係自私呢，你覺得佢一定要覆你其實都係自私既行為。我第一個女朋友就係天蠍座，天蠍座眾所週知係比較決絕既人，佢地狠心落黎唔覆你係好正常。都係果句，你而家係段關係係處於下下風，就算修補到都唔會長，放手讓她走吧，朋友。

男女都一樣啦。
好多人會拎我都係關心佢姐做擋箭牌，其實佢需唔需要呢？如果係一廂情願，咁就係一種自私，你渴望得到佢既回應，覺得佢唔回覆你就係佢唔好佢唔岩，咁樣就係一種自私既表現。我都係經歷左今次分手先體會到呢樣野。

你都岩，佢唔需要關心，有時太多關心比到佢壓力，但每一個人都想有人支持下佢，所以我都隔左二個星期先問一句，我一句都唔問下我自己會感覺過份左

比佢知你有關心佢就得啦，你已經做左你應該做既野，其他既就聽天由命啦。

4日前
ex同我講分配唔到時間
大家價值觀唔同
或者大家選擇開始已經係錯
搵翻佢話覺得我煩
呢一刻我知道完了
我只係覆句祝你幸福

然後直接del晒所有相 ig fb 電話
好唔捨得但我唔想再記起佢

今日新工請咗我之後
買咗張去倫敦機票

2018年分2次手
2個唔同人
4月同一個4年嘅分咗手
12月一齊咗半年分手
無諗過我會有呢一日


其實我仲好辛苦，但日子係要過

你係巴定絲？我已經分唔出，會代入角色當哂你地做巴打，驚比錯意見。比前度話煩其實真係好心痛，當你仲對佢有感覺，而中意既人個心已經走左。

然後直接del晒所有相 ig fb 電話，咁樣我又覺得你太激進左。而且我想問，你兩段感情相差左幾耐？係一年內受兩次傷，真係會好痛我相信，去個長旅行的確對療傷有幫助。我分手後都辭左職。去左個旅行，利申：FG。對我自己諗以後既路點行好有幫助，我仲要係重遊舊地，去返同佢第一次去旅行既地方，諗起好多回憶，但係正正係咁，令我放低左，同佢美好既回憶我呢世都唔會忘記，諗起佢仲好開心，無同佢聯絡我比較開心。

其實我仲好辛苦，但日子係要過。絕對係，幾辛苦，呢個都係你既人生，無人可以幫到你行落去，只有你支撐自己繼續行落去，加油啊！

拿，信心呢啲野，一種信仰黎架姐。

無左一啲都唔出奇，感情就係咁脆弱。如果佢仲愛你，自然會返黎。而家根本就無得你揀，可能到你唔愛，佢又走返黎搵你，錯的時間遇上對的人，人生仲要發生幾次。

我係巴
可能我性格係咁
雖然係絕
但係一個可以好快放低嘅方法

拖四年嘅
分手大約兩個月已經冇事
因為已經有先兆

之後就同半年嗰個一齊
佢鍾意咗我一年咗右
係佢主動關心我
gag到我放低左之後就開始暗示鍾意我
不過大家性格有少少唔同
佢係比較靜
我比較外向

其實我唔介意磨合
但係佢唔想浪費時間做呢啲事
覺得讀書重要

最後佢選擇和平分開做返朋友
但我冇可能做朋友
自欺欺人，折磨大家

仲讀緊書，證明你地都仲細，以後既路唔可以一齊行都好，記住對方既好就足夠，我自己覺得～

我同佢係工作上認識
表面上嘅回憶嘢好容易刪除
但係自己腦裏面嘅記憶冇辦法可以刪走
其實佢好好
我都以為可以行到一段長時間嘅路
同佢相處嘅日子其實好開心
但無諗過一切黎得咁快咁突然
當然自己都有問題或者佢忍咗我好耐

相處方面，我都承認大家有唔同地方
我係一個愛你可以好遷就你同唔怕磨合嘅人
佢覺得無呢個需要 咁我都無謂勉強
身邊朋友覺得其實好少事 一定可以解決
我都係咁諗，但只怪自己太天真
就連我之前送份禮物佢私下都有好多不滿意見
佢無同我講 但我地有共同朋友
聽到呢一步我知道已經無可挽回
已經再無辦法

2個人走在一起係2個人的事
2個人分開只需要1個人的事

送份禮物都不滿？港女黎？
Anyhow take care