http://youtu.be/V4ZlegXaPfU
如果C朗踢到美斯呢場咁
肯定吹奏到上太陽系
見人就過
護波 分波
幾球派路式過頭
幾球沙維式直線
兩個世界級罰球
再加一球助攻
實有人衝出黎話唔同位置無得比較
又或者靠巴塞體系點點點
其實只要落過場踢過下波
就知道美斯的level真係高過其他地球人幾班
好老實
真心C朗好撚癲
33歲仲場場爆足
你要美斯咁踢實冇可能
但只要美斯有體能的情況下
隊友跑到 佢就比到
射波唔會球球入 但你會見到都係向死角飛
過人就一定冇以前十八廿二咁同你玩哂成條邊
但係中場過一兩個再分波 已經熟到好似機械式咁
唔係要下下比較佢地兩個
但睇住傳媒對佢地兩個的標準真係好撚唔同
2013年C朗附加賽帶帽帶葡萄牙入決賽週
金球獎專登延長投票時間等人改投C朗 送個獎比佢
今年美斯外圍賽生死戰帶帽幫阿根廷入決賽週
到年尾投票提都冇人提
今年世界盃大家都16強出局
葡萄牙輸比烏拉圭
阿根廷總共輸左兩場 就係輸比決賽個兩隊
C朗對西班牙 一球靚罰球 一球十二碼 一球迪基亞甩手
就已經比人講足左大半年 講到話應該拎金球獎
美斯一入球兩助攻
都要成為出局罪人
阿根廷國內媒體屌佢未盡力
馬勒當拿屌佢冇領導能力
但已經冇人記得點解阿根廷有世界盃踢
有時真係心睇返現實
老馬比利日日衝出黎屌鳩美斯
驚死後人超越自己
就知道C朗美斯層次有咩分別
都係個句
C朗係頂級前鋒
但美斯就真係成個攻勢由頭到尾自己做出黎
唔知連登仲有幾多識踢波的人