無架 想講下野咁 有無分手無耐既人入黎傾傾

唉

好卦住佢佢身上陣味

我都係
而家收埋到
連朋友都冇見

佢都係，亦係我既避風塘

唉，半年了，都未起得返身

但完全唔見下人又會好悶

折磨自己都好正常
你可以咁做 但唔可以長時間咁做
遲早身體會有signal比你

終有日起到身既
而家比自己情緒綁架左姐
都係果句 時間係解藥 只不過你病得比較重

最怕佢唔會搵番我
而且耐冇聯絡會淡

如果佢捨得唔搵你
一直都講 單方面付出既關係唔會有結果
我唔知你對佢有信心既意思係咩
係有信心佢唔會愛第個
定有信心佢仲愛你
對你地既關係抱返啲信心啦朋友

其實我好想分享我個單野。

我同佢識左兩個月，大家情投意合，好快就一齊左。

開頭都好sweet，佢成日搵我，好痴我身，但因為可能我第一次拍拖，所以個陣好唔慣。自從有一次，佢責怪我成日唔搵佢，我就開始係咁搵佢，開始變到係我搵佢多過佢搵我，以我所知，佢係一個好chur自己既女仔，所以我慢慢變到好敏感，無安全感，亦都因為咁同佢分手前嘈過好多次交，其實每次都係我嘈先，話佢成日唔理我，好耐先覆我，我仲好幼稚咁講過幾次分手，但都無分到。我feel到分手前個幾日，佢個人變左，無啦啦有人送野比佢，佢話係女仔朋友送，跟住又有好多野唔同我講，我都有問佢，佢就話等緊我同佢講，個陣我以爲佢想叫我同佢講分手，所以有一晚，我同佢講返呢件事，佢話我成日諗分手，咁想分手就同我分手。

事後，我有挽回返，但佢話想冷靜，咁我都比佢冷靜，隔左一星期左右，聽到個fd話佢睇我唔起，我就搵左佢同佢嘈左陣，佢又好堅持話無講過。佢又即刻開post話原來本身仲有希望，搞到我仲後悔。

跟住早幾日見到佢ig無啦啦又同佢個ex互相follow返，跟住岩岩我去左玩占卜，占卜師都話我好難話返佢，又話有第三者，情敵等等，又話要追佢一定要短期內，如果唔係就無，搞到我而家好down，諗緊佢係咪同佢個ex一齊返，好似做緊傻仔，比人笑緊咁。

你對佢無信任咩？
我同你一樣 幼稚男一個
會因為意氣用事講分手發脾氣
但係佢點解會睇你唔起
點解你又會信話佢睇你唔起？
呢樣我唔係好明
我勸你改好左自己呢啲毛病先
如果唔係一齊返都無意思
我而家都係到改變緊自己
希望自己可以變成一個可以照顧到自己愛既人既成熟男人
然後先去搵返佢又好，等待下一段感情都好
或者呢個時候，你覺得佢係你既Mrs Right，但係佢可能覺得你唔係佢既Mr Right
錯既時間遇上岩既人，係可惜，但係會令你成長
當你覺得自己已經變得好好，再返去光明正大搵返佢，如果到果陣你仲係腦海諗起佢
而家呢刻，時機過左，就無左。
有啲野失去左，唔係你爭取，就可以有返。
我前度教識我既野太多。
我拍左四次拖，上一個係我最愛既一個，佢對我好，教識左我好多野。
我選擇祝福佢，你而家比唔到幸福人，你應該比佢有得到幸福既機會。
將來既事將來再打算啦。

一齊左2年，上星期佢同我講分手
話已經冇耐性處理我啲情緒，冇再一個人既時候掛住我，唔再鍾意我了

到最後一刻我都想挽留，但佢同我講: 完啦好嗎？
我唔敢揾返佢，只係好想好想好想問下佢: 返工攰唔攰呀？有冇著多2件衫呀？有冇掛住我諗起我呀？

但我知道，自己已經冇資格再揾佢，亦唔想去到最後，佢由唔鍾意我，變到討厭我。

同樣地，都係果句，有啲野失去左，唔係爭取就可以重新得到返。要一個人從喜歡到討厭，其實好容易。分開左仲糾纏聯絡，絕對會令佢對你感到討厭反感。大家係埋一齊其實為既就係開心，想係中意既人果到獲得幸福既感覺。既然你（同時都係我）未做到，放手比佢走去搵幸福，其實係你而家可以做到既野。我相信你都係呢段感情入面學識左好多，成長左好多，你應該要多謝佢係你生命中出現，為左令你變得更成熟做左好多野。

當自己變得更好果陣，再睇下有無機會返轉頭，搵返佢啦。到時你就會係一個值得擁有幸福既人，亦係一個可以比到你另一半幸福既人。

exact7ly我做緊既野

啱，就算分手都上左一課，又好感激佢以前既關懷、忍讓同照顧，呢啲野即使作為情侶亦非必然。

其實我分嗰陣扮到好灑脫咁同佢講: 我好鍾意你，但既然你已經對我冇感覺，咁希望你揾一個更合適你既模式生活落去，不論係揾另一個，定係享受單身。因為我愛你，所以我都選擇放手，唔想煩到你。

真心祝福，想俾佢自由既將來佢，但原來係咁難。
因為我總想佢既將來有我。

我依加都唔奢求啲乜，只係想揾返佢傾計，想知佢呢排仲有冇為左我地分手而唔開心，又唔想纏住佢。我地仲有follow大家ig，係咁對住空氣叫春，想佢見到之後揾下我，不過都冇乜可能啦......

加油捱過便可

成日以為自己已經放低左, 但間唔中個腦又浮下佢既野出黎
做乜鳩呀

分手不要做朋友，其實係真。

你而家可能仲好中意佢，但係你確定你之後都會仲中意佢？就算佢肯同你做朋友傾兩句又點，只會令你move on唔到，但係佢繼續可以牽動你既情緒。你地唔再係情侶，佢唔會再好似以前咁樣既傾計模式，佢已經move on左，淨低既得返你自己，你繼續諗呢樣諗果樣，繼續為佢做既野唔開心，何必呢。

不如move on左，改變自己，再回頭望一下，或者你都唔再愛佢，又或者你仲愛緊佢，到時再重新認識過大家，當一場新既戀愛咁會更加好。

當美好回億懷念下亦未嘗不可既，我而家都偶然會諗起，而且仲幾開心 覺得佢好好，佢值得更好，登佢開心。可能你地會覺得有咩可能，唔好扮野啦你，不過呢個係事實。呢樣可能都係我成長左既表現。講真，分手後我有聯絡過佢，但係我好唔開心，佢對我既語氣所有野都唔再熟悉。當無再聯絡既時候，我搵返自己既生活，我開心左好多，諗起佢都開心，因為我知道我中意既無回憶入面既佢，好多謝佢

因咩事？

其實分手之後我都心入面好多謝佢.
同佢都相處左4年半, 最後分手都好決斷無再聯絡我等我死左心佢
但有時諗返同佢既點滴都幾辛苦, 最熟悉嗰個人唔再係佢.
下個女朋友都未必搵得返呢個感覺